គម្រោងមនុស្សដ៏ធម៌ធំបំផុតរបស់ប្រទេសអាស៊ីចាប់ផ្តើមនៅប្រទេសកម្ពុជា

ពិធីបើកការដ្ឋានជួសជុល និងកែលម្អនេះបានប្រារព្ធឡើងនៅថ្ងៃទី ១៦ ខែមករា ឆ្នាំ ២០២៣ សម្រាប់គម្រោងជួសជុល និងគ្រឿងបរិក្ខារមន្ទីរពេទ្យខេត្តកំពង់ធំនៅប្រទេសកម្ពុជា ដែលគម្រោងនេះអាចធ្វើទៅបានក្រោមការបរិច្ចាគថវិការជិត ១.៥ លានដុល្លារអាមេរិកមកពីសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ ។ អែលឌើរ ខេលី អរ ចនសុន នៃគណៈប្រធានតំបន់អាស៊ីរបស់សាសនាចក្រ ដែលអមដំណើរដោយបុគ្គលិកប្រចាំតំបន់អាស៊ីផ្សេងទៀត បានធ្វើដំណើរទៅកាន់ខេត្តកំពង់ធំ ដើម្បីចូលរួមក្នុងពិធីនេះជាមួយនឹងឯកឧត្តម អភិបាលខេត្ត ងួន រតនៈ និងមន្ត្រីរដ្ឋាភិបាលកម្ពុជាដទៃទៀត ។ នេះជាដំណើរទស្សនកិច្ចលើកទីពីររបស់អែលឌើរ ចនសុន មកកាន់មន្ទីរពេទ្យនេះ បន្ទាប់ពីធ្វើការប្រកាសជាពិសេសពីគម្រោងនេះនៅថ្ងៃទី ៧ ខែធ្នូ ឆ្នាំ ២០២២ ក្នុងវត្តមានរបស់ ឯកឧត្តម អភិបាលខេត្ត ងួន រតនៈ ។

1 / 2

Download Photos

ឥឡូវនេះ ការងារជួសជុលនេះបានចាប់ផ្តើមហើយ ដែលចាប់ផ្ដើមដោយពួកអ្នកផ្សព្វផ្សាយសាសនាផ្នែកមនុស្សធម៌ខាងកិច្ចខិតខំលើកកម្ពស់សុខភាពកម្ពុជា (CHIE) ដែលស្ម័គ្រចិត្តលះបង់ពេលវេលារបស់ពួកគាត់ ក្នុងការជួយកែលម្អទំហែទាំសុខភាពសម្រាប់ជនក្រីក្រ និងខ្វះខាតនៅក្នុងប្រទេសកម្ពុជា ។ ដោយជាគម្រោងមនុស្សធម៌ដ៏ធំបំផុតមួយរបស់ប្រទេសអាស៊ី គម្រោងជួសជុល និងផ្គត់ផ្គង់បរិក្ខារមន្ទីរពេទ្យដល់ខេត្តកំពង់ធំ រួមមានការជួសជុលអគារមន្ទីរពេទ្យ ដែលគ្របដណ្តប់លើការងារ និងការជួសជុលរចនាសម្ព័ន្ធផ្សេងៗចំនួន ៣២ បន្ថែមពីលើឧបករណ៍មន្ទីរពេទ្យថ្មី ។ មន្ទីរពេទ្យកំពង់ធំជាមន្ទីរពេទ្យបង្អែកតែមួយគត់ក្នុងចំណោមមន្ទីរពេទ្យបង្អែកបីក្នុងខេត្ត ដែលបម្រើសេវាជូនប្រជាពលរដ្ឋបានជាង ៨៥០,០០០ នាក់ ។ មន្ទីរពេទ្យបង្អែក ផ្តល់ការថែទាំដល់ប្រជាពលរដ្ឋទាំងអស់ ជាពិសេសជនក្រីក្រ និងខ្វះខាតក្នុងខេត្តជនបទមួយនេះ ។

ពិធីបើកសម្ភោធនេះមានការចូលរួមពីមន្ត្រីរាជការខេត្តជាច្រើនរូបទៀត ដូចជា ប្រធានមន្ទីរធម្មការ និងសាសនា លោក តាន់ តៃជ្រួន ប្រធានមន្ទីរសុខាភិបាលខេត្ត វេជ្ជបណ្ឌិត ស្រី ស៊ីន ប្រធានមន្ទីរពេទ្យខេត្ត វេជ្ជបណ្ឌិត ស្រេង សេងហ៊ាង និងនាយករដ្ឋបាលខេត្តកំពង់ធំ ម៉ាក ប៊ុនហុង ។ អ្នកឡើងនិយាយនៅក្នុងពិធីបើករួមមាន អែលឌើរ ចនសុន ឯកឧត្តម អភិបាលខេត្ត ងួន រតនៈ វេជ្ជបណ្ឌិត ស្រេង និងសៀ សំណាង ជាប្រធានសមាគមនិកាយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។

1 / 2

Download Photos

វាជាថ្ងៃដ៏រីករាយសម្រាប់វេជ្ជបណ្ឌិត ស្រេង ខណៈដែលលោកថ្លែងទៅកាន់អភិបាលខេត្ត ភ្ញៀវកិត្តិយស និងអង្គប្រជុំ ។ លោកបានរៀបរាប់លម្អិតពីរបៀបដែលការជួសជុលនឹងត្រូវបញ្ចប់ជាបីដំណាក់កាល ។ លោកក៏បានពិពណ៌នាពីទំហំ និងវិសាលភាពនៃមន្ទីរពេទ្យដែលមានគ្រែចំនួន ១៥០ បុគ្គលិកចំនួន ១៨០នាក់ វេជ្ជបណ្ឌិតចំនួន ២៨ នាក់ គិលានុបដ្ឋាយិកាចំនួន ៥៤ នាក់ ពេទ្យឆ្មបចំនួន ៣២ នាក់ អ្នកបច្ចេកទេសមន្ទីរពិសោធន៍ចំនួន ៨ នាក់ និងទន្តបណ្ឌិតតែម្នាក់ ។ គម្រោងដំណាក់កាលទីមួយគ្រោងនឹងបញ្ចប់នៅខែមេសា ឆ្នាំ ២០២៣ ហើយដំណាក់កាលដែលនៅសេសសល់ត្រូវបញ្ចប់នៅខែធ្នូ ឆ្នាំ ២០២៣ ។ កាលពីមួយខែមុន នៅពេលដែលបានធ្វើការប្រកាសត្រូវ វេជ្ជបណ្ឌិត ស្រេង មានអារម្មណ៍រីករាយ និងពោរពេញដោយអំណរចំពោះការប្រកាសដែលសាសនាចក្របានធ្វើឡើង ថាសាសនាចក្រកំពុងបន្តគម្រោងជួសជុល និងផ្គត់ផ្គង់ឧបករណ៍ ។ ក្នុងនាមជានាយកមន្ទីរពេទ្យ លោកបានបន្តបង្ហាញទឹកចិត្តរំភើបចំពោះគម្រោងនេះ ។

ប្រធាន សៀ បានថ្លែងថា សាសនាចក្រមាននៅ ១៥៨ ប្រទេសទូទាំងពិភពលោក ។ លោកបានផ្តល់ប្រវត្តិសង្ខេបខ្លីៗនៃកិច្ចខិតខំប្រឹងប្រែងផ្នែកមនុស្សធម៌របស់សាសនាចក្រនៅក្នុងកម្ពុជា តាំងពីឆ្នាំ ១៩៩៤ ដោយចាប់ផ្តើមពីគម្រោងទឹកស្អាត បន្ទប់ទឹក និងកន្លែងលាងសម្អាត ហើយឥឡូវនេះការកែលម្អផ្នែកថែទាំសុខភាពជាមួយនឹងគម្រោងដែលមានតម្លៃសរុបជាង ១៣ លានដុល្លារអាមេរិកក្នុងរយៈពេលបួនឆ្នាំកន្លងមកនេះ ។

លោកថ្លែងបើកសុន្ទរកថាដោយថ្លែងអំណរគុណចំពោះមនុស្សគ្រប់គ្នាដែលបានចូលរួម អែលឌើរ ចនសុន បានមានប្រសាសន៍ថា « យើងទាំងអស់គ្នាជាបងប្អូននឹងគ្នា ហើយមិនថាយើងរស់នៅទីណាទេ ហើយដោយសារយើងជាបងប្អូននឹងគ្នា នោះយើងមានទំនួលខុសត្រូវក្នុងការមើលថែគ្នាទៅវិញទៅមក ។ របៀបមួយដែលយើងមើលថែគ្នាទៅវិញទៅមកគឺតាមរយៈការតមអាហារ ។ សមាជិកអត់ទទួលទានអាហារពីរពេល ហើយបរិច្ចាគចំនួននោះជួយដល់អ្នកដទៃ ។ ទោះបីជាមនុស្សជាច្រើនផ្តល់ប្រាក់បន្តិចបន្តួចក៏ដោយ នៅពេលដែលសមាជិករាប់លាននាក់បរិច្ចាគបន្តិចបន្តួច យើងអាចជួយមនុស្សជាច្រើនបាន ។ ដោយសារសមាជិកពលិកម្មដើម្បីបរិច្ចាគ នោះយើងមានទំនួលខុសត្រូវដ៏ពិសិដ្ឋក្នុងការជួយមនុស្សតាមរបៀបដ៏មានអត្ថន័យ » ។

អែលឌើរ ចនសុន បានចែកចាយថា មនុស្សជាច្រើនដែលឈរនៅថ្ងៃនេះ គឺជាអ្នកស្ម័គ្រចិត្តដែលលះបង់ពេលវេលា និងទឹកប្រាក់ដើម្បីមកទីនេះ និងជួយអ្នកដទៃ ។ លោកបានបន្ថែមថា ការថែទាំសុខភាពមានសារៈសំខាន់សម្រាប់លោក ដោយសារលោកមានកូន និងឪពុកម្តាយដែលត្រូវការការថែទាំនៅមន្ទីរពេទ្យ ហើយជឿថាការថែទាំសុខភាពល្អគឺចាំបាច់សម្រាប់មនុស្សគ្រប់រូប ។ លោកបានមានប្រសាសន៍ថា « ខ្ញុំចាត់ទុកគម្រោងនេះថាជាឱកាសដ៏អស្ចារ្យមួយដើម្បីលើកតម្កើង និងផ្តល់ពរដល់ជីវិតមនុស្សជាច្រើនក្នុងខេត្តនេះ » ។ លោកបានបញ្ចប់ដោយការថ្លែងអំណរគុណចំពោះអស់អ្នកដែលចូលរួមក្នុងគម្រោងនេះ ៖ បុគ្គលិកទំហែទាំសុខភាព បុគ្គលិកក្រុមសំណង់ និងទាំងអស់ដែលកំពុងធ្វើការដើម្បីធ្វើឲ្យអគារនេះក្លាយជាកន្លែងដ៏អស្ចារ្យមួយដើម្បីទទួលការថែទាំ ។ ដោយលើកឡើងអំពី « ឯកសិទ្ធិដ៏អស្ចារ្យ » គឺត្រូវធ្វើការជាមួយពួកគេទាំងអស់ អែលឌើរ ចនសុន ក៏បានអញ្ជើញអង្គប្រជុំឲ្យ « រកមើលវិធីដើម្បីជួយបងប្អូនប្រុសស្រីរបស់យើងដែលនៅជុំវិញយើង » ។

ឯកឧត្តម អភិបាលខេត្ត ងួន បានបិទកម្មវិធីដោយថ្លែងសុន្ទរកថាទៅកាន់ភ្ញៀវកិត្តិយស និងអង្គប្រជុំ នូវអំណរគុណចំពោះសមាគមសម្រាប់ការងារ និងការខិតខំប្រឹងប្រែងទាំងអស់ ជាពិសេសក្នុងការបង្កើតផែនការជួយឲ្យមន្ទីរពេទ្យនេះបើកដំណើរការឡើងវិញ ខណៈដែលកំពុងដំណើរការជួសជុល ។ លោកបានបញ្ជាក់ថា ប្រជាពលរដ្ឋអាចមានមន្ទីរពេទ្យដ៏ស្រស់ស្អាត និងមានទំហែទាំ និងសេវាកម្មកាន់តែច្រើន ដូច្នេះពួកគេមិនចាំបាច់ចេញពីខេត្ត និងធ្វើដំណើរទៅទទួលការថែទាំទៀតទេ ។ លោកបានគូសបញ្ជាក់ថា មិនត្រឹមតែអគារត្រូវបានជួសជុលប៉ុណ្ណោះទេ ប៉ុន្តែក៏បានទទួលគ្រឿងបរិក្ខារផងដែរ ។ ការបណ្តុះបណ្តាលក៏នឹងត្រូវបានផ្តល់ឲ្យជាមួយនឹងគ្រឿងបរិក្ខារ ហើយជាមួយនឹងចំណេះដឹងដែលបុគ្គលិកនឹងទទួលបាន ការថែទាំសុខភាពនឹងត្រូវបានកែលម្អ និងផ្តល់ពរដល់មនុស្សជាច្រើន ។ បុគ្គលិកទំហែទាំសុខភាពនឹងមានមោទនភាពចំពោះគ្រឿងបរិក្ខារថ្មី ហើយអ្នកជំងឺនឹងទទួលបានការថែទាំសុខភាពកាន់តែប្រសើរឡើងនៅក្នុងមន្ទីរពេទ្យនេះ ។

1 / 2

Download Photos

អែលឌើរ ចនសុន និងឯកឧត្តម អភិបាលខេត្ត ងួន បានថ្លែងថា ពួកលោកកំពុងទន្ទឹងរង់ចាំត្រឡប់ទៅមន្ទីរពេទ្យវិញ ដើម្បីមើលគម្រោងដែលបានបញ្ចប់នៅខែធ្នូ ឆ្នាំ ២០២៣ និងធ្វើជាសាក្សីពីរបៀបដែលជីវិតរបស់អ្នកស្រុកនឹងទទួលបានពរជ័យពីគម្រោងនេះ ។

គម្រោងនេះចាប់ផ្ដើមឡើងពីការខិតខំប្រឹងប្រែងរបស់អែលឌើរ រ៉ន និងស៊ីស្ទើរ គីម អាន់ឌើរសិន ហើយឥឡូវនេះអែលឌើរ ម៉ៃឃើល និង ស៊ីស្ទើរ ថានយ៉ា ឆានល័រ ដែលបម្រើជាអ្នកផ្សព្វផ្សាយសាសនាផ្នែកមនុស្សធម៌ ដែលស្វែងរកការជួយសម្រាលទុក្ខលំបាករបស់ប្រជាជនគ្រប់ជាតិសាសន៍ និងសាសនាជាមួយ CHIE គ្រប់គ្រងលើគម្រោងនេះ ។

គម្រោង​មនុស្សដ៏ធម៌​ធំ​បំផុត​របស់​ប្រទេស​អាស៊ី​ចាប់ផ្តើម​នៅ​ប្រទេស​កម្ពុជា

គម្រោងមនុស្សដ៏ធម៌ធំបំផុតរបស់ប្រទេសអាស៊ីចាប់ផ្តើមនៅប្រទេសកម្ពុជា