hickenscm.jpg
President and Sister Hickens of the Cambodia Phnom Penh East Mission.© 2024 by Intellectual Reserve, Inc. All rights reserved.ប្រធាន អាឡិន ហ៊ីកឃិន និងស៊ីស្ទើរ អាលីស្សា ហ៊ីកឃិន គឺជាអ្នកដឹកនាំបេសកកម្មនៃបេសកកម្មភ្នំពេញកម្ពុជាខាងកើតនាពេលថ្មីៗនេះ ។ នៅក្នុងបទសម្ភាសថ្មីៗនេះ ស្វាមីភរិយា ហ៊ីកឃិនស៍ បានចែកចាយអារម្មណ៍របស់ពួកគាត់អំពីការហៅរបស់ពួកគាត់ ។
ស្វាមីភរិយា ហ៊ីកឃិនស៍ រៀបរាប់ថា ពួកគាត់បានត្រៀមខ្លួនជាយូរមកហើយដើម្បីបម្រើជាអ្នកដឹកនាំបេសកកម្មនៅក្នុងប្រទេសកម្ពុជា ។ ស្វាមីភរិយា ហ៊ីកឃិនស៍ មានសេចក្តីស្រឡាញ់ចំពោះប្រទេសកម្ពុជា និងប្រជាជនរបស់ប្រទេសនេះ ។ ប្រធាន ហ៊ីកឃិន បានចែកចាយថា កាលនៅក្មេង គាត់ត្រូវបានហៅឲ្យបម្រើនៅបេសកកម្ម សាន់ ឌីអាហ្គោ រដ្ឋកាលីហ្វ័រញ៉ា ហើយបានចាប់ផ្ដើមរៀនភាសាថៃនៅក្នុងមជ្ឈមណ្ឌលបំពាក់បំប៉នអ្នកផ្សព្វផ្សាយសាសនា ។ នៅពេលគាត់ទៅដល់ទីក្រុង សាន់ ឌីអាហ្គោ ប្រធានបេសកកម្មរបស់គាត់ បានចាត់គាត់ឲ្យធ្វើការជាមួយជនភៀសខ្លួនកម្ពុជា ដែលចេះនិយាយតែភាសាខ្មែរប៉ុណ្ណោះ ។ បន្ទាប់ពីបេសកកម្មរបស់គាត់ គាត់បានធ្វើការនៅប្រទេសកម្ពុជាអស់មួយរយៈក្នុងទសវត្សរ៍ឆ្នាំទី ១៩៩០ ។ ប្រធាន ហ៊ីកឃិន បានមានប្រសាសន៍អំពីការត្រូវបានហៅឲ្យធ្វើជាអ្នកដឹកនាំបេសកកម្មថា « វាជាឱកាសមួយដើម្បីត្រឡប់មកប្រទេសដែលខ្ញុំស្រឡាញ់ ដើម្បីធ្វើការជាមួយមនុស្សដែលខ្ញុំស្រឡាញ់ … តាមរបៀបដ៏កាន់តែជិតស្និទ្ធជាងធម្មតាដែលយើងទទួលបានក្នុងលក្ខខណ្ឌនៃកិច្ចការរបស់ព្រះអម្ចាស់ » ។
ពេលវេលាសរុបរបស់ខ្ញុំនៅក្នុងតំបន់គឺបីថ្ងៃមុនពេលយើងមកដល់ [ ក្នុងនាមជាថ្នាក់អ្នកដឹកនាំបេសកកម្ម ] វាមានអារម្មណ៍ថាធ្លាប់ស្គាល់… យើងចូលចិត្តនៅទីនេះ ។ ស៊ីស្ទើរ ហ៊ីកឃិន បានមានប្រសាសន៍ថា « … ការធ្វើជាឪពុកម្តាយ និងចិញ្ចឹមគ្រួសារបានហ្វឹកហាត់ពួកយើងជាច្រើនសម្រាប់ការធ្វើជាម្តាយ និងឪពុកនៅបេសកកម្ម ។ រឿងមួយទៀតដែលខ្ញុំពិតជាស្រឡាញ់នោះ គឺការបម្រើជាមួយស្វាមីរបស់ខ្ញុំ ។ មានការហៅបម្រើតិចតួចណាស់នៅក្នុងព្រះវិហារ ដែលយើងអាចបម្រើជាមួយគ្នា ហើយធ្វើការជាមួយគ្នា » ។
ប្រធាន ហ៊ីកឃិន បានចែកចាយថា គោលដៅរបស់ពួកគាត់គឺផ្តោតលើការអភិវឌ្ឍអ្នកផ្សព្វផ្សាយសាសនាពេញម៉ោង « យើងចង់ឲ្យពួកអ្នកផ្សព្វផ្សាយសាសនារបស់យើងមករកព្រះគ្រីស្ទ ។ យើងចង់ឲ្យពួកអ្នកផ្សព្វផ្សាយសាសនាក្លាយជាសិស្សពេញមួយជីវិត ។ ហើយបន្ទាប់មក យើងចង់ឲ្យពួកអ្នកផ្សព្វផ្សាយសាសនារបស់យើងជួយអ្នកដទៃទៀតឲ្យធ្វើដូចគ្នា ។ ដូច្នេះ ការផ្តោតលើបេសកកម្មរបស់យើងគឺនាំមនុស្សមករកព្រះគ្រីស្ទ ដោយចាប់ផ្តើមពីពួកអ្នកផ្សព្វផ្សាយសាសនា » ។ ស៊ីស្ទើរ ហ៊ីកឃិន បានបន្ថែមថា « យើងកំពុងបណ្តុះបណ្តាល [ ពួកអ្នកផ្សព្វផ្សាយសាសនាពេញម៉ោង ] ឲ្យក្លាយជាអ្នកដឹកនាំនាពេលអនាគត មិនថាពួកគេមកពីណានោះទេ » ។
ស្វាមីភរិយា ហ៊ីកឃិនស៍ អន្ទះសាអំពីឱកាសសម្រាប់ការរីកចម្រើន និងការអភិវឌ្ឍសម្រាប់ព្រះវិហារនៅក្នុងប្រទេសកម្ពុជា ជាមួយនឹងការបញ្ចប់ការសាងសង់ព្រះវិហារបរិសុទ្ធភ្នំពេញកម្ពុជា ។ ពួកគាត់បានបង្ហាញថា ៖ « យើងរំភើបចិត្តណាស់ដែលព្រះវិហារបរិសុទ្ធកំពុងតែសាងសង់នៅទីនេះ ! ដូច្នេះហើយ យើងមានអារម្មណ៍ថា ផ្នែកមួយនៃអ្វីដែលយើងត្រូវធ្វើក្នុងអំឡុងពេលរបស់យើងនៅទីនេះ គឺរៀបចំមនុស្សសម្រាប់ព្រះវិហារបរិសុទ្ធ ហើយរៀបចំពួកគេឲ្យគោរពតាមសេចក្ដីសញ្ញានៃព្រះវិហារបរិសុទ្ធ ហើយមកបម្រើក្នុងព្រះវិហារបរិសុទ្ធ ... ហើយធ្វើកិច្ចការដ៏អស្ចារ្យនៃពង្សប្រវត្តិដែលយើងធ្វើនៅក្នុងព្រះវិហារបរិសុទ្ធដើម្បីបង្រួបបង្រួមក្រុមគ្រួសារ » ។
20240619_155754_CBell_Hoare_David_B_J_and_Marsha0853_1.jpg
President and Sister Hoares of the Cambodia Phnom Penh West Mission.© 2024 by Intellectual Reserve, Inc. All rights reserved.ក្នុងពេលជាមួយគ្នានេះដែរ ប្រធាន ដេវីឌ ហ័រ និងស៊ីស្ទើរ ម៉ាស្សា ហ័រ ក៏ជាថ្នាក់ដឹកនាំបេសកកម្មថ្មីនៃបេសកកម្មភ្នំពេញកម្ពុជាខាងលិចផងដែរ ។ ស្វាមីភរិយា ហ័រ បានបម្រើនៅក្នុងការហៅជាច្រើននៅក្នុងសាសនាចក្រ ដែលបានចាក់គ្រឹះសម្រាប់ការហៅបច្ចុប្បន្នរបស់ពួកគាត់ ។ ប្រធាន ហ័រ បានចែកចាយថា « វាពិតជាអស្ចារ្យណាស់ក្នុងការបម្រើដល់បុត្រាបុត្រីរបស់ព្រះវរបិតាសួគ៌ គ្រប់ទីកន្លែងដែលអ្នកត្រូវបានហៅ ។ …ពួកយើងតែងតែមានអារម្មណ៍ថាមិនមានលក្ខណៈគ្រប់គ្រាន់សម្រាប់អ្វីៗទាំងអស់ដែលយើងត្រូវបានហៅឲ្យធ្វើ ប៉ុន្តែយើងមានទំនុកចិត្តថា ព្រះវរបិតាសួគ៌នឹងជួយយើង សូម្បីតែនៅក្នុងភាពមិនគ្រប់គ្រាន់របស់យើងក៏ដោយ ។ ស៊ីស្ទើរ ហ័រ បានមានប្រសាសន៍ថា « ដំណើររបស់យើងដើម្បីធ្វើជាថ្នាក់ដឹកនាំបេសកកម្មបានចាប់ផ្ដើមកាលពីឆ្នាំមុន ប៉ុន្តែដំណើររបស់យើងដើម្បីធ្វើជាសិស្សរបស់ព្រះគ្រីស្ទមានដំណើរការដ៏វែងឆ្ងាយ » ។
ប្រធាន និងស៊ីស្ទើរ ហ័រ បានសម្តែងការសាទរចំពោះការចាត់តាំងឲ្យមកប្រទេសកម្ពុជា ប្រទេសនេះ គឺជាផ្នែកមួយដ៏សំខាន់នៃគ្រួសារ ហ័រ ដោយសារប្រធាន ហ័រ បានបម្រើបេសកកម្មដំបូងរបស់គាត់នៅក្នុងប្រទេសកម្ពុជា ក្នុងនាមជាអ្នកផ្សព្វផ្សាយសាសនាពេញម៉ោងវ័យក្មេង ។ គ្រួសារ ហ័រ ក៏មានសេចក្តីស្រឡាញ់ចំពោះប្រជាជនកម្ពុជាដែរ ហើយបានមានប្រសាសន៍ថា « សូមឲ្យសមាជិកទាំងអស់នៃសាសនាចក្រដឹងថា យើងស្រឡាញ់ពួកគាត់ » ។
ស្វាមីភរិយា ហ័រ កំពុងទន្ទឹងរង់ចាំយ៉ាងរំភើបរីករាយក្នុងការធ្វើការជាមួយពួកអ្នកផ្សព្វផ្សាយសាសនាពេញម៉ោង និងសមាជិកនៅក្នុងប្រទេសកម្ពុជា ដើម្បីជួយចែកចាយសារលិខិតរបស់ព្រះយេស៊ូវគ្រីស្ទ និងការស្ដារឡើងវិញនៃសាសនាចក្រ និងនគររបស់ទ្រង់នៅលើផែនដី ។ ប្រធាន ហ័រ បានឆ្លុះបញ្ចាំងថា « យើងសង្ឃឹមថា វានឹងជួយពួកគេយ៉ាងច្រើនដែលវានឹងក្លាយជាគំរូសម្រាប់របៀបដែលពួកគេរស់នៅក្នុងជីវិតរបស់ពួកគេ ថាសេចក្ដីស្រឡាញ់របស់ព្រះអង្គសង្គ្រោះ និងគោលលទ្ធិនៃព្រះគ្រីស្ទ … នឹងជួយពួកគេម្នាក់ៗ និងផ្ទាល់ខ្លួន » ។ ស៊ីស្ទើរ ហ័រ បានពន្យល់យ៉ាងលម្អិតថា « យើងស្រឡាញ់ភាពចម្រុះ ... ហើយយើងគោរពអ្នកដែលមានជំនឿផ្សេងៗ ហើយយើងអាចរៀនបានច្រើនពីពួកគេ » ។
ស្វាមីភរិយា ហ័រ កំពុងទន្ទឹងឆ្ពោះទៅរករយៈពេលបីឆ្នាំដ៏គួរឲ្យរំភើបក្នុងការបម្រើនៅប្រទេសកម្ពុជាក្នុងពេលវេលាជាប្រវត្តិសាស្ត្រនេះ នៅពេលដែលព្រះវិហារបរិសុទ្ធបានសាងសង់រួចរាល់ហើយ ហើយប្រទេសកម្ពុជាត្រូវបានផ្ដល់ពរក្នុងការទទួលបានផ្លូវនៃសេចក្តីសញ្ញាពេញលេញក្នុងមូលដ្ឋាន ដែលមាននៅក្នុងដំណឹងល្អនៃព្រះយេស៊ូវគ្រីស្ទ តាមរយៈពរជ័យនៃព្រះវិហារបរិសុទ្ធ ។