នៅពេលដែល ជូឌិត កាជីឌី និង អាឡែន មវ៉ាប៉ា មកដល់សហរដ្ឋអាមេរិកក្នុងឆ្នាំ២០១៩ ពួកគេស្ទើរតែមិនចេះភាសាអង់គ្លេសទាល់តែសោះ ។
ក្នុងនាមជាពលរដ្ឋនៃសាធារណរដ្ឋប្រជាធិបតេយ្យកុងហ្គោ ពួកគេបានធ្វើចំណាកស្រុកទៅកាន់រដ្ឋតិចសាស ក្នុងគោលបំណងដើម្បីឲ្យកូនៗរបស់ពួកគេទទួលបានការអប់រំដែលល្អប្រសើរជាងមុន ។ ប៉ុន្តែដោយសារការមិនចេះភាសា នោះការរៀននៅសាលារៀន ការធ្វើការងារ និងការប្រាស្រ័យទាក់ទងគ្នាប្រចាំថ្ងៃសាមញ្ញៗ មានការពិបាកជាខ្លាំង ។
ជូឌិត បាននិយាយថា « ខ្ញុំចង់ប្រាប់ថា ខ្ញុំពិតជាមានការខកចិត្តច្រើន » ។
អាឡែន បានបន្ថែមទៀតថា « ខ្ញុំមិន[ អាច ]យល់អ្វីទាល់តែសោះ » ។
គូស្វាមីភរិយារូបនេះ និងកូនៗទាំងប្រាំនាក់របស់ពួកគេ គឺជាសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ ថ្ងៃមួយពេលកំពុងនៅក្នុងកម្មវិធីថ្វាយបង្គំ ពួកគេបានឮអំពី EnglishConnect ដែលជាកម្មវិធីសកលមួយរបស់សាសនាចក្រដែលមានច្រើនជាង ៥០ ភាសា ដើម្បីជួយអស់អ្នកណាដែលត្រូវការអភិវឌ្ឍជំនាញភាសាអង់គ្លេសរបស់ខ្លួននៅក្នុងបរិយាកាសនៃសេចក្តីជំនឿ សាមគ្គីភាព និងការអភិវឌ្ឍខ្លួន ។ ពួកគេក៏បានចូលរៀន ។
ជូឌិត បាននិយាយថា « អ្វីដែលបានជួយខ្ញុំច្រើនក្នុងកម្មវិធីនេះ គឺការជួបជុំគ្នា ការជជែកគ្នា និងការសន្ទនារវាងគ្នានឹងគ្នាតាមកម្មវិធី » ។
អាឡែន បាននិយាយថា « ភាសាអង់គ្លេសរបស់ខ្ញុំបានរីកចម្រើនឡើងជារៀងរាល់ពេល ជារៀងរាល់ថ្ងៃ ។ យើងអាចទៅព្រះវិហារ ហើយស្តាប់សារលិខិត ហើយយល់អំពីអ្វីដែលគេនិយាយ ហើយមានអារម្មណ៍ថាយើងក៏ត្រូវបានពង្រឹងខាងវិញ្ញាណដែរ ។ កម្មវិធីEnglishConnect បានជួយយើងគ្រប់យ៉ាងឲ្យប្រសើរឡើងក្នុងជីវិតរបស់យើង » ។
កម្មវិធីEnglishConnect គឺជាចំណុចចាប់ផ្ដើមមួយដែលជួយឲ្យ ជូឌិត ទទួលបានវិញ្ញាបនបត្រតាមរយៈកម្មវិធីសិក្សា BYU-Pathway Worldwide ។ វាជួយនាងឲ្យកសាងទំនុកចិត្តក្នុងការសិក្សា និងមានជំនាញសំខាន់ៗដទៃទៀត ។ កម្មវិធី BYU-Pathway ផ្តល់នូវការសិក្សាកម្រិតថ្នាក់បរិញ្ញាបត្រតាមអនឡាញដែលមានតម្លៃសមរម្យ ហើយអាចបញ្ចប់ការសិក្សាទទួលបានសញ្ញាបត្រក្នុងរយៈពេលខ្លីត្រឹមតែបីឆ្នាំប៉ុណ្ណោះ ។ នៅពេល ជូឌិត បានបញ្ចប់ការប្រឡងចុងក្រោយគេបង្អស់ នាងបានរត់ចុះរត់ឡើងនៅក្នុងផ្ទះរបស់ពួកគេដោយក្ដីរំភើប ហើយនិយាយថា « អាឡែន អូនបានប្រឡងជាប់ហើយ !
នាងបាននិយាយថា « វាជាអព្ភូតហេតុខ្លាំងណាស់ ។ ចាប់តាំងពីពេលនោះមក ខ្ញុំបាននិយាយថា ‹ ខ្ញុំអាចធ្វើកិច្ចការលំបាកៗបាន ហើយខ្ញុំនឹងស៊ូទ្រាំដល់ទីបញ្ចប់ ហើយបញ្ចប់ថ្នាក់បរិញ្ញាបត្ររបស់ខ្ញុំ › » ។
រឿងរបស់ ជូឌិត និង អាឡែន គឺគ្រាន់តែជារឿងមួយក្នុងចំណោមមនុស្សរាប់ម៉ឺននាក់ផ្សេងទៀតប៉ុណ្ណោះ ដែលទទួលពរដោយសារកម្មវិធីEnglishConnect ។ កម្មវិធីនេះមានកម្រិតខុសៗគ្នាជាច្រើន ៖ កម្មវិធីEnglishConnect ១ និង ២ សិក្សាដោយឥតគិតថ្លៃនោះទេ និងត្រូវបានរចនាឡើងសម្រាប់អ្នកចាប់ផ្តើមដំបូង ។ កម្មវិធីEnglishConnect ៣ គឺជាវគ្គសិក្សាកម្រិតមធ្យមដែលមានតម្លៃទាប ជាកម្មវិធីរៀបចំអ្នករៀនឲ្យត្រៀមខ្លួនចូលរៀន BYU-Pathway Worldwide ។
កម្មវិធីនេះគឺសម្រាប់មនុស្សគ្រប់គ្នា សូម្បីតែអ្នកដែលមិនមែនជាសមាជិកយើងក៏អាចរៀនបានដែរ ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
វិសាលភាពដ៏ធំទូលាយ និងការស្វាគមន៍របស់កម្មវិធីនេះត្រូវបានបង្ហាញនាពេលថ្មីៗនេះនៅទីក្រុងកាលហ្គារី ប្រទេសកាណាដា ។ ជនភៀសខ្លួនអ៊ុយក្រែនជាច្រើននាក់ដែលភៀសខ្លួនចេញពីជម្លោះបានទទួលពរដោយមានឱកាសដើម្បីរៀនភាសាអង់គ្លេស ។ ពួកបរិសុទ្ធថ្ងៃចុងក្រោយក្នុងតំបន់បានស្វាគមន៍ឱកាសដ៏ល្អនេះដើម្បីជួយអ្នកជិតខាងថ្មីរបស់ខ្លួន ។
ខូលីន ស្ទីល អ្នកដឹកនាំសាសនាចក្រនៅទីក្រុងកាលហ្គារី បានមានប្រសាសន៍ថា « ឱ ! វាលំបាកប៉ុនណាទៅ ដែលទៅរស់នៅក្នុងប្រទេសមួយ ហើយមិនចេះភាសាប្រទេសនោះ ។ យើងមានអារម្មណ៍ថា វាគឺជាទំនួលខុសត្រូវរបស់យើងដើម្បីជួយពួកគេ និងសហគមន៍របស់យើង ។
ឌូស្ទីន ថមសុន ជាពួកបរិសុទ្ធម្នាក់នៅក្នុងមូលដ្ឋានរស់នៅក្នុងទីក្រុងកាលហ្គារី បានបន្ថែមថា « ខ្ញុំបានអានធនធានរបស់កម្មវិធីEnglishConnect ហើយគិតថាសាសនាចក្របានបង្កើតកម្មវិធីសិក្សាដ៏អស្ចារ្យមួយ » ។ យើងបានចាប់ផ្តើម[ ក្រុម ]មួយ ហើយវាមិនចាំបាច់មានមនុស្សច្រើនដើម្បីរៀបចំនោះទេ ដរាបណា[ អ្នកស្ម័គ្រចិត្ត ]ចូលចិត្តអ្វីដែលពួកគេកំពុងធ្វើ ។ យើងមិនដឹងថាមានមនុស្សប៉ុន្មាននាក់នឹងមកនោះទេ ។ ក្រោយមក ក្រុមនេះក៏កាន់តែមានគ្នាច្រើនឡើងៗ ។ ឥឡូវនេះយើងមានអ្នករៀនពី ៤៥ ទៅ ៧០ នាក់ហើយ នោះគ្រាន់តែមួយឆ្នាំបន្ទាប់ពីមានអ្នករៀនបានចូលរួម » ។
អូលីកសានឌឺ ហ្គូរីណូវ ជាជនអន្តោប្រវេសន៍អ៊ុយក្រែននៅទីក្រុងកាលហ្គារី បានសរសើរកម្មវិធីនេះដែលបានជួយគាត់ និងមិត្តភក្ដិឲ្យស្វែងរកការងារធ្វើនៅលើទឹកដីថ្មីដែលគេរស់នៅ ។
គាត់បាននិយាយថា « កម្មវិធីនេះពិតជាផ្លាស់ប្តូរជីវិតរបស់ខ្ញុំខ្លាំងណាស់ ព្រោះខ្ញុំតែងស្រមៃថា កូនរបស់ខ្ញុំនឹងបានរៀនជាភាសាអង់គ្លេសដូចជាភាសាកំណើត ។ ខ្ញុំពិតជាសូមណែនាំ ... ថ្នាក់ EnglishConnect ទាំងនេះ មិនត្រឹមតែនៅក្នុងប្រទេសកាណាដាប៉ុណ្ណោះទេ ប៉ុន្តែនៅជុំវិញពិភពលោកផងដែរ ។ វាជាបទពិសោធដ៏អស្ចារ្យមួយ » ។
មនុស្សមកពីជាង ១៨០ ប្រទេសកំពុងប្រើប្រាស់កម្មវិធីEnglishConnect ដើម្បីជួយបង្កើនឱកាសដល់ពួកគេបន្ថែមទៀត ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ប៉ាមេឡា សេផលវីដា ជាម្តាយមួយរូបមកពី វ៉ាល់ប៉ារ៉ៃសូ ប្រទេសស៊ីលី បាននិយាយថា « នៅពីដំបូង ខ្ញុំគិតថាខ្ញុំមិនអាចរៀនបានទេ ។ ប៉ុន្តែដោយការខិតខំ និងការព្យាយាម និងជំនួយពីព្រះវរបិតាសួគ៌ ខ្ញុំអាចនិយាយជាភាសាអង់គ្លេសបាន និងប្រាស្រ័យទាក់ទងបាន ។ វាមិនត្រឹមតែថា អ្នកអាចរៀន និងចេះនិយាយភាសាថ្មីប៉ុណ្ណោះទេ អ្នកក៏កំពុងទទួលបានទំនុកចិត្តលើខ្លួនឯង និងលើអ្វីដែលអ្នកអាចសម្រេចបានផងដែរ » ។
អ្នកខ្លះដូចជា អាកាន អូរីតូ នៅទីក្រុងជីបា ប្រទេសជប៉ុន បានប្រើកម្មវិធីEnglishConnect ដើម្បីរៀនភាសា ខណៈដែលពួកគេបម្រើជាអ្នកផ្សព្វផ្សាយសាសនា ។
អូរីតូ បាននិយាយថា « ខ្ញុំខ្លាចការរៀនភាសាអង់គ្លេសណាស់ ។ ប៉ុន្តែយូរៗទៅខ្ញុំដឹងថា បើខ្ញុំចង់ចេះនិយាយភាសាអង់គ្លេសបានល្អ ខ្ញុំត្រូវតែនិយាយឲ្យបានច្រើន ។ បន្តិចម្ដងៗ [ ព្រះ ]បានប្រទានជំនួយយ៉ាងច្រើនដល់ខ្ញុំ ។ ជំនាញនិយាយភាសាអង់គ្លេសនេះបានជួយខ្ញុំសម្រាប់អនាគតរបស់ខ្ញុំ ។ ខ្ញុំទទួលបានការងារដែលតម្រូវឲ្យនិយាយជាភាសាអង់គ្លេស ។ នោះគឺជាពរជ័យសម្រាប់ខ្ញុំ » ។
លីវីយ៉ា ហ្សានីនី នៅទីក្រុង រីអូ ឌេ ចានីរ៉ូ ក៏បានប្រើកម្មវិធីនេះនៅក្នុងបេសកកម្មរបស់នាងផងដែរ ។
ហ្សានីនី បាននិយាយថា « វាពិបាកណាស់ » ។ ឥឡូវនេះ ខ្ញុំអាចមើលបកទៅក្រោយវិញ ហើយពិតជាមានមោទនភាពចំពោះខ្លួនឯងណាស់ និងមោទនភាពចំពោះការរីកចម្រើនរបស់ខ្ញុំ ។ ខ្ញុំដឹងថា ព្រះស្រឡាញ់ការខិតខំប្រឹងប្រែង ។ តាមរយៈកម្មវិធីEnglishConnect និង BYU–Pathway ខ្ញុំអាចទទួលបានចំណេះដឹងបន្ថែម ពីព្រោះឥឡូវខ្ញុំអាចយល់ភាសាអង់គ្លេស ហើយខ្ញុំអាចសម្រេចបាននូវគោលដៅផ្ទាល់ខ្លួនរបស់ខ្ញុំ ។ ខ្ញុំអាចបង្កើនអាជីពរបស់ខ្ញុំ ហើយខ្ញុំកំពុងសិក្សានៅមហាវិទ្យាល័យ Ensign [ ក្នុងទីក្រុង សលត៍ លេក ] ។
ក្រុមអ្នកហ្វឹកហាត់ចម្រុះជាថ្នាក់ដឹកនាំរៀមច្បងរបស់សាសនាចក្រនៅជុំវិញពិភពលោកដឹងពីការលំបាក និងឥទ្ធិពលនៃការរៀនភាសាអង់គ្លេស ។
ឧទាហរណ៍ អែលឌើរ ធេរី កាសូនហ្គី មុតុមបូ ជាពួកចិតសិបនាក់មានសិទ្ធិអំណាចទូទៅ និងអ្នកនិយាយភាសាបារាំងមកពីសាធារណរដ្ឋប្រជាធិបតេយ្យកុងហ្គោ បានចាប់ផ្តើមរៀនភាសាអង់គ្លេសតាមការអញ្ជើញរបស់ប្រធានបេសកកម្មរបស់គាត់ នៅពេលគាត់បម្រើបេសកកម្មនៅ អាប៊ីដចាន់ កូតឌីវ័រ កាលពីពេលជាយុវជន ។
ពួកអ្នកផ្សព្វផ្សាយសាសនានៅពេលនោះពុំមានកម្មវិធីEnglishConnect នោះទេ ប៉ុន្តែគាត់បាននិយាយថា ចក្ខុវិស័យរបស់ប្រធានបេសកកម្មរបស់គាត់ និងដោយមានជំនួយពីដៃគូបេសកកម្មដែលជួយគាត់ឲ្យចេះនិយាយភាសាអង់គ្លេស ពួកគេបានផ្លាស់ប្តូរជីវិតរបស់គាត់ ។ ឱកាសអាជីពការងារល្អៗបានមកដោយសារគាត់បានរៀនភាសាអង់គ្លេស ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
អែលឌើរ មុតុមបូ ដែលបម្រើជាប្រធាននៃតំបន់អាហ្វ្រិកកណ្តាលនៃសាសនាចក្របានមានប្រសាសន៍ថា « សម្រាប់ខ្ញុំ [ ដៃគូបេសកកម្មរបស់ខ្ញុំ ] គឺជាទេវតាដែលបានបញ្ជូនពីស្ថានលើ ឲ្យមកជួយខ្ញុំអភិវឌ្ឍជំនាញ និងទេពកោសល្យដែលខ្ញុំមិនមាន ។ ប្រសិនបើយើងមានកម្មវិធីEnglishConnect សម្រាប់អ្នកផ្សព្វផ្សាយសាសនា [ នៅពេលនោះ ] នោះខ្ញុំនឹងចូលរៀន ។ វាគឺជាឧបករណ៍ដ៏អស្ចារ្យ ។ ព្រះអម្ចាស់មានព្រះទ័យចង់ឲ្យពួកអ្នកផ្សព្វផ្សាយសាសនារៀនភាសាអង់គ្លេស ព្រោះវានឹងផ្ដល់ឱកាសថ្មី ជាពិសេសលើការសិក្សាអប់រំរបស់ពួកគេផ្ទាល់ បន្ទាប់ពីបេសកកម្ម » ។
អែលឌើរ ខាឡូស អេ ហ្គូដយ ដែលជាអ្នកនិយាយភាសាព័រទុយហ្គាល់ពីកំណើតមកពីប្រទេសប្រេស៊ីល ក៏ជាម្នាក់ដែលបានទទួលប្រយោជន៍ពីការជំរុញរបស់ប្រធានបេសកកម្មខ្លួនឲ្យរៀនភាសាអង់គ្លេស កាលរូបលោកនៅជាយុវជន ។ ការចេះភាសាអង់គ្លេសបានអនុញ្ញាតឲ្យលោកធ្វើការឲ្យក្រុមហ៊ុនអន្ដរជាតិធំៗជាច្រើន ។
អែលឌើរ ហ្គូដយ ដែលដឹកនាំតំបន់អាហ្រ្វិកខាងត្បូងរបស់សាសនាចក្របានមានប្រសាន៍ថា « [ ប្រធានបេសកកម្មរបស់ខ្ញុំ ] បានផ្លាស់ប្ដូរគំនិតខ្ញុំ ឲ្យមើលឃើញអ្វីដែលថ្មី ។ លោកបានផ្តល់ឱកាស និងចក្ខុវិស័យដល់ខ្ញុំស្ដីអំពីរបៀបដែលវានឹងជះឥទ្ធិពលដល់ជីវិតរបស់ខ្ញុំនាពេលអនាគត » ។
អែលឌើរ មុតុមបូ និង អែលឌើរ ហ្គូដយ លើកទឹកចិត្តអ្នកផ្សេងទៀតចាប់យកគ្រប់ឱកាសដើម្បីរៀនភាសាអង់គ្លេស ។
អែលឌើរ មុតុមបូ បានមានប្រសាសន៍ ៖ « សូមកុំចាត់ទុកការរៀនភាសាអង់គ្លេសគ្រាន់តែជាចំណង់ចំណូលចិត្តឡើយ ។ ធ្វើឲ្យវាជាអាទិភាពព្រោះវានឹងជួយអ្នកឲ្យរីកចម្រើន ហើយនឹងបើកទ្វារនៃឱកាសដល់ជីវិតអ្នកផ្ទាល់ ។
ប្រសិនបើយើងចង់ជោគជ័យក្នុងជីវិត ក្នុងឱកាសការងារ ក្នុងអាជីព នោះភាសាអង់គ្លេសនឹងតែងតែជាជំនាញដ៏ចាំបាច់ដែលត្រូវមានជានិច្ច ។ ប្រសិនបើសាសនាចក្រកំពុងផ្តល់អ្វីៗទាំងនេះសម្រាប់អ្នករាល់គ្នា ហេតុអ្វីមិនទទួលយកវាទៅ ? មិនថាអ្នកមានជំនឿសាសនាអ្វីនោះទេ ។ ខ្ញុំគិតថា យើងម្នាក់ៗសុទ្ធតែចង់រីកចម្រើន » ។
អែលឌើរ រ៉ូណល អេ រ៉ាសបាន ក្នុងកូរ៉ុមនៃពួកសាវកដប់ពីរនាក់ បានចែកចាយសារលិខិតស្រដៀងគ្នានេះនៅឯការប្រជុំធម្មនិដ្ឋានជាមួយនិស្សិតនៅក្នុងកម្មវិធី BYU–Pathway Worldwide នាខែធ្នូ ឆ្នាំ២០២៤ ។ បន្ទាប់ពីបានសួរសំណួរជាភាសាអង់គ្លេសពី ញូវតុន ប៊ីសសំបូឡូ មកពីសាធារណរដ្ឋកុងហ្គោ អែលឌើរ រ៉ាសបាន បានគូសបញ្ជាក់អំពីសារៈសំខាន់នៃការចេះភាសាអង់គ្លេសនៅក្នុងពិភពជំនួញ ។
សាវករូបនេះបានមានប្រសាសន៍ ៖ « នៅក្នុងវិស័យជំនួញ ភាសាអង់គ្លេសគឺជាភាសារបស់ពិភពលោក ។ ប្រសិនបើអ្នកចង់មានឱកាសដើម្បីរីកចម្រើន ជាពិសេសក្នុងអាជីពជំនួញ ជាពិសេសឱកាសការងារដែលធ្វើពីចម្ងាយ អ្នកនឹងត្រូវរៀនភាសាអង់គ្លេស » ។
អែលឌើរ រ៉ាសបាន បានសន្យានឹងនិស្សិតទាំងឡាយថា « ប្រសិនបើពួកគេស្តាប់ ហើយធ្វើតាមឱកាសដែលហុចឲ្យនេះ ដើម្បីរៀនភាសាអង់គ្លេស » នោះ « ព្រះអម្ចាស់នឹងប្រទានពរដល់ពួកគេ ហើយនឹងជួយពួកគេស្វែងរកឱកាសបន្ថែមទៀត » ។
សូមចូលទៅកាន់គេហទំព័រកម្មវិធី EnglishConnect.org ដើម្បីចូលរួមក្នុងក្រុម អញ្ជើញមិត្តភក្តិ ឬស្វែងយល់ពីរបៀបចាប់ផ្តើមក្រុម ។