ដំបូន្មានរបស់អ្នកដឹកនាំ បំផុសគំនិតថ្នាក់ដឹកនាំបេសកកម្មថ្មីក្នុងអំឡុងពេល

1 / 2

Download Photos

ប្រធាន រ័សុល អិម ណិលសុន បានអញ្ជើញថ្នាក់ដឹកនាំបេសកកម្មដែលទើបហៅថាថ្មីនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដើម្បីធ្វើឲ្យព្រះគម្ពីរមរមនជា « មូលដ្ឋាន » នៃការបង្រៀនដល់ពួកអ្នកផ្សព្វផ្សាយសាសនារបស់ពួកគាត់ក្នុងអំឡុងសិក្ខាសាលាឆ្នាំ២០២៤ សម្រាប់អ្នកដឹកនាំបេសកកម្មថ្មី ។

លោកបានមានប្រសាសន៍នៅក្នុងសារលិខិតដែលបានថតទុក ដែលបានបង្ហាញនៅថ្ងៃអាទិត្យ ទី២៣ ខែមិថុនា ថា « សូមបង្រៀនពួកគេថា សេចក្ដីពិតនៃព្រះគម្ពីរមរមនពោរពេញទៅដោយអំណាច—អំណាចដើម្បីជួយពួកគេឲ្យធ្វើអ្វីដែលមិនអាចធ្វើទៅរួចក្នុងបេសកកម្មរបស់ពួកគេ អំណាចដើម្បីជួយពួកគេឲ្យកាន់តែបរិសុទ្ធ អំណាចដើម្បីជួយពួកគេបង្រៀនដោយសិទ្ធិអំណាចមកពីព្រះ » ។

មាន ប្រធានបេសកកម្មថ្មីជិត ១៥០ នាក់ និងភរិយាជាដៃគូ ចាប់ផ្ដើមការបម្រើនៅជុំវិញពិភពលោកនៅថ្ងៃទី១ ខែកក្កដា ។ ពួកគាត់បានជួបជុំគ្នានៅថ្ងៃទី២០-២៣ ខែមិថុនា នៅមជ្ឈមណ្ឌលបំពាក់បំប៉នអ្នកផ្សព្វផ្សាយសាសនា នាទីក្រុងប្រូវ៉ូ ដើម្បីទទួលបានការណែនាំ និងការបំពាក់បំប៉ន មុនពេលពួកគាត់ចាប់ផ្តើមការចាត់តាំងបីឆ្នាំរបស់ពួកគាត់ ។

mission-leaders-seminar-2024
Newly called mission leaders listen to instruction on Thursday, June 20, 2024, in the Seminar for New Mission Leaders, at the Provo Missionary Training Center in Provo, Utah. 2024 by Intellectual Reserve, Inc. All rights reserved.

ក្នុងរយៈពេលបួនថ្ងៃ ប្រធានបេសកកម្មថ្មី និងភរិយារបស់ពួកគាត់ បានទទួលការបង្រៀនមកពីសមាជិកមួយរូបៗនៃគណៈប្រធានទីមួយ និងកូរ៉ុមនៃពួកសាវកដប់ពីរនាក់ ក៏ដូចជាពួកអ្នកមានសិទ្ធិអំណាចទូទៅ និងអ្នកកាន់តំណែងទូទៅដែលបម្រើជាសមាជិកនៃនាយកដ្ឋានអ្នកផ្សព្វផ្សាយសាសនា និងក្រុមប្រឹក្សាប្រតិបត្តិរបស់សាសនាចក្រផងដែរ ។

ប្រធាន ណិលសុន មានប្រសាសន៍ថា នៅពេលអ្នកការទូត អ្នកដឹកនាំសាសនា ព្រមទាំងបុរស និងស្ត្រីដែលមានឥទ្ធិពលផ្សេងទៀតចង់ជួបជាមួយគណៈប្រធានទីមួយ ពួកគេតែងតែនាំយកអំណោយពិសេសមកពីប្រទេសរបស់ពួកគេ ។

ប្រធាន ណិលសុន និងទីប្រឹក្សារបស់លោកក្នុងគណៈប្រធានទីមួយបានកំណត់ថា អំណោយដ៏មានតម្លៃបំផុតដែលពួកលោកអាចផ្តល់ជូនវិញនោះគឺជាព្រះគម្ពីរមរមន ។

ប្រធានណិលសុន បានមានប្រសាសន៍ថា « យើងមិនគ្រាន់តែជូនពួកគេនូវសៀវភៅដ៏មានតម្លៃនេះទេ ។ យើងបានបើកទៅ នីហ្វៃទី៣ ជំពូកទី ១១ ។ ខ្ញុំបានអានជំពូកនោះឮៗអំពីព្រះអង្គសង្រ្គោះដែលមានព្រះជន្មរស់ឡើងវិញ បង្ហាញព្រះកាយទៅកាន់ប្រជាជននៅពិភពលោកថ្មី » ។

ប្រតិកម្មចំពោះខគម្ពីរទាំងនេះគឺខុសៗគ្នា ប្រធាន ណិលសុន បានមានប្រសាសន៍ថា « ប៉ុន្តែជារឿយៗ ភ្ញៀវរបស់យើងត្រូវបានសន្ធប់ដោយអារម្មណ៍ដែលមាននៅក្នុងបន្ទប់នោះ ដែលជាការពិតណាស់ គឺជាព្រះវិញ្ញាណបរិសុទ្ធដែលថ្លែងទីបន្ទាល់អំពីព្រះយេស៊ូវគ្រីស្ទ » ។

លោកបានពិពណ៌នាព្រះគម្ពីរមរមនថាជា « ឧបករណ៍ដ៏អស្ចារ្យបំផុតមួយនៃការប្រែចិត្តជឿ ដែលបងប្អូន និងពួកអ្នកផ្សព្វផ្សាយសាសនារបស់បងប្អូនមាន ដែលអាចប្រើតាមចិត្តរបស់បងប្អូន » ។

‹ គម្ពីរដ៏ត្រឹមត្រូវបំផុត ជាងគម្ពីរនានាទាំងអស់ ›

នៅពេលដែលថ្នាក់ដឹកនាំសាសនាចក្រនៅសម័យដើម ប៉ាលី ភី ប្រាត្ត បានអានព្រះគម្ពីរមរមនដំបូង គាត់បានបង្ហាញអារម្មណ៍របស់គាត់បែបនេះ ៖ « ខ្ញុំបានអានពេញមួយថ្ងៃ ទោះដល់ពេលទទួលទានអាហារ ក៏ខ្ញុំគ្មានបំណងទទួលទានដែរ ទោះពេលយប់មកដល់ ក៏ខ្ញុំចង់អានជាងការដេកទៅទៀត » ។

គាត់បានបន្តកត់ត្រាថា « ខ្ញុំដឹង ថែមទាំងយល់ថា ព្រះគម្ពីរនេះពិត » ។

ប្រធាន ណិលសុន បានបន្តមានប្រសាសន៍ថា ការពិពណ៌នារបស់ព្យាការី យ៉ូសែប ស្ម៊ីធ អំពីព្រះគម្ពីរមរមន ពន្យល់ពីមូលហេតុដែល ប៉ាលី ភី ប្រាត្ត និងអ្នកផ្សេងទៀតរាប់សិបលាននាក់បានដកពិសោធន៍នូវអំណាចនៃការប្រែចិត្តជឿនៃព្រះគម្ពីរមរមន ៖

យ៉ូសែបបានមានប្រសាសន៍ « ខ្ញុំបានប្រាប់បងប្អូនទាំងឡាយថា ព្រះគម្ពីរមរមន គឺជាគម្ពីរដ៏ត្រឹមត្រូវបំផុត ជាងគម្ពីរនានាទាំងអស់នៅលើផែនដីនេះ ហើយជាមូលដ្ឋាននៃសាសនារបស់យើង ហើយបុគ្គលម្នាក់ៗអាចចូលទៅជិតព្រះបាន ដោយសារធ្វើតាមសិក្ខាបទទាំងឡាយនៃគម្ពីរនេះជាជាងគម្ពីរដទៃទាំងអស់ ។

ប្រធាន ណិលសុន បានមានប្រសាសន៍ថា « សូមគិតអំពីគម្ពីរនេះ ៖ គឺជាគម្ពីរដ៏ត្រឹមត្រូវបំផុត ជាងគម្ពីរនានាទាំងអស់ ។ ជាគម្ពីរដែលនឹងជួយយើងឲ្យខិតទៅជិតព្រះ ដែលយើងមិនអាចខិតទៅជិតតាមគម្ពីរណាផ្សេងទៀតឡើយ ។ សាមញ្ញខ្លាំងណាស់ ព្រះគម្ពីរមរមនគឺពោរពេញទៅដោយព្រះចេស្ដារបស់ព្រះ ពីព្រោះព្រះគម្ពីរនេះគឺជាព្រះបន្ទូលរបស់ព្រះ » ។

ខាងក្រោមនេះគឺជាកម្រងព័ត៌មានដំណើររឿងរបស់សាសនាចក្រដែលគ្របដណ្ដប់សិក្ខាសាលានៅឆ្នាំនេះ ។