rjwp15znjnzu394ku1ce3qks7xrh82dff0zrbt8u.png
សេចក្ដីណែនាំ « ដើម្បីកម្លាំងនៃយុវជន » ( ដ.ក.យ. ) ដែលបានធ្វើបច្ចុប្បន្នភាពមាន១២ជំពូក—មួយជំពូកសម្រាប់ខែនីមួយៗក្នុងមួយឆ្នាំ—ជំពូកនីមួយៗផ្តោតលើគោលលទ្ធិ គោលការណ៍ និងការអនុវត្តក្នុងជីវិតពិតៗ ។© 2026 by Intellectual Reserve, Inc. All rights reserved.បន្ទាប់ពីការប្រកាសនាពេលថ្មីៗនេះនៅថ្ងៃទី៣០ ខែមីនា ដែលគូសបញ្ជាក់ពីការកែសម្រួលការប្រជុំនៅថ្ងៃអាទិត្យ និងកម្មវិធីសិក្សាយុវវ័យ ។ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ កំពុងអញ្ជើញយុវវ័យ ឪពុកម្តាយ និងថ្នាក់ដឹកនាំឲ្យចាប់ផ្តើមរៀបចំខ្លួននាពេលឥឡូវនេះសម្រាប់ការផ្លាស់ប្តូរនានា ដែលនឹងមានប្រសិទ្ធភាពចាប់ពីថ្ងៃទី៦ ខែកញ្ញា ឆ្នាំ២០២៦ ។
ចំណុចសំខាន់នៃការកែសម្រួលទាំងនេះគឺជាសៀវភៅ « ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស » ដែលបានធ្វើបច្ចុប្បន្ន—ជាធនធានមួយដែលផ្អែកលើគោលការណ៍ និងផ្តោតលើព្រះគ្រីស្ទ ដែលនឹងក្លាយជាកម្មវិធីសិក្សាសម្រាប់ថ្នាក់យុវនារី និងកូរ៉ុមបព្វជិតភាពអើរ៉ុន ដែលនឹងចាប់ផ្តើមនៅរដូវស្លឹកឈើជ្រុះនេះ ។
ថ្នាក់ដឹកនាំសាសនាចក្របានសង្កត់ធ្ងន់ថា ការផ្លាស់ប្តូរទាំងនេះត្រូវបានរចនាឡើងដើម្បីពង្រឹងយុវវ័យក្នុងភាពជាសិស្សរបស់ពួកគេ ពង្រឹងការរៀនសូត្រដំណឹងល្អដែលផ្តោតលើគេហដ្ឋាន និងកសាងសាមគ្គីភាព កាលយុវវ័យទូទាំងពិភពលោកសិក្សាគោលការណ៍ដូចគ្នាជាមួយគ្នា ។
កម្មវិធីសិក្សាប្រចាំខែដែលផ្អែកលើគោលការណ៍សម្រាប់យុវវ័យ
សេចក្ដីណែនាំ « ដើម្បីកម្លាំងនៃយុវជន » ( ដ.ក.យ. ) ដែលបានធ្វើបច្ចុប្បន្នភាពមាន ១២ជំពូក—មួយជំពូកសម្រាប់ខែនីមួយៗក្នុងមួយឆ្នាំ —ជំពូកនីមួយៗផ្តោតលើគោលលទ្ធិ គោលការណ៍ និងការអនុវត្តក្នុងជីវិតពិតៗ ។ ថ្នាក់រៀន និងកូរ៉ុមទាំងឡាយនឹងសិក្សាមួយជំពូកក្នុងមួយខែ ហើយរៀនពីរបៀបធ្វើការជ្រើសរើស ដោយដាក់ព្រះអង្គសង្គ្រោះព្រះយេស៊ូវគ្រីស្ទជាចំណុចកណ្តាលក្នុងជីវិតរបស់ពួកគេ ចាប់ពីថ្ងៃទី៦ ខែកញ្ញា នេះតទៅ ។
យុវវ័យត្រូវបានអញ្ជើញឲ្យ អានការណែនាំទាំងស្រុង មុនថ្ងៃទី៦ ខែកញ្ញា ហើយរៀនស្គាល់ការបង្រៀនក្នុងសេចក្ដីណែនាំនេះ និងរៀនពីរបៀបប្រើប្រាស់សេចក្ដីណែនាំនេះជាធនធានពេញមួយជីវិតសម្រាប់ភាពជាសិស្ស និងការធ្វើការសម្រេចចិត្ត ។
សម្រាប់យុវវ័យដែលសិក្សាសៀវភៅណែនាំនេះនឹងទទួលបានលទ្ធផលដែលនឹងជួយពួកគេឲ្យ ៖
- ក្លាយជាសិស្សពេញមួយជីវិតរបស់ព្រះយេស៊ូវគ្រីស្ទ ដោយមានការយល់ដឹងដ៏មុតមាំអំពីដំណឹងល្អរបស់ទ្រង់ ។
- ត្រៀមខ្លួនសម្រាប់អំណោយទានពិសិដ្ឋ ដោយមានការយល់ដឹងកាន់តែជ្រាលជ្រៅអំពីពិធីបរិសុទ្ធនៃបព្វជិតភាព និងសេចក្ដីសន្យានៃសេចក្តីសញ្ញា ។
- ត្រៀមខ្លួនសម្រាប់បេសកកម្ម ដោយមានបំណងប្រាថ្នាចង់បម្រើព្រះអម្ចាស់ ។
- ផ្តោតលើគ្រួសារនាពេលអនាគតរបស់ពួកគេ ដោយមានការយល់ដឹងថា អាពាហ៍ពិពាហ៍រវាងបុរសម្នាក់ និងស្ត្រីម្នាក់ត្រូវបានតែងតាំងឡើងដោយព្រះ ហើយថាគ្រួសារគឺជាចំណុចកណ្តាលនៃផែនការរបស់ព្រះវរបិតា ។
- ដឹងថា ព្រះយេស៊ូវគ្រីស្ទគឺជាកម្លាំងរបស់ពួកគេ ។
ឥឡូវនេះ សេចក្ដីណែនាំនេះមាននៅក្នុងផ្នែក « យុវវ័យ » នៅក្នុងបណ្ណាល័យដំណឹងល្អ ដោយមានច្បាប់បោះពុម្ពនឹងមកដល់គ្រប់អង្គភាពនៅទូទាំងពិភពលោក ។
អានជាមួយគ្នា ៖ មួយជំពូកក្នុងមួយសប្តាហ៍ ចាប់ពីថ្ងៃទី៣ ខែឧសភា តទៅ
ចាប់ពី ថ្ងៃទី៣ ខែឧសភា ឆ្នាំ២០២៦ នេះទៅ បណ្ដាញប្រព័ន្ធផ្សព្វផ្សាយសង្គម « ដើម្បីកម្លាំងនៃយុវជន » ( ដែលពីមុនហៅថា « Strive to Be [ ខិតខំក្លាយជា ] » ) នឹងរៀបចំបទពិសោធន៍អានទូទាំងពិភពលោកមួយ ។ យុវវ័យ ក្រុមគ្រួសារ និងថ្នាក់ដឹកនាំរបស់ពួកគេត្រូវបានអញ្ជើញឲ្យអាន មួយជំពូកក្នុងមួយសប្តាហ៍ ហើយរៀបចំខ្លួនជាមួយគ្នាសម្រាប់កម្មវិធីសិក្សានាពេលខាងមុខ ។
ការចុះផ្សាយប្រចាំសប្តាហ៍នឹងរួមមាន ៖
- ការអញ្ជើញឲ្យអាន
- ការយល់ដឹង និងទីបន្ទាល់មកពីយុវវ័យដទៃទៀត
- គំនិតអនុវត្តដែលជួយយុវវ័យឲ្យធ្វើសកម្មភាពតាមអ្វីដែលពួកគេកំពុងរៀន
តាមដានបណ្ដាញប្រព័ន្ធផ្សព្វផ្សាយសង្គមយុវវ័យរបស់សាសនាចក្រ
t4tvlmbwip1diioy885zo8qq8mbrqqsrdr34tn93.jpeg
បណ្ដាញប្រព័ន្ធផ្សព្វផ្សាយសង្គមដែលផ្ដោតលើយុវវ័យរបស់សាសនាចក្រ—ដែលពីមុនត្រូវបានគេស្គាល់ថាជា Strive to Be [ ខិតខំក្លាយជា ]—ឥឡូវនេះត្រូវបានប្ដូរឈ្មោះទៅជា ដើម្បីកម្លាំងនៃយុវជន ( @forstrengthofyouth ) ។© 2026 by Intellectual Reserve, Inc. All rights reserved.បណ្ដាញប្រព័ន្ធផ្សព្វផ្សាយសង្គមដែលផ្ដោតលើយុវវ័យរបស់សាសនាចក្រ—ដែលពីមុនត្រូវបានគេស្គាល់ថាជា Strive to Be [ ខិតខំក្លាយជា ]—ឥឡូវនេះត្រូវបានប្ដូរឈ្មោះទៅជា ដើម្បីកម្លាំងនៃយុវជន ( @forstrengthofyouth ) ។
បណ្ដាញទាំងនេះផ្តល់ជូននូវ ៖
- សារលិខិតដែលលើកទឹកចិត្ត និងផ្ដោតលើព្រះគ្រីស្ទ ដែលជួយយុវវ័យឲ្យពង្រឹងសេចក្ដីជំនឿរបស់ពួកគេបានកាន់តែស៊ីជម្រៅ និងទទួលអារម្មណ៍ពីសេចក្ដីស្រឡាញ់របស់ព្រះអង្គសង្គ្រោះនៅក្នុងជីវិតប្រចាំថ្ងៃរបស់ពួកគេ
- ខ្លឹមសារវិជ្ជមាន និងបំផុសគំនិតដើម្បីពង្រឹងទំនុកចិត្ត ការចុះចំណោម និងភាពជាសិស្សនៅក្នុងសហគមន៍អនឡាញដែលជួយគាំទ្រគ្នា
- ទស្សនៈទូទាំងពិភពលោកមកពីយុវវ័យ និងថ្នាក់ដឹកនាំទាំងឡាយ ដែលជួយយុវជន និងយុវនារីឲ្យមានអារម្មណ៍ថាភ្ជាប់ទំនាក់ទំនងជាមួយពួកសិស្សដទៃទៀតរបស់ព្រះយេស៊ូវគ្រីស្ទនៅជុំវិញពិភពលោក
ឪពុកម្តាយ ថ្នាក់ដឹកនាំ និងយុវវ័យក៏ត្រូវបានអញ្ជើញឲ្យតាមដានបណ្ដាញដូចតទៅផងដែរ ៖
- យុវនារីទូទាំងពិភពលោក ( @youngwomenworldwide នៅលើហ្វេសប៊ុក និងអ៊ីនស្ដាក្រាម )
- យុវជនទូទាំងពិភពលោក ( @youngmenworldwide នៅលើហ្វេសប៊ុក និងអ៊ីនស្ដាក្រាម )
ការពិភាក្សាយុវវ័យនៅថ្ងៃទី៣០ ខែសីហា ឆ្នាំ២០២៦
ដើម្បីរៀបចំយុវវ័យ និងក្រុមគ្រួសាររបស់ពួកគេសម្រាប់កម្មវិធីសិក្សាថ្មីនេះ សាសនាចក្របានកំណត់ ថ្ងៃអាទិត្យ ទី៣០ ខែសីហា ឆ្នាំ២០២៦ ជាថ្ងៃអាទិត្យសប្តាហ៍ទីប្រាំនៃខែនោះជា ទិវាពិភាក្សាទូទាំងពិភពលោកសម្រាប់យុវវ័យ ។
នៅថ្ងៃអាទិត្យនេះ ៖
- យុវវ័យ,
- ឪពុកម្តាយរបស់ពួកគេ,
- ថ្នាក់ដឹកនាំយុវវ័យ និង
- កុមារអង្គការបឋមសិក្សាដែលនឹងឈានដល់អាយុ១២ឆ្នាំនៅឆ្នាំ២០២៧
ត្រូវបានអញ្ជើញឲ្យជួបជុំគ្នានៅក្នុងវួដ និងសាខារបស់ពួកគេ ដើម្បីមើលវីដេអូណែនាំដែលសាសនាចក្រផ្ដល់ជូន ហើយបញ្ចប់ដោយការពិភាក្សាក្នុងមូលដ្ឋាន ។
ការប្រជុំពិសេសនៅថ្ងៃអាទិត្យសប្តាហ៍ទីប្រាំនេះនឹងណែនាំពីកម្មវិធីសិក្សាថ្មី បង្ហាញពីរបៀបប្រើប្រាស់សេចក្ដីណែនាំនេះឲ្យមានប្រសិទ្ធភាព និងផ្តល់ការណែនាំជាក់ស្តែងអំពីរបៀបដែលយុវវ័យអាចចូលរួមយ៉ាងពេញលេញនៅក្នុងថ្នាក់រៀនប្រចាំសប្តាហ៍ ដែលចាប់ផ្តើមពីថ្ងៃទី៦ ខែកញ្ញា នេះតទៅ ។
ប្រធានយុវនារីទូទៅ អេមីលី បេលី ហ្វ្រីមែន បានមានប្រសាសន៍ថា « គោលបំណងនៃសេចក្ដីណែនាំ ដ.ក.យ. ដែលបានធ្វើបច្ចុប្បន្នភាពនេះ គឺដើម្បីជួយយុវវ័យឲ្យទទួលបានឧបករណ៍ដែលពួកគេត្រូវការ ដើម្បីក្លាយជាសិស្សពេញមួយជីវិតរបស់ព្រះយេស៊ូវគ្រីស្ទ ។ កាលយុវនារី និងយុវជនរៀនដើម្បីសិក្សា អនុវត្ត និងរស់នៅតាមគោលការណ៍ដែលមាននៅក្នុងសេចក្ដីណែនាំនេះ នោះពួកគេនឹងក្លាយកាន់តែដូចជាព្រះគ្រីស្ទដោយខ្លួនគេផ្ទាល់ » ។
ទស្សនាវដ្តី « ដើម្បីកម្លាំងនៃយុវជន » ៖ ចាំបាច់សម្រាប់មេរៀនប្រចាំសប្តាហ៍
DOWNLOADដោយចាប់ផ្តើមនៅ ខែកញ្ញា ឆ្នាំ២០២៦ ឯកសារកម្មវិធីសិក្សាដែលគាំទ្រដល់ការប្រជុំថ្នាក់យុវនារី និងកូរ៉ុមបព្វជិតភាពអើរ៉ុនប្រចាំសប្តាហ៍នឹងត្រូវបានបោះពុម្ព នៅទំព័រខាងក្រោយច្បាប់នីមួយៗនៃទស្សនាវដ្តី « ដើម្បីកម្លាំងនៃយុវជន » ។
ដើម្បីធានាថា គ្រួសារទាំងអស់ទទួលបានឯកសារទាំងនេះ នោះយុវវ័យ ឪពុកម្តាយ និងថ្នាក់ដឹកនាំត្រូវបានលើកទឹកចិត្ត ឲ្យជាវជាប្រចាំដោយឥតគិតថ្លៃ ឲ្យបានឆាប់តាមដែលអាចធ្វើទៅបាន ៖ magazines.ChurchofJesusChrist.org
ទស្សនាវដ្ដីនេះក៏ផ្តល់នូវទីបន្ទាល់ គំរូ និងដំណើររឿងនានាដែលជួយយុវវ័យឲ្យអនុវត្តតាមគោលការណ៍ដំណឹងល្អក្នុងជីវិតប្រចាំថ្ងៃផងដែរ ។ ច្បាប់ចម្លងឌីជីថលនៃច្បាប់នីមួយៗនឹងមាននៅក្នុងបណ្ណាល័យដំណឹងល្អនៅថ្ងៃទីដប់នៃខែមុន ។
ការរៀបចំខ្លួនដើម្បីរៀន ធ្វើសកម្មភាព និងប្រែក្លាយ
FSY-screen-shot.png
អស់អ្នកដែលចង់សិក្សាសេចក្ដីណែនាំ ដ.ក.យ. មុនថ្ងៃទី៦ ខែកញ្ញា អាចប្រើប្រាស់ផែនការសិក្សាដែលមាននៅក្នុងកម្មវិធីបណ្ណាល័យដំណឹងល្អបាន ។© 2026 by Intellectual Reserve, Inc. All rights reserved.អស់អ្នកដែលចង់សិក្សាសេចក្ដីណែនាំ ដ.ក.យ. មុនថ្ងៃទី៦ ខែកញ្ញា អាចប្រើប្រាស់ផែនការសិក្សាដែលមាននៅក្នុងកម្មវិធីបណ្ណាល័យដំណឹងល្អបាន ។ ផែនការនេះអនុញ្ញាតឲ្យសមាជិកតាមដានជំពូកដែលបានបញ្ចប់ហើយ ដាក់ការជូនដំណឹងនៅក្នុង-កម្មវិធី និងស្តាប់ជំពូកនីមួយៗ ដែលនឹងគូសសម្គាល់ដោយស្វ័យប្រវត្តិលើការអានប្រចាំសប្ដាហ៍ថាបានអានចប់ហើយ ។’
ប្រធានយុវជនទូទៅ ធីម៉ូស៊ី អិល ហ្វានេស បានមានប្រសាសន៍ថា « ភាពជាសិស្សពេញមួយជីវិតចាប់ផ្ដើមជាមួយនឹងភាពជាសិស្សប្រចាំថ្ងៃ ។ កាលយើងទន្ទឹងរង់ចាំខែកញ្ញា ឆ្នាំ២០២៦ ចូរយើងចាប់ផ្តើមនៅថ្ងៃនេះ ដើម្បីសិក្សាសេចក្ដីណែនាំ ដ.ក.យ. និងបទគម្ពីរដែលភ្ជាប់មកជាមួយប្រកបដោយការអធិស្ឋាន ។ នៅពេលក្មួយៗដើរជាមួយទ្រង់ នោះក្មួយៗនឹងឃើញថា ព្រះយេស៊ូវគ្រីស្ទគឺជាកម្លាំងរបស់ក្មួយ ។ សូមអនុញ្ញាតឲ្យទ្រង់ធ្វើជាអ្នកណែនាំក្មួយនៅក្នុងជម្រើសនីមួយៗដែលក្មួយត្រូវជ្រើសរើស » ។
ព័ត៌មាន និងធនធានបន្ថែមទៀតនឹងបន្តចែកចាយ នៅពេលខែកញ្ញាខិតជិតមកដល់ ។