2026-Youth-theme
ពួកអ្នកដើរតាម ដើរជាមួយព្រះយេស៊ូវនៅក្នុងរូបភាពនេះចេញពីវីដេអូព្រះគម្ពីរប៊ីប —កម្រងវីដេអូអំពីព្រះជន្មរបស់ព្រះយេស៊ូវគ្រីស្ទ ដកស្រង់ពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។© 2025 by Intellectual Reserve, Inc. All rights reserved.
President-D.-Todd-Christofferson-official
ប្រធាន ឌី ថត គ្រីស្តូហ្វឺសិន2025 by Intellectual Reserve, Inc. All rights reserved.ប្រធាន ឌី ថត គ្រីស្តូហ្វឺសិន ទីប្រឹក្សាទីពីរក្នុងគណៈប្រធានទីមួយនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ នឹងចែកចាយសារលិខិតជាមួយយុវវ័យអំឡុងការចាក់ផ្សាយដែលបានថតទុកជាមុន ក្នុងខែមករា ឆ្នាំ២០២៦ ក្រោមបាវចនា « ចូរដើរជាមួយនឹងយើងចុះ » — ការពិភាក្សាទូទាំងពិភពលោកសម្រាប់យុវវ័យ ។
ការផ្តោតសំខាន់នៃការពិភាក្សាទូទាំងពិភពលោកសម្រាប់យុវវ័យគឺជាបាវចនារបស់យុវវ័យប្រចាំឆ្នាំ២០២៦ « ចូរដើរជាមួយនឹងយើងចុះ » ដកស្រង់ពីគម្ពីរម៉ូសេ ៦:៣៤ ។ វីដេអូដែលបានថតទុកជាមុនដែលបង្ហាញពីថ្នាក់ដឹកនាំសាសនាចក្រ យុវវ័យ និងតន្ត្រី គឺដើម្បីជួយសមាជិកវ័យក្មេងឲ្យយល់កាន់តែច្បាស់អំពីប្រធានបទរបស់យុវវ័យ ដែលនឹងមានចាក់ផ្សាយនៅថ្ងៃអាទិត្យ ទី១៨ ខែមករា ឆ្នាំ២០២៦ ។
សាសនាចក្រសូមអញ្ជើញយុវវ័យ និងថ្នាក់ដឹកនាំនៅក្នុងមូលដ្ឋានឲ្យរៀបចំផែនការការជួបជុំមួយ ដែលយុវនារី និងយុវជនអាចមើលការចាក់ផ្សាយនេះជាមួយគ្នា ហើយក្រោយមកមានឱកាសដាក់ផែនការ និងចែកចាយពីរបៀបដែលពួកគេអាច « ដើរជាមួយនឹង » ព្រះអង្គសង្គ្រោះពេញមួយឆ្នាំ ។ យុវវ័យត្រូវបានលើកទឹកចិត្តឲ្យដឹកនាំការពិភាក្សាទាំងនេះ ។
2026-youth-logo-68hcn9j3zcyeoz4fpiojcqgqobhei7dx4bismxd2
និមិត្តសញ្ញាសម្រាប់បាវចនាយុវវ័យប្រចាំឆ្នាំ២០២៦© 2025 by Intellectual Reserve, Inc. All rights reserved.វីដេអូនេះអាចត្រូវបានប្រើនៅអំឡុងការប្រជុំនាថ្ងៃអាទិត្យ ឬជាផ្នែកមួយនៃសកម្មភាពនៃថ្ងៃធ្វើការ ។ យុវវ័យ និងថ្នាក់ដឹកនាំនៅក្នុងវួដ ឬសាខា ត្រូវបានលើកទឹកចិត្តឲ្យជួបជុំគ្នាដើម្បីមើលវីដេអូនេះ នៅម៉ោង និងទីតាំងដែលសមស្របតាមតម្រូវការ និងកាលៈទេសៈរបស់ពួកគេបំផុត ។
របៀបចូលមើល
វីដេអូនេះនឹងមាននៅលើប៉ុស្តិ៍ដូចខាងក្រោមចាប់ផ្តើមពីថ្ងៃទី១៨ ខែមករា ឆ្នាំ២០២៩ ៖
- បណ្ណាល័យដំណឹងល្អ
- គេហទំព័រ Broadcasts.ChurchofJesusChrist.org
- ប៉ុស្តិ៍ YouTube Strive to Be
- Media Library
ធនធានទាំងឡាយ
ធនធានទាំងឡាយសម្រាប់បាវចនាឆ្នាំ២០២៦ អាចរកបាននៅលើគេហទំព័រ youth.churchofjesuschrist.org ។ បាវចនាប្រចាំឆ្នាំផ្តល់ឱកាសដ៏មានអត្ថន័យសម្រាប់យុវវ័យនៅទូទាំងពិភពលោក ដើម្បីរួបរួមនៅក្នុងសេចក្តីជំនឿ និងពង្រឹងការប្រែចិត្តជឿរបស់ពួកគេទៅលើព្រះអង្គសង្គ្រោះ ព្រះយេស៊ូវគ្រីស្ទ ។