សាលារៀនចំនួនបីកន្លែងក្នុងរាជធានីភ្នំពេញ ប្រទេសកម្ពុជា បានប្រារព្ធពិធីបរិច្ចាគកុំព្យូទ័រ និងការជួសជុលកែលម្អបន្ទប់រៀនចាស់ៗ ទៅជាបន្ទប់កុំព្យូទ័រទំនើបៗ ដោយសមាគមនិកាយនៃសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ ។ នៅថ្ងៃទី២៥ ខែកញ្ញា ឆ្នាំ២០២៤ សមាគមនិកាយបានប្រគល់បន្ទប់កុំព្យូទ័រដែលមានមុខងារពេញលេញនៅក្នុងពិធីមួយ ក្រោមអធិបតីភាពរបស់លោក ជា វង្សចន្ថា នាយករដ្ឋបាលខណ្ឌមានជ័យ រាជធានីភ្នំពេញ ។
IMG_5365.jpeg
នាយករដ្ឋបាលខណ្ឌមានជ័យ លោក ជា វង្សចន្ថា អញ្ជើញជាអធិបតីក្នុងពិធីប្រគល់-ទទួលអំណោយកុំព្យូទ័រ និងការជួសជុលកែលម្អដែលទាក់ទង មកពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ សម្រាប់វិទ្យាល័យចំនួនបីក្នុងខណ្ឌរបស់លោក ក្នុងរាជធានីភ្នំពេញ ប្រទេសកម្ពុជា នាថ្ងៃទី២៥ ខែកញ្ញា ឆ្នាំ២០២៤ ។© 2024 by Intellectual Reserve, Inc. All rights reserved.សាលារៀនចំនួនបីកន្លែងក្នុងរាជធានីភ្នំពេញ ប្រទេសកម្ពុជា បានប្រារព្ធពិធីបរិច្ចាគកុំព្យូទ័រ និងការជួសជុលកែលម្អបន្ទប់រៀនចាស់ៗ ទៅជាបន្ទប់កុំព្យូទ័រទំនើបៗ ដោយសមាគមនិកាយនៃសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ ។ នៅថ្ងៃទី២៥ ខែកញ្ញា ឆ្នាំ២០២៤ សមាគមនិកាយបានប្រគល់បន្ទប់កុំព្យូទ័រដែលមានមុខងារពេញលេញនៅក្នុងពិធីមួយ ក្រោមអធិបតីភាពរបស់លោក ជា វង្សចន្ថា នាយករដ្ឋបាលខណ្ឌមានជ័យ រាជធានីភ្នំពេញ ។
IMG_5379.jpeg
ប្រធានសមាគមនិកាយសាសនាចក្រ លោក ចន្ទសុភា និងនាយកសាលាវិទ្យាល័យ ហ៊ុន សែន ចាក់អង្រែ ដែលឥឡូវនេះជាលោក ឈុនហាក់ ថតរូបក្នុងពិធីប្រគល់-ទទួលអំណោយកុំព្យូទ័រ និងការជួសជុលកែលម្អ មកពីសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយសម្រាប់វិទ្យាល័យនេះ និងសាលាពីរទៀតនៅរាជធានីភ្នំពេញ ប្រទេសកម្ពុជា នាថ្ងៃទី២៥ ខែកញ្ញា ឆ្នាំ២០២៤ ។© 2024 by Intellectual Reserve, Inc. All rights reserved.លោក ចន្ទសុភា បានចែកចាយថា បេសកកម្មរបស់សមាគមនិកាយគឺដើម្បីលើកកម្ពស់ភាពខ្លួនទីពឹងខ្លួនរបស់សហគមន៍តាមរយៈការបរិច្ចាគនានា ។ លោកបានមានប្រសាសន៍ថា « សមាជិកនៃសមាគមនិកាយបានតមអាហារពីរពេលក្នុងមួយខែ ហើយបរិច្ចាគថ្លៃអាហារទាំងនោះដល់សមាគមនិកាយ ដើម្បីប្រើប្រាស់ជួយដល់សហគមន៍ជុំវិញពិភពលោក » ។
នាយករដ្ឋបាល និងនាយកសាលាបានថ្លែងអំណរគុណចំពោះសមាគមនិកាយសម្រាប់ជំនួយសហការ និងអំណោយដ៏សប្បុរសពីសមាជិកសមាគមនិកាយ ។ បន្ទប់កុំព្យូទ័រផ្តល់ឧបករណ៍ថ្មីៗសម្រាប់ការបង្រៀន និងរៀបចំកុមារសម្រាប់បច្ចេកវិទ្យាដែលពួកគេនឹងជួបប្រទះនៅពេលពួកគេបន្តការសិក្សា និងអាជីពរបស់ពួកគេនៅក្នុងប្រទេសកម្ពុជា ។
សាលាទាំងបីនេះជួយដល់សិស្សានុសិស្សជាង ៤,៤០០ នាក់ដែលមានបន្ទប់រៀនជាង ៦០ បន្ទប់ ។ សាលារៀននីមួយៗបានទទួលកុំព្យូទ័រពី ២០ ទៅ ៤០ គ្រឿង ដែលបានដំឡើងគ្រប់សព្វនូវសុសវែរ ក្តារចុច mouseកុំព្យូទ័រ និងអេក្រង់កុំព្យូទ័រ ។ បន្ទប់រៀនដែលចាស់ត្រូវបានជួសជុលកែលម្អដោយសមាគមនិកាយ និងបានកែប្រែទៅជាបន្ទប់កុំព្យូទ័រដែលមានប្រព័ន្ធអគ្គិសនីសុវត្ថិភាព ទ្វារសុវត្ថិភាព ភ្លើង កង្ហារ និងម៉ាស៊ីនត្រជាក់ ដើម្បីរក្សាបរិយាកាសសិក្សាប្រកបដោយផាសុកភាព និងមានអនាម័យ ។
បន្ទាប់ពីពិធីនោះ អ្នកចូលរួមទាំងឡាយបានធ្វើទស្សនកិច្ចបន្ទប់កុំព្យូទ័រថ្មីទាំងនោះ ។ សិស្សានុសិស្សដែលអរសប្បាយកំពុងធ្វើការនៅលើកុំព្យូទ័រទាំងនោះ ហើយបង្ហាញពីការអភិវឌ្ឍជំនាញវាយអត្ថបទ និងសិក្សាពីប្រព័ន្ធកុំព្យូទ័រ និងកម្មវិធីដែលមានសម្រាប់ឲ្យពួកគេប្រើប្រាស់ ។
ការដាក់តាំង និងការប្រើប្រាស់ធនធានកុំព្យូទ័រទាំងនេះ នឹងរៀបចំសិស្សានុសិស្សឲ្យឆ្ពោះទៅកាន់យុគសម័យទំនើប និងស្ទាត់ជំនាញផ្នែកអភិវឌ្ឍបច្ចេកវិទ្យាបន្តិចម្តងៗនៅក្នុងប្រទេសកម្ពុជា និងពិភពលោក ដោយបង្កើនលទ្ធភាពការងារ និងជំនាញផ្សេងៗ ដើម្បីជំរុញឲ្យកាន់តែមានទំនាក់ទំនងជាសកល និងជឿនលឿនតាមប្រព័ន្ធឌីជីថល ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |