ចាប់ផ្តើមនៅខែមេសា ឆ្នាំ ២០២៤ មហាវិទ្យាល័យ BYU–Idaho និង Ensign College ដោយមានការគាំទ្រពី BYU–Pathway Worldwide នឹងផ្តល់សញ្ញាបត្រដែលមានក្រេឌីត ៩០–៩៦ ដែលនឹងអនុញ្ញាតឲ្យនិស្សិតបញ្ចប់បរិញ្ញាបត្រតាមអនឡាញនៅក្នុងរយៈពេលបីឆ្នាំ ។ សញ្ញាបត្រថ្មីនេះបានអនុម័តដោយ Northwest Commission on Colleges and Universities (NWCCU) ដែលវគ្គសិក្សាសំខាន់ៗ និងការអប់រំទូទៅដែលតម្រូវឲ្យសិក្សាទាំងអស់ត្រូវបានរក្សានៅដដែល ខណៈដែលក្រេឌីតជម្រើសខ្លះៗត្រូវបានដកចេញ ។
BYU–Idaho, Ensign College និង BYU–Pathway Worldwide គឺជាផ្នែកមួយនៃប្រព័ន្ធអប់រំសាសនាចក្រ ( ស៊ី. អ៊ី.អែស ) នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ ស៊ី. អ៊ី.អែស បន្តខិតខំដើម្បីធ្វើឲ្យអ្នកសិក្សាចម្រុះនៅទូទាំងពិភពលោកអាចទទួលបានការអប់រំផ្នែកឧត្តមសិក្សាកាន់តែច្រើនឡើង ។
អែលឌើរ ក្លាក ជី. ហ្គីប៊ឺត អ្នកតំណាងស៊ី.អ៊ី.អែស បានមានប្រសាសន៍ថា « ការផ្តល់លទ្ធភាពទទួលបានការអប់រំដែលមានតម្លៃសមរម្យនៅគ្រប់ទីកន្លែង ដែលសាសនាចក្របានរៀបចំឡើង គឺមានសារៈសំខាន់ចំពោះអ្វីដែលយើងធ្វើ » ។ « រចនាសម្ព័នសញ្ញាបត្រដែលបានធ្វើឲ្យប្រសើរឡើងនេះនឹងធ្វើឲ្យមនុស្សគ្រប់គ្នាមានលទ្ធភាពទទួលសញ្ញាបត្រកាន់តែច្រើនថែមទៀត ជាពិសេសអ្នកដែលមិនទាន់បានទទួលការអប់រំកម្រិតឧត្តមសិក្សា គឺជាជម្រើសដែលអាចសម្រេចបានសម្រាប់ពួកគេ » ។
ការផ្ដល់សេវាកម្មដល់និស្សិតជិត ៧០,០០០ នាក់នៅលើបណ្តាលប្រទេសជាង ១៨០ ប្រទេសជារៀងរាល់ឆ្នាំ BYU-Pathway Worldwide ផ្តល់ធនធាន និងការគាំទ្រដល់និស្សិតនៅពេលពួកគេបំពេញការសិក្សានៅលើអនឡាញ ហើយសញ្ញាបត្រត្រូវបានប្រគល់ឲ្យដោយមហាវិទ្យាល័យ BYU-Idaho និង Ensign College ។ និស្សិតអនឡាញជាមធ្យមមានអាយុ ៣៣ ឆ្នាំ រៀនពីរថ្នាក់ក្នុងពេលតែមួយ ធ្វើការពេញម៉ោង និងផ្គត់ផ្គង់គ្រួសារ ។
បរិញ្ញាបត្រដែលមានរយៈពេលបីឆ្នាំនេះ មានសម្រាប់និស្សិតដែលបានចុះឈ្មោះចូលរៀនតាមកម្មវិធីអនឡាញតែប៉ុណ្ណោះ ដែលផ្តល់ជូនដោយមហាវិទ្យាល័យ BYU-Idaho និង Ensign តាមរយៈការសហការជាមួយ BYU-Pathway Worldwide ។ បរិញ្ញាបត្រនេះនឹងផ្តល់ជូននៅជំនាញធុរកិច្ច បច្ចេកវិទ្យា ទំនាក់ទំនង សុខភាព សេវាកម្មគ្រួសារ និងការសិក្សាប្រកបដោយវិជ្ជាជីវៈ ។ BYU-Idaho និង Ensign College នឹងរាយការណ៍ជាប្រចាំទៅកាន់ NWCCU អំពីលទ្ធផល និងការរីកចម្រើនរបស់និស្សិតដែលបានចុះឈ្មោះចូលរៀនបរិញ្ញាបត្រថ្មីនេះ ។
លោកប្រាយអិន ខេ អាស្តុន ជាប្រធាន BYU–Pathway Worldwide មានប្រសាសន៍ថា « និស្សិត BYU-Idaho និង Ensign College សិក្សាអនឡាញ និងបានទទួលសេវាកម្មតាមរយៈ BYU-Pathway Worldwide ជាទូទៅគឺជានិស្សិតមហាវិទ្យាល័យជំនាន់ទី ១ ដែលធ្វើការពេញម៉ោង ហើយជារឿយៗមានការពុះពារដើម្បីរកដំណោះស្រាយ » ។ « ពួកគេត្រូវការជម្រើសដែលជួយពួកគេទទួលបានសញ្ញាបត្រប្រកបដោយប្រសិទ្ធភាពតាមដែលអាចធ្វើទៅបាន ។ រចនាសម្ព័ន្ធបរិញ្ញាបត្រថ្មីនេះបង្កើនលទ្ធភាពនៃការបញ្ចប់ការសិក្សា ខណៈដែលការខិតទាំងអស់នោះគឺដើម្បីរៀបចំពួកគេសម្រាប់ការងារ និងអាជីព ។
ទោះបីជា BYU-Idaho និង Ensign College ស្ថិតក្នុងចំណោមស្ថាប័នដំបូងគេដែលទទួលបានការទទួលស្គាល់ជាផ្លូវការសម្រាប់រចនាសម្ព័ន្ធសញ្ញាបត្រនេះក៏ដោយ ក៏មានអ្នកបង្កើតថ្មីៗផ្សេងទៀតក្នុងវិស័យអប់រំកម្រិតឧត្តមសិក្សានេះបានស្វែងរកអស់ជាច្រើនឆ្នាំនូវជម្រើសសញ្ញាបត្រដែលផ្អែកលើលទ្ធផលសិក្សាច្រើនជាងពេលវេលារៀនជាក់ស្តែងនៅក្នុងថ្នាក់ដែរ ។ ថ្មីៗនេះ BYU-Idaho បានចូលរួមក្នុងសហព័ន្ធ « មហាវិទ្យាល័យទាំង ៣ » ជាសហគមសាលារៀនដែលរួមមានសាកលវិទ្យាល័យ Minnesota Rochester និងសាកលវិទ្យាល័យ Pennsylvania ដើម្បីស្វែងរកវិធីផ្សេងៗក្នុងការពិចារណាឡើងវិញអំពីវិធីសាស្រ្តប្រពៃណីចំពោះការអប់រំកម្រិតឧត្តមសិក្សា ។
ដើម្បីស្វែងយល់បន្ថែមអំពីការផ្តល់ជូនបរិញ្ញាបត្រដ៏ប្រសើរនេះ សូមចូលទៅកាន់គេហទំព័រ byupathway.org/degree-in-three ។
អំពី ស៊ី. អ៊ី. អែស
ប្រព័ន្ធអប់រំសាសនាចក្រ ( ស៊ី. អ៊ី. អែស ) ត្រូវបានឧបត្ថម្ភដោយសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ ។ បេសកកម្មរបស់ ស៊ី. អ៊ី. អែស គឺដើម្បីអភិវឌ្ឍសិស្សរបស់ព្រះយេស៊ូវគ្រីស្ទ ដែលជាអ្នកដឹកនាំនៅក្នុងគេហដ្ឋាន សាសនាចក្រ និងសហគមន៍របស់ពួកគេ ។