ដើម្បីឆ្លើយតបនឹងបញ្ហាប្រឈមដែលមានជាបន្តបន្ទាប់ដែលបង្កឡើងដោយទឹកជំនន់តាមរដូវកាលនៅប្រទេសកម្ពុជា សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយបានផ្ដល់ជាជំនួយនៃការរាប់អាន និងការសម្រាលទុក្ខ ។ នៅពេលដែលប្រទេសនេះជួបប្រទះនឹងផលប៉ះពាល់ដ៏ធ្ងន់ធ្ងរដល់ជីវិត ផ្ទះសម្បែង និងវិស័យសំខាន់ៗដូចជា វិស័យកសិកម្ម សាសនាចក្របានផ្តល់អំណោយយ៉ាងច្រើនជាអង្ករចំនួន ១៥ តោន ដើម្បីចែកចាយដល់ប្រជាជនចំនួន ៦០០ គ្រួសារ អំណោយនេះបានផ្ដល់ជាអាហារដល់ប្រជាជនប្រមាណ ២,៤០០ នាក់ដែលនៅតែទទួលរងផលប៉ះពាល់ពីទឹកជំនន់នេះដដែល ។
DSCF3268.jpg
សប្បុរសធម៌ផ្នែកសម្ភារ ៖ ឯកឧត្តម ឆាយ បូរិន រដ្ឋមន្ត្រីក្រសួងធម្មការ និងសាសនា និងលោក សៀ សំណាង ឈរនៅពីមុខអំណោយអង្ករ ដែលជានិមិត្តរូបនៃកិច្ចខិតខំប្រឹងប្រែងផ្នែកមនុស្សធម៌រួមគ្នា ។ © 2024 by Intellectual Reserve, Inc. All rights reserved.កិច្ចខិតខំប្រឹងប្រែងផ្នែកមនុស្សធម៌នេះ ដែលបានសម្របសម្រួលជាមួយក្រសួងធម្មការ និងសាសនា គូសបញ្ជាក់ពីតាំងចិត្តឥតងាករេរបស់សាសនាចក្រចំពោះសុខុមាលភាព និងការបម្រើ ។ លោក សេង សុមុនី ជារដ្ឋលេខាធិការក្រសួងធម្មការ និងសាសនា បានសម្តែងការដឹងគុណយ៉ាងជ្រាលជ្រៅចំពោះការចូលរួមចំណែកដ៏សប្បុរសរបស់សាសនាចក្រ ដោយមានប្រសាសន៍ថា « ភាពសប្បុរសរបស់សាសនាចក្រគឺជាការចូលរួមយ៉ាងសកម្មជាមួយរដ្ឋាភិបាល ហើយតាមរយៈការចូលរួមនេះក្លាយជាពរជ័យសម្រាប់អ្នកដែលខ្វះខាត » ។
DSCF3257_.jpg
កិច្ចសហការជាសកម្មភាព ៖ កិច្ចសំណេះសំណាលរវាងឯកឧត្តម ឆាយ បូរិន រដ្ឋមន្ត្រីក្រសួងធម្មការ និងសាសនា និងលោក សៀ សំណាង លោក រ័ត្ន ច័ន្ទសុភា និងកញ្ញា យន សូផាណែត ជាអ្នកតំណាងពីសាសនាចក្រ បានលើកឡើងពីកិច្ចសហប្រតិបត្តិការរវាងក្រសួងធម្មការ និងសាសនា និងសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ ឆ្នាំ ។© 2024 by Intellectual Reserve, Inc. All rights reserved.ការបរិច្ចាគរបស់សាសនាចក្រដែលបានផ្តល់ជូននៅថ្ងៃទី ១៨ ខែ ធ្នូ ឆ្នាំ ២០២៣ ឆ្លុះបញ្ចាំងពីការយកចិត្តទុកដាក់របស់ខ្លួនក្នុងការជួយដល់គំនិតផ្តួចផ្តើមកាត់បន្ថយភាពក្រីក្ររបស់រដ្ឋាភិបាលកម្ពុជា និងការផ្តល់ជំនួយសង្គ្រោះភ្លាមៗដល់អ្នកដែលខ្វះខាត ។ ទង្វើនៃសេចក្ដីសប្បុរសនេះបង្ហាញជាគំរូអំពីគោលការណ៍នៃសេចក្ដីមេត្ដាករុណា និងការគាំទ្រដល់សហគមន៍របស់សាសនាចក្រ រួមទាំងការទទួលខុសត្រូវរបស់ព្យាការីដើម្បី « ចែករំលែកនូវទ្រព្យរបស់ខ្លួន ដល់ អ្នកទាល់ក្រ » ( សូមមើល ព្រះគម្ពីរមរមន ម៉ូសាយ ៤:២៦ )
