គណៈប្រធានទីមួយ ថ្មីនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បានអង្គុយចុះធ្វើការសម្ភាសជាមួយអ្នកសារព័ត៌មានដែលទទួលពានរង្វាន់ ជេន ខ្លេសុន ចនសុន នាថ្ងៃពុធ ទី១៥ ខែតុលា ឆ្នាំ២០២៥ ។ ការសន្ទនានេះពិភាក្សាពីបញ្ហាជាច្រើនដែលសាសនាចក្រ និងពិភពលោកកំពុងប្រឈមមុខ ។
ការសម្ភាសនេះត្រូវបានចែកចាយនៅទូទាំងពិភពលោកជាមួយនឹងសាធារណជន ជាការសន្ទនាដំបូងដែលមិនធ្លាប់មានពីមុនមក តាំងពី បានប្រកាស គណៈប្រធានទីមួយថ្មីនៅដើមសប្ដាហ៍នេះ ។
នៅក្នុងការសម្ភាសនេះ ដែលធ្វើឡើងនៅក្នុងអគារសមាគមសង្គ្រោះនៅក្នុងវិសាលដ្ឋានព្រះវិហារបរិសុទ្ធ អតីតអ្នកសារព័ត៌មានដែលធ្វើការជាមួយសារព័ត៌មាន CBS News និង ABC News បានសួរថា្នក់ដឹកនាំសាសនាចក្រអំពីតួនាទីរបស់ស្ដ្រីនៅក្នុងសេចក្ដីជំនឿ ការរីកចម្រើនយ៉ាងរហ័សនាពេលថ្មីៗនេះរបស់សាសនាចក្រ សារលិខិតសម្រាប់ជំនាន់ដែលកំពុងពេញវ័យ ការឈោងទៅជួយអ្នកដទៃ និងបញ្ហាផ្សេងៗជាច្រើនទៀត ។
អ្នកសារព័ត៌មានអាចទាញយកបាននៅលើ B-roll & SOTs
តួនាទីរបស់ស្ដ្រី
ចនសុន បានសួរពីអ្វីដែលគណៈប្រធានទីមួយចង់ឲ្យមនុស្សទូទៅយល់អំពីតួនាទីរបស់ស្ដ្រីនៅក្នុងសាសនាចក្រ ។
ប្រធាន គ្រីស្តូហ្វឺសិន បានថ្លែងអំពីតម្រូវការនៅក្នុងសាសនាចក្រទាំងមូល ដើម្បីទទួលបានទស្សនវិស័យពីសំណាក់បុរស និងស្ដ្រី ពេលពិចារណាធ្វើការសម្រេចចិត្ត ។
ប្រធាន គ្រីស្តូហ្វឺសិន បានថ្លែងថា « [ នៅពេល ] យើងទទួលបានទស្សនវិស័យទាំងពីរចូលគ្នា នោះយើងមានទស្សនវិស័យដ៏ល្អប្រសើរមួយ ។ យើងខិតទៅកាន់តែជិតដល់ទស្សនវិស័យដ៏ទេវភាព » ។
ប្រធាន អាវរិង បានបន្ថែមថា « ភាពជាអ្នកដឹកនាំគឺជាការបម្រើ ហើយស្ដ្រីធ្វើការបម្រើតាមរបៀបមួយដែលអស្ចារ្យយ៉ាងខ្លាំង » ។
ប្រធាន អូក បានឯកភាពថា សាសនាចក្រ « មិនតែងតែឈ្លាសវៃក្នុងការប្រើប្រាស់គុណសម្បត្តិ និងអំណាចដ៏អស្ចារ្យទាំងនេះរបស់បុត្រីនៃព្រះជានិច្ចនោះទេ » ។
ប្រធាន អូក បានថ្លែងថា « យើងមានការងារដែលត្រូវធ្វើ ប៉ុន្តែយើងមានភាពល្អប្រសើរច្រើនជាងកាលពីមួយទសវត្សរ៍មុន » ។
អ្វីដែលនាំឲ្យសាសនាចក្រមានការរីកចម្រើន
ចនសុន បានកត់សម្គាល់ថា ទោះបីជានិន្នាការប្រជាសាស្ដ្របង្ហាញថាមានមនុស្សជាច្រើនបញ្ជាក់ថា ពួកគេមិនចូលសាសនាក៏ដោយ ក៏សាសនាចក្រនៅតែរីកចម្រើនដដែល ។ ឧទាហរណ៍ មនុស្ស ៩០០,០០០នាក់ បានចូលជាសមាជិកនៃសាសនាចក្រក្នុងរយៈពេលបីឆ្នាំកន្លងទៅ ។ គាត់បានសួរថា « តើអ្វីទៅដែលជំរុញឲ្យមានកំណើននេះ ? »
ប្រធាន អូក បានមានប្រសាសន៍ថា ការសម្ងាត់អំពីការរីកចម្រើននៃសាសនាចក្រគឺជាអំណាចនៃដំណឹងល្អដែលបានស្ដារឡើងវិញរបស់ព្រះយេស៊ូវគ្រីស្ទ ។
ប្រធាន អូក បានថ្លែងថា « វាជាដំណឹងល្អនៃសុភមង្គល និងការរីកចម្រើន ហើយមានព័ត៌មានអំពីគោលបំណងនៃជីវិត ។ មនុស្សដែលជឿលើគោលលទ្ធិនេះ នឹងរកឃើញថា វាធ្វើឲ្យជីវិតពួកគេកាន់តែរីករាយ កាន់តែសំខាន់ កាន់តែធន់នឹងការលំបាក ដែលយើងទាំងអស់គ្នាជួបប្រទះនៅក្នុងជីវិតរមែងស្លាប់ និងកាន់តែអាចបម្រើមនុស្សជុំវិញខ្លួនបាន និងដើម្បីចិញ្ចឹមកូនៗរបស់ពួកគេ » ។
ប្រធាន អាវរិង បានថ្លែងថា ឫសគល់នៃការរីកចម្រើននេះគឺជាសេចក្ដីសង្ឃឹមដែលមនុស្សមាននៅក្នុងសារលិខិតនេះ ។
លោកបាននិយាយថា « ការរីកចម្រើននៃសាសនាចក្រនឹងកើនឡើង នៅពេលពួកគេរកឃើញដំណឹងល្អនៃព្រះយេស៊ូវគ្រីស្ទដែលបានបង្ហាញដោយពួកអ្នកផ្សព្វផ្សាយសាសនា ពួកគេមើលឃើញសេចក្ដីសង្ឃឹម » ។
ប្រធាន គ្រីស្តូហ្វឺសិន បានថ្លែងថា ការរីកចម្រើនរបស់សាសនាចក្ររំឭកលោកពីការបង្រៀនរបស់ប្រធាន រ័សុល អិម ណិលសុន អំពីការប្រមូលផ្ដុំរាស្ដ្រក្នុងសេចក្ដីសញ្ញារបស់ព្រះនៅជុំវិញពិភពលោក ។
លោកថ្លែងថា « ខ្ញុំជឿថា នោះគឺជាអ្វីដែលយើងកំពុងមើលឃើញ ។ ព្រះអម្ចាស់កំពុងនាំឲ្យរឿងទាំងឡាយកើតឡើង ។ យើងអាចជួយបាន ប្រហែលតែបន្ទាប់បន្សំទេ ប៉ុន្ដែទ្រង់កំពុងពន្លឿនដោយព្រះចេស្ដារបស់ទ្រង់ ។ ខ្ញុំឃើញព្រះអម្ចាស់ពន្លឿននៅទូទាំងផែនដី ហើយព្រះវិញ្ញាណរបស់ទ្រង់ជះឥទ្ធិពលដល់មនុស្សក្នុងជីវិតរបស់ពួកគេ » ។
- 20251015_125635_Nilsson_LES8127C1.jpg
- 20251015_131405_Nilsson_LES8575C1.jpg
- 20251015_140725_Nilsson_LES9736C1.jpg
- 20251015_134001_Nilsson_LES9109C1.jpg
- 20251015_130416_CBell_CMB_1062.jpg.JPG
- 20251015_134422_Nilsson_LES9197C1.jpg
- 20251015_130550_Nilsson_LES8374C1.jpg
- 20251015_134101_Nilsson_LES9141C1.jpg
- 20251015_131630_Nilsson_LES8645C1.jpg
- 20251015_130953_CBell_CMB_1253.jpg.JPG
- 20251015_130957_Nilsson_LES8486C1.jpg
- 20251015_130506_CBell_CMB_1156.jpg
- 20251015_140939_Nilsson_LES9784C1.jpg
- 20251015_140607_Nilsson_LES9715C1.jpg
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
សារលិខិតទៅកាន់អ្នកដែលនៅចុងនៃសេចក្ដីជំនឿ
ចនសុន បានសូមឲ្យគណៈប្រធានទីមួយលើកឡើងពីអ្នកដែលមានអារម្មណ៍ថា ពួកគេចូលមិនចុះចំណោមសាសនាចក្រ ។ គាត់សួរថា « តើប្រធានចង់ឲ្យពួកគេដឹងអ្វីខ្លះអំពីព្រះទ័យរបស់ព្រះអង្គសង្គ្រោះចំពោះពួកគេ និងអំពីអារម្មណ៍របស់ប្រធានចំពោះពួកគេ ? »
ប្រធាន អូក បានបញ្ជាក់ថា « យើងទាំងអស់គ្នាគឺជាបុត្រាបុត្រីរបស់ព្រះ ។ ព្រះស្រឡាញ់ពួកគេ ហើយទ្រង់មានផែនការសម្រាប់ពួកគេ ទោះជាពួកគេនៅទីណាក៏ដោយ នៅលើផ្លូវឆ្ពោះទៅកាន់ជោគវាសនាដ៏ទេវភាពនោះ » ។
ប្រធាន អាវរិង បានចង្អុលទៅកាន់ព្រះគម្ពីរដែលពិពណ៌នាពីព្រះហស្ដរបស់ព្រះគ្រីស្ទ ដែលឈោងទៅជួយដោយសេចក្ដីមេត្តាករុណា និងសេចក្ដីស្រឡាញ់ ។
ប្រធាន អាវរិង បានមានប្រសាសន៍ថា « ពេលនរណាម្នាក់មានអារម្មណ៍ថា នៅចុងនៃសេចក្ដីជំនឿ ពួកគេមិនអាចទៅឆ្ងាយខ្លាំងផុតពីព្រះអង្គសង្គ្រោះ រហូតដល់ទ្រង់មិនអាចឈោងទៅជួយពួកគេបានទេ ។ ការលើកទឹកចិត្តរបស់ខ្ញុំទៅកាន់ពួកគេ គឺការអធិស្ឋាន ហើយបងប្អូននឹងលែងមានអារម្មណ៍ថានៅចុងនៃសេចក្ដីជំនឿទៀតហើយ ហើយមានចំណែកនឹងយើងវិញ » ។
ប្រធាន គ្រីស្តូហ្វឺសិន បានទទូចឲ្យគ្រប់គ្នាដែលមានអារម្មណ៍ថាមិនមានចំណែកក្នុងសាសនាចក្រ ឲ្យងាកទៅរកព្រះគ្រីស្ទ ហើយចូលរួមក្នុងការបម្រើ ។
20251015_130957_Nilsson_LES8486C1.jpg
ប្រធាន ដាល្លិន អេក អូក និងប្រធាន ឌី ថត គ្រីស្តូហ្វឺសិន នៃគណៈប្រធានទីមួយ ទទួលការសម្ភាសពី ជេន ខ្លេសុន ចនសុន ជាអ្នកសារព័ត៌មានដែលទទួលពានរង្វាន់ នៅក្នុងអគារសមាគមសង្គ្រោះនៅទីក្រុង សលត៍ លេក រដ្ឋយូថាហ៍ នាថ្ងៃពុធ ទី១៥ ខែតុលា ឆ្នាំ២០២៥ ។2025 by Intellectual Reserve, Inc. All rights reserved.លោកថ្លែងថា « សូមកុំចាំឲ្យគេអញ្ជើញឲ្យចូលរួមឡើយ ។ សូមមក ហើយចូលរួមចំណែកអ្វីដែលបងប្អូនអាចធ្វើបានទៅកាន់ព្រះកាយនៃព្រះគ្រីស្ទ ។ មនុស្សគ្រប់គ្នាមានតម្លៃ ។ ការចូលរួមចំណែកទាំងអស់គឺមានតម្លៃ » ។
សារលិខិតទៅកាន់ជំនាន់ដែលកំពុងពេញវ័យ
តើថ្នាក់ដឹកនាំសាសនាចក្រមានសារលិខិតអ្វីខ្លះទៅកាន់ជំនាន់ដែលកំពុងពេញវ័យ ?
ប្រធាន អូក បានថ្លែងថា « ក្មួយៗមានព្រះវរបិតាសួគ៌ដែលស្រឡាញ់ក្មួយៗ ។ ទ្រង់បានប្រទានផែនការមួយឲ្យក្មួយៗ ហើយវាល្អបំផុតនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ជាកន្លែងដែលយើងមានការពន្យល់សម្រាប់គោលបំណងនៃជីវិត ឧបសគ្គ និងសកម្មភាពនានាដែលនាំក្មួយៗឲ្យដើរនៅលើអ្វីដែលយើងហៅថា ផ្លូវនៃសេចក្ដីសញ្ញា ទៅរកជោគវាសនានៃស្ថានសួគ៌ ។ សូមទុកចិត្តលើព្រះអម្ចាស់ ។ សូមមករីករាយនឹងពរជ័យរបស់ទ្រង់ជាមួយពួកយើង » ។
ប្រធាន អាវរិង បានថ្លែងថា លោកមានសុទិដ្ឋិនិយមសម្រាប់យុវវ័យ ដរាបណាពួកគេងាកទៅរកព្រះអង្គសង្គ្រោះនៃពិភពលោក ។
ប្រធាន អាវរិង បានមានប្រសាសន៍ថា « សូមអបអរសាទរ ! ព្រះអម្ចាស់បានទុកក្មួយៗសម្រាប់គ្រាដ៏រំភើបបំផុតក្នុងប្រវត្តិសាស្ដ្រ ដើម្បីធ្វើកិច្ចការរបស់ទ្រង់ក្នុងពិភពលោកនេះ ។ ខ្ញុំសន្យាថា ពួកគេនឹងមានអនាគតដ៏រុងរឿង ហើយខ្ញុំគិតថា វាចាប់ផ្ដើមលេចចេញមកហើយ ។ ពួកគេអាចមានសុទិដ្ឋិនិយមបាន ប្រសិនបើពួកគេទុកចិត្តលើព្រះអម្ចាស់ព្រះយេស៊ូវគ្រីស្ទ និងធ្វើជាអ្នកបម្រើរបស់ទ្រង់ឲ្យអស់ពីលទ្ធភាពរបស់ពួកគេ » ។
ប្រធាន គ្រីស្តូហ្វឺសិន បានឯកភាពចំពោះឧបសគ្គដ៏ពិសេសរបស់មនុស្សនៅជំនាន់សហសវត្សរ៍ និងជំនាន់ ហ្សី ។ លោកទទូចឲ្យយុវវ័យប្រើបច្ចេកវិទ្យាសម្រាប់ការណ៍ល្អ—ហើយត្រូវចងចាំថា « គ្មានអ្វីជំនួសឲ្យព្រះវិញ្ញាណបរិសុទ្ធឡើយ » ។
លោកបានថ្លែងថា « គ្មានបច្ចេកវិទ្យាណា គ្មានជម្រើស ឬប្រភពផ្សេងទៀតណា ដែលអាចជំនួសព្រះវិញ្ញាណបានឡើយ ។ ដូចដែលប្រធាន[ អូក ]បានថ្លែងអ៊ីចឹង សូមងាកទៅរកព្រះអម្ចាស់ ។ ព្រះយេស៊ូវគ្រីស្ទគឺជាចម្លើយជានិច្ច » ។
20251015_130550_Nilsson_LES8374C1.jpg
ប្រធាន ហែនរី ប៊ី អាវរិង ទីប្រឹក្សាទីមួយនៃគណៈប្រធានទីមួយនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ឆ្លើយសំណួរនៅអំឡុងការសម្ភាសជាមួយ ជេន ខ្លេសុន ចនសុន អ្នកសារព័ត៌មានដែលទទួលពានរង្វាន់ នៅក្នុងអគារសមាគមសង្គ្រោះនៅទីក្រុង សលត៍ លេក រដ្ឋយូថាហ៍ នាថ្ងៃពុធ ទី១៥ ខែតុលា ឆ្នាំ២០២៥ ។2025 by Intellectual Reserve, Inc. All rights reserved.« ព្រះយេស៊ូវគ្រីស្ទគឺជាផ្លូវ »
ចនសុន បានសួរពីឃ្លា ឬបទគម្ពីរអ្វីដែលគណៈប្រធានទីមួយចង់ឲ្យមនុស្សនឹកចាំក្នុងចិត្ត កាលពួកគេចាប់ផ្ដើមការងារបម្រើរបស់ពួកគេ ។
ប្រធាន អូក បានថ្លែងថា « ព្រះយេស៊ូវគ្រីស្ទគឺជាផ្លូវ » ។ បន្ទាប់មក លោកបានអាន ខគម្ពីរចេញពីព្រះគម្ពីរមរមន ដែលបង្រៀនថា « នឹងពុំមាននាមណាមួយ ឬផ្លូវ ឬក៏មធ្យោបាយឯណាទៀតឡើយ ដែលអាចនាំសេចក្ដីសង្គ្រោះមកឲ្យកូនចៅមនុស្ស មានតែមធ្យោបាយមួយប៉ុណ្ណោះ គឺដោយតាមរយៈព្រះនាមនៃព្រះគ្រីស្ទ ជាព្រះអម្ចាស់ដ៏មានគ្រប់ព្រះចេស្ដា » ។
ប្រធាន អាវរិង បានបន្ថែមការអញ្ជើញរបស់លោកផ្ទាល់ឲ្យធ្វើលើសពីការគ្រាន់តែ « តាមខ្ញុំទៅមើល » ដូចជាខគម្ពីរមួយនៅក្នុងព្រះគម្ពីរប៊ីបចែងមក ។
លោកបានមានប្រសាសន៍ថា « សូមអញ្ជើញមកចូលរួម ហើយរកឃើញសេចក្ដីសុខសាន្ដដែលបងប្អូនកំពុងស្វែងរក ដែលពិបាករកឃើញជាខ្លាំងនៅក្នុងពិភពលោកជុំវិញបងប្អូន » ។
ប្រធាន គ្រីស្តូហ្វឺសិន បានចង្អុលទៅកាន់ភាពពិតនៃការមានព្រះជន្មរស់ឡើងវិញរបស់ព្រះគ្រីស្ទ ថាជាប៉មភ្លើងនៃសេចក្ដីសង្ឃឹមចុងក្រោយ ។
ប្រធាន គ្រីស្តូហ្វឺសិន មានប្រសាសន៍ថា « សម្រាប់ខ្ញុំ ការពិតនៃការមានព្រះជន្មរស់ឡើងវិញរបស់ទ្រង់គឺជាភស្ដុតាងនៃព្រះចេស្ដារបស់ទ្រង់ ដើម្បីបំពេញការសន្យាទាំងអស់របស់ទ្រង់ ។ វាគឺជាភស្ដុតាងថា តើទ្រង់គឺជានរណា » ។
20251015_130953_CBell_CMB_1253.jpg.JPG
• ប្រធាន ដាល្លិន អេក អូក នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ និងភរិយារបស់លោក គ្រីស្ទីន មានពេលជាមួយគ្នាមួយភ្លែត ក្រោយពីលោក និងទីប្រឹក្សារបស់លោកនៅក្នុងគណៈប្រធានទីមួយ បានជួបសម្ភាសជាមួយនឹង ជេន ខ្លេសុន ចនសុន ជាអ្នកសារព័ត៌មានដែលទទួលពានរង្វាន់ នៅក្នុងអគារសមាគមសង្គ្រោះនៅទីក្រុង សលត៍ លេក រដ្ឋយូថាហ៍ នាថ្ងៃពុធ ទី១៥ ខែតុលា ឆ្នាំ២០២៥ ។2025 by Intellectual Reserve, Inc. All rights reserved.ប្រធាន អូក បានបញ្ចប់ដោយទីបន្ទាល់របស់លោកថា « ខ្ញុំរីករាយនឹងឱកាសនេះ ដើម្បីថ្លែងទីបន្ទាល់ថា ខ្ញុំដឹងថា ដំណឹងល្អនៃព្រះយេស៊ូវគ្រីស្ទនៅក្នុងភាពពេញលេញរបស់វា គឺមាននៅក្នុងសាសនាចក្រដែលបានស្ដារឡើងវិញនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។
នៅទីនេះមានចម្លើយចំពោះសំណួរដ៏អស្ចារ្យបំផុតអំពីជីវិត ។ តើខ្ញុំមានទំនាក់ទំនងអ្វីជាមួយព្រះ ? ហេតុអ្វីខ្ញុំនៅលើផែនដីនេះ ? តើអ្វីទៅជាគោលបំណងនៃជីវិតរមែងស្លាប់នេះ ដែលពេលខ្លះវាពិបាកខ្លាំងណាស់ ? តើយើងឆ្ពោះទៅទីណា ? តើយើងទៅដល់ទីនោះដោយរបៀបណា ? តើខ្ញុំមានទំនាក់ទំនងអ្វីជាមួយព្រះយេស៊ូវគ្រីស្ទ ?
ហើយតើទំនាក់ទំនងនោះអាចបានល្អប្រសើរឡើងដោយរបៀបណា ហើយខ្ញុំអាចរស់នៅកាន់តែប្រសើរ និងកាន់តែមានសុវត្ថិភាពជាងមុន ជាមួយមនុស្សដែលខ្ញុំស្រឡាញ់ និងទន្ទឹងរង់ចាំរស់នៅជាមួយពួកគេនៅក្នុងជីវិតក្រោយ ដែលត្រូវបានធានាថាជាវិញ្ញាណដែលបានរស់ឡើងវិញ មានរូបរាងកាយជាកូនរបស់ព្រះ ដោយសារតែបេសកកម្មរបស់ព្រះរាជបុត្រាបង្កើតតែមួយរបស់ទ្រង់ គឺព្រះយេស៊ូវគ្រីស្ទ ដែលខ្ញុំថ្លែងទីបន្ទាល់អំពីព្រះនាមរបស់ទ្រង់នៃការណ៍ទាំងអស់នេះ នៅក្នុងព្រះនាមនៃព្រះយេស៊ូវគ្រីស្ទ » ។