2025-doctrine-and-covenants
A family in Uruguay studies the scriptures together. 2024 by Intellectual Reserve, Inc. All rights reserved.នៅក្នុងឆ្នាំ២០២៥ សមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយនឹងសិក្សា គោលលទ្ធិ និងសេចក្តីសញ្ញា ជាលើកទីពីរចាប់តាំងពីកម្មវិធីសិក្សាដំណឹងល្អរបស់សាសនាចក្រ « ចូរមកតាមខ្ញុំ » បានដាក់ចេញនៅឆ្នាំ២០១៨ ។
2025-curriculum
Cover from the printed “Come, Follow Me” manual on the Doctrine and Covenants that Latter-day Saints will be using at home and church during 2025. 2024 by Intellectual Reserve, Inc. All rights reserved.សៀវភៅសិក្សា « ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ គោលលទ្ធិ និងសេចក្តីសញ្ញា ឆ្នាំ២០២៥ » គាំទ្រដល់ការរៀនសូត្រដំណឹងល្អ និងការសិក្សាបទគម្ពីរសម្រាប់បុគ្គលម្នាក់ៗ និងក្រុមគ្រួសារនៅឯគេហដ្ឋាន ។ វាក៏បម្រើជាកម្មវិធីសិក្សាសម្រាប់ថ្នាក់អង្គការបឋមសិក្សា សាលាថ្ងៃអាទិត្យ ថ្នាក់យុវនារី និងការប្រជុំកូរ៉ុមបព្វជិតភាពអើរ៉ុនផងដែរ ។
នៅឆ្នាំ២០២៥ កម្មវិធីសិក្សា « ចូរមកតាមខ្ញុំ » ចាប់ផ្ដើមនៅថ្ងៃចន្ទ ទី៣០ ខែធ្នូ ឆ្នាំ២០២៤ ហើយធនធានសិក្សាមានជាឌីជីថលឥឡូវនេះ នៅលើគេហទំព័រ ComeFollowMe.ChurchofJesusChrist.org និងនៅក្នុងកម្មវិធីបណ្ណាល័យដំណឹងល្អ ( សូមមើលផ្នែកគេហទំព័រសម្រាប់តំណភ្ជាប់ឆាប់រហ័សទៅកាន់ « ចូរមកតាមខ្ញុំ » ) ។
ខាងក្រោមនេះគឺជាឯកសារដែលអាចបន្ថែមលើការសិក្សាគោលលទ្ធិ និងសេចក្តីសញ្ញានៅឯគេហដ្ឋាន និងនៅឯព្រះវិហារ ។ ( សូមមើលផងដែរ សេចក្តីណែនាំសម្រាប់កម្មវិធីសិក្សា ឆ្នាំ២០២៥ ) ។
ធនធានរៀនសូត្រពីគោលលទ្ធិ និងសេចក្តីសញ្ញា ឆ្នាំ២០២៥
- ការបង្រៀនជាវីដេអូ « ការយល់ដឹងមកពីពួកសាវក » ជារៀងរាល់ខែ វីដេអូថ្មីមួយដែលមានសមាជិកក្នុងកូរ៉ុមនៃពួកសាវកដប់ពីរនាក់ នឹងមាននៅក្នុងមេរៀនជាឌីជីថល « ចូរមកតាមខ្ញុំ » ជា ២៤ ភាសា ។ សូមមើលវីដេអូរបស់អែលឌើរ ផាទ្រីក ខៀរ៉ុន ដែលជាផ្នែកនៃគម្រោងប្រចាំ ថ្ងៃទី៦-១២ ខែមករា និងសូមមើលវីដេអូរបស់អែលឌើរ ឌៀថើរ អេហ្វ អុជដូហ្វ នៅក្នុងមេរៀន ថ្ងៃទី៣-៩ ខែកុម្ភៈ ។
- « មនុស្ស ទីកន្លែង និងព្រឹត្តិការណ៍ » មេរៀននីមួយៗនៅក្នុង « ចូរមកតាមខ្ញុំ » ភ្ជាប់ទៅនឹងធនធានប្រវត្តិសាសនាចក្រដែលទាក់ទងសម្រាប់ការសិក្សាស៊ីជម្រៅ ។ ( ធនធាននេះក៏មាននៅក្នុងបណ្ណាល័យដំណឹងល្អផងដែរ សូមរើសយក ប្រវត្តិសាសនាចក្រ ) ។
- « ពួកបរិសុទ្ធ ៖ បទដ្ឋាននៃសេចក្តីពិត ភាគ ១ ឆ្នាំ១៨១៥-១៨៤៦ » ភាគមួយនៃសៀវភៅ « ពួកបរិសុទ្ធ » ប្រាប់ពីដំណើររឿងនៃការស្ដារឡើងវិញ ដែលចាប់ផ្ដើមនៅឆ្នាំ១៨១៥ ជាមួយនឹងកុមារភាពរបស់ យ៉ូសែប ស្ម៊ីធ ហើយបញ្ចប់ជាមួយនឹងការថ្វាយបង្គំរបស់ពួកបរិសុទ្ធថ្ងៃចុងក្រោយនៅក្នុងព្រះវិហារបរិសុទ្ធណៅវូ ក្នុងឆ្នាំ១៨៤៦ ពីមុនការធ្វើដំណើរទៅកាន់ភាគខាងលិចរបស់ពួកគេ ។
- ដំណើររឿងគោលលទ្ធិ និងសេចក្តីសញ្ញា ធនធាននេះដើម្បីជួយកុមារសិក្សាគោលលទ្ធិ និងសេចក្តីសញ្ញាដែលបានធ្វើបច្ចុប្បន្នភាព ហើយមានជាឌីជីថល ៦៨ ភាសា ដោយមានវីដេអូជា ២៦ ភាសា ។ នៅក្នុងកំណែដែលបោះពុម្ពនឹងមាននៅដើមឆ្នាំ២០២៥ ព្រមជាមួយភាសាផ្សេងទៀតនឹងមាននៅពាក់កណ្ដាលឆ្នាំ ។
Revised-Doctrine-and-Covenants-stories
Jesus Christ appears in the Kirtland Temple to Joseph Smith and Oliver Cowdery in the revised “Doctrine and Covenants Stories,” now available digitally in Gospel Library.2024 by Intellectual Reserve, Inc. All rights reserved.
- ធនធានពីគោលលទ្ធិ និងសេចក្តីសញ្ញា និងប្រវត្តិសាសនាចក្រមកពីទស្សនាវដ្តី « ប្រិយមិត្ត »
- សៀវភៅផាត់ពណ៌ដំណើររឿងព្រះគម្ពីរ — គោលលទ្ធិ និងសេចក្តីសញ្ញា ធនធាននេះសម្រាប់កុមារគឺមានជាឌីជីថលនៅលើអនឡាញ និងបោះពុម្ព នៅលើគេហទំព័រ store.churchofjesuschrist.org ។
- ការជាវជាប្រចាំតាមអ៊ីមែលនូវការរៀនសូត្រ និងការបង្រៀនដំណឹងល្អ សមាជិកសាសនាចក្រអាចទទួលតំណភ្ជាប់ទៅកាន់ធនធានទាំងឡាយដែលគាំទ្រដល់មេរៀន « ចូរមកតាមខ្ញុំ » គំនិតគន្លឹះជាក់ស្តែងដើម្បីកែលម្អការសិក្សា និងការបង្រៀន ព្រមទាំងខ្លឹមសារ និងគំនិតបន្ថែមទាំងឡាយសម្រាប់ការបង្រៀនកុមារ និងយុវវ័យ ។
- ផែនការសិក្សាបណ្ណាល័យដំណឹងល្អ ដើម្បីជួយសមាជិកតាមដានការសិក្សាដំណឹងល្អរបស់ពួកគេ នោះសាសនាចក្រផ្តល់នូវផែនការសិក្សាជាច្រើន រួមទាំងផែនការសិក្សាសម្រាប់គោលលទ្ធិ និងសេចក្តីសញ្ញាផងដែរ ។ សមាជិកអាចធ្វើផែនការដើម្បីធ្វើតាមកាលវិភាគប្រចាំសប្តាហ៍
« ចូរមកតាមខ្ញុំ » ដើម្បីសិក្សាគោលលទ្ធិ និងសេចក្ដីសញ្ញាតាមល្បឿនរបស់ពួកគេផ្ទាល់ និងដើម្បីសិក្សាអំណានដែលតម្រូវសម្រាប់ថ្នាក់សិក្ខាសាលា ។ ផែនការសិក្សាក៏មានសម្រាប់បណ្ដុំ « ពួកបរិសុទ្ធ » ទាំងបួនភាគផងដែរ ។ ដើម្បីចូលទៅកាន់ផែនការសិក្សា សូមចូលទៅកាន់ផ្នែកគេហទំព័រដើមនៃកម្មវិធីបណ្ណាល័យដំណឹងល្អ ។
ការបង្រៀនតាមរបៀបរបស់ព្រះអង្គសង្គ្រោះ
ពួកបរិសុទ្ធថ្ងៃចុងក្រោយក៏ត្រូវបានលើកទឹកចិត្តឲ្យប្រើប្រាស់ធនធាន « ការបង្រៀនតាមរបៀបរបស់ព្រះអង្គសង្គ្រោះ » ផងដែរ ។ ការប្រជុំធម្មនិដ្ឋានពីអែលឌើរ ឌៀថើរ អេហ្វ អុជដូហ្វ ឆ្នាំ២០២២ និង ការបង្រៀនជាវីដេអូ ដែលមានប្រយោជន៍ទាំងឡាយក៏មាននៅលើបណ្ណាល័យដំណឹងល្អផងដែរ ។
ឯកសារសិក្សាឆ្នាំ២០២៥ សម្រាប់អ្នកចូលរួម
បុគ្គលម្នាក់ៗ និងក្រុមគ្រួសារ
ក្រុមគ្រួសារ និងបុគ្គលម្នាក់ៗត្រូវបានលើកទឹកចិត្តឲ្យសិក្សាព្រះគម្ពីរថែមទៀតនៅឯគេហដ្ឋានដោយប្រើសៀវភៅសិក្សា « ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ គោលលទ្ធិ និងសេចក្តីសញ្ញា ឆ្នាំ២០២៥ » ។ ថ្នាក់ដឹកនាំ និងសមាជិកអាចបញ្ជាទិញច្បាប់ចម្លងសៀវភៅសិក្សានេះបន្ថែម នៅលើគេហទំព័រ store.ChurchofJesusChrist.org ។ បើអាចធ្វើបាន សមាជិកទាំងឡាយត្រូវបានលើកទឹកចិត្តឲ្យចូលទៅកាន់ « ចូរមកតាមខ្ញុំ » ជាឌីជីថល ដែលមាននៅលើគេហទំព័រ ComeFollowMe.ChurchofJesusChrist.org និងនៅក្នុង កម្មវិធីបណ្ណាល័យដំណឹងល្អ ។
អង្គការបឋមសិក្សា ( រៀងរាល់ថ្ងៃអាទិត្យ )
ថ្នាក់អង្គការបឋមសិក្សាទាំងអស់នឹងរៀនដូចគ្នាចេញពីសៀវភៅសិក្សាមេរៀន « ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ គោលលទ្ធិ និងសេចក្តីសញ្ញា ឆ្នាំ២០២៥ » ។ ថ្នាក់ទារកដ្ឋាននឹងបន្តប្រើ « Behold Your Little Ones: Nursery Manual » ។ ធនធានបន្ថែមសម្រាប់ការបង្រៀនកុមារ គឺមានអត្ថប្រយោជន៍សម្រាប់ទាំងការរៀននៅគេហដ្ឋាន និងនៅក្នុងថ្នាក់រៀន ។ ការច្រៀងចម្រៀងនៅក្នុងអង្គការបឋមសិក្សានឹងផ្ដោតលើ តន្រ្តី ដែលគាំទ្រដល់ការសិក្សាបទគម្ពីររបស់កុមារនៅក្នុងថ្នាក់រៀនរបស់ពួកគេ ។
សាលាថ្ងៃអាទិត្យ ( ថ្ងៃអាទិត្យទី ១ និងទី ៣ )
សៀវភៅសិក្សាសាលាថ្ងៃអាទិត្យសម្រាប់មជ្ឈិមវ័យ និងយុវវ័យគឺ « ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ គោលលទ្ធិ និងសេចក្តីសញ្ញា ឆ្នាំ២០២៥ » ។
សេចក្តីណែនាំ និងការពិភាក្សាគួរតែជួយសមាជិកថ្នាក់យល់ និងអនុវត្តគោលលទ្ធិដែលបានសិក្សានៅក្នុងព្រះគម្ពីរនៅអំឡុងសប្តាហ៍មុន ។
អែលឌើរកូរ៉ុម និងសមាគមសង្គ្រោះ ( ថ្ងៃអាទិត្យទី ២ និងទី ៤ )
អែលឌើរកូរ៉ុម និងសមាគមសង្គ្រោះនឹងផ្ដោតលើសារលិខិតមកពីសន្និសីទថ្មីៗបំផុត ( សូមមើល « ការរៀនសូត្រចេញពីសន្និសីទទូទៅ » ) ។ សុន្ទរកថាសន្និសីទទូទៅដែលអាចរកបានជាសៀវភៅ ឬនៅលើអនឡាញ នៅក្នុងខែឧសភា និងខែវិច្ឆិកានៃ ទស្សនាវដ្ដី « លីអាហូណា » ។ វាក៏មាននៅក្នុងផ្នែក សន្និសីទទូទៅ នៃកម្មវិធីបណ្ណាល័យដំណឹងល្អ ឬ គេហទំព័ររបស់សាសនាចក្រ ។
យុវនារី និងបព្វជិតភាពអើរ៉ុន ( ថ្ងៃអាទិត្យទី ២ និងទី ៤ )
« ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ គោលលទ្ធិ និងសេចក្តីសញ្ញា ឆ្នាំ២០២៥ » ។ សូមមើលផងដែរ ជំនួយការរៀនសូត្រ និងការបង្រៀន និងវីដេអូសម្រាប់បព្វជិតភាពអើរ៉ុន និងក្រុមយុវនារី ។
បាវចនាយុវវ័យឆ្នាំ២០២៥ គឺ « ចូរមើលមកឯយើងដោយនូវគ្រប់ទាំងគំនិត ចូរកុំសង្ស័យ ចូរកុំខ្លាចឡើយ » ( គោលលទ្ធិ និងសេចក្តីសញ្ញា ៦:៣៦ ) ។ សូមមើលវីដេអូ ទាញយកបទចម្រៀងមកពីអាល់ប៊ុមបាវចនា នៅលើគេហទំព័រ Youth.ChurchofJesusChrist.org ។
ថ្នាក់សិក្ខាសាលា
នៅឆ្នាំ២០២៥ សិស្សថ្នាក់សិក្ខាសាលាក៏នឹងសិក្សាគោលលទ្ធិ និងសេចក្តីសញ្ញា និងធ្វើតាមកាលវិភាគ « ចូរមកតាមខ្ញុំ » ផងដែរ ។ ឯកសារថ្នាក់សិក្ខាសាលាអំពីគោលលទ្ធិ និងសេចក្តីសញ្ញានឹងមាននៅលើទំព័រ ឯកសារវគ្គសិក្សា និងនៅក្នុង កម្មវិធីបណ្ណាល័យដំណឹងល្អ ។
ចុះឈ្មោះយុវវ័យចូលរៀនថ្នាក់សិក្ខាសាលា និងតាមដានការចុះឈ្មោះចូលរៀន និងការរីកចម្រើនរបស់ពួកគេនៅលើគេហទំព័រ mySeminary.churchofJesusChrist.org ។ សេចក្តីណែនាំ និងទម្រង់ បែបបទមាន នៅទីនេះ ។
ការបញ្ជាទិញឯសារដែលបោះពុម្ព
សាសនាចក្រនឹងលែងផ្ញើដោយស្វ័យប្រវត្តិនូវសៀវភៅសិក្សាមេរៀនដែលបានបោះពុម្ពទៅអង្គភាពដោយមិនគិតថ្លៃទៀតហើយ ។ ថ្នាក់ដឹកនាំក្រុមជំនុំអាចបញ្ជាទិញឯកសារបោះពុម្ពសម្រាប់សមាជិកដែលចង់បានឯកសារនោះ ឬសមាជិកអាចបញ្ជាទិញសម្រាប់ខ្លួនឯង នៅឯគេហទំព័រ store.ChurchofJesusChrist.org ។ ឯកសារជាទម្រង់សំឡេង អក្សរស្ទាបសម្រាប់ជនពិការ និងអក្សរធំក៏មានដែរ ។
Related Articles
