ឆាយ លីនលី ដែលជាកីឡាការនីផ្នែកកីឡាគុនដាវវ័យ ២១ ឆ្នាំ បានឈរលើវេទិកាតំណែងមេដាយ បន្ទាប់ពីបានចូលរួមប្រកួតក្នុងព្រឹត្តិការណ៍កីឡាអាស៊ីអាគ្នេយ៍ ( ស៊ីហ្គេម ) លើកទី ៣២ ដែលធ្វើឡើងចាប់ពីថ្ងៃទី ៥ ដល់ថ្ងៃទី ១៧ ខែ ឧសភា ឆ្នាំ ២០២៣ ។ កីឡាករប្រមាណជា ១២,០០០ នាក់ មកពីប្រទេសចំនួន ១១ ដែលមាន ៣៦ កីឡា បានចូលរួមក្នុងការប្រកួតថ្នាក់តំបន់ ដែលកម្ពុជាធ្វើជាម្ចាស់ផ្ទះ ។ លីនលី ដែលទទួលបានមេដាយសំរឹទ្ធក្នុងវិញ្ញាសាម្នាក់ឯង និងជាក្រុមក្នុងវិញ្ញាសាកីឡាគុនដាវបុរាណបាននិយាយថា « តំណាងប្រទេសរបស់ខ្ញុំក្នុងការប្រកួតនៅទីនេះក្នុងប្រទេសកម្ពុជាគឺជាព្រឹត្តិការណ៍ពិសេសមួយសម្រាប់ខ្ញុំ » ។
សេចក្តីស្រឡាញ់របស់ លីនលី ចំពោះកីឡាគុនដាវបានមានចាប់តាំងពីមិត្តភក្តិរបស់បងស្រីគាត់បានណែនាំឲ្យស្គាល់កាលពីអាយុ ១៤ ឆ្នាំ ។ នាងបាននិយាយថា ៖ « ខ្ញុំគិតថាវាសប្បាយ » ។ « ខ្ញុំបានចាប់ផ្ដើមចូលចិត្តកីឡានេះតាំងពីពេលនោះមក » ។ នាងបានកំណត់ភាពជោគជ័យរបស់នាងដោយសារកត្តាជាច្រើន ដែលរួមមានបំណងប្រាថ្នាប្រកួតរបស់នាងដើម្បីទទួលបានជោគជ័យផងដែរ ។ នាងបាននិយាយថា « ខ្ញុំតែងតែចង់ទទួលបានជ័យជំនះជានិច្ច ។
LInly-Chhay-Cambodia-Fencer,-May-2023.
ឆាយ លីនលី ដែលជាសមាជិកនៃសាសនាចក្រនៃព្រះយេស៊ូវគ្រីស្ទ នៃថ្ងៃចុងក្រោយ ឈ្នះមេដាយសំរឹទ្ធក្នុងការប្រកួតម្នាក់ឯង និងជាក្រុមក្នុងកីឡាគន់ដាវ ក្នុងព្រឹត្តិការណ៍ស៊ីហ្គេម ដែលកម្ពុជាធ្វើជាម្ចាស់ផ្ទះក្នុងខែឧសភា ឆ្នាំ ២០២៣ ។© 2023 by Intellectual Reserve, Inc. All rights reserved.ប៉ុន្តែ លីនលី មានយុទ្ធការលើសពីការដែលចង់ឈ្នះ នាងក៏មានចក្ខុវិស័យ និងវិន័យ និងដឹងពីអ្វីដែលត្រូវមានដើម្បីឈ្នះ ។ កាលវិភាគហ្វឹកហាត់របស់ លីនលី ចាប់ផ្តើមនៅពេលព្រឹកនៅម៉ោង ៥-៩ ព្រឹក ហើយម្តងទៀតចាប់ពីម៉ោង ១-៥ ល្ងាច ដោយហាត់ប្រាំបីម៉ោងក្នុងមួយថ្ងៃ ប្រាំមួយថ្ងៃក្នុងមួយសប្តាហ៍ ។ បន្ថែមពីលើការហាត់ដ៏ខ្លាំងក្លា និងបំណងប្រាថ្នាប្រកួតដើម្បីយកជ័យជំនះ លីនលី បាននិយាយថា « ខ្ញុំចាប់ផ្ដើម ធ្វើបានល្អ ព្រោះខ្ញុំបានដឹងថា ខ្ញុំមិនត្រឹមតែត្រូវរៀនប្រើរាងកាយរបស់ខ្ញុំប៉ុណ្ណោះទេ ប៉ុន្តែខ្ញុំក៏រៀនប្រើគំនិតរបស់ខ្ញុំផងដែរ » ។
លីនលី រាយការណ៍ថា ព្រះក៏ជាប្រភពនៃភាពជោគជ័យផងដែរ ។ « នៅពេលខ្ញុំអធិស្ឋានមុនការប្រកួត ទ្រង់ប្រទានឲ្យខ្ញុំនូវការបំផុសគំនិតដើម្បីដឹងពីរបៀបវាយតម្លៃ និងស្ទង់គូប្រជែងរបស់ខ្ញុំ ។ ទ្រង់ក៏បានប្រទានពរខ្ញុំដោយការលួងលោម ហើយជួយខ្ញុំពេលខ្ញុំមានអារម្មណ៍ធុញថប់ ។ ខ្ញុំក៏មានអារម្មណ៍ធូរស្រាលដែរ ពេលខ្ញុំអានព្រះគម្ពីររបស់ខ្ញុំ » ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ជោគជ័យរបស់ លីនលី មិនមែនគ្មានឧបសគ្គនោះទេ ។ នាងនិយាយថា ៖ « ការហាត់ប្រាំមួយថ្ងៃក្នុងមួយសប្តាហ៍គឺពិបាកណាស់ ។ « ឧបសគ្គដ៏ធំបំផុតមួយរបស់ខ្ញុំគឺពេលខ្លះខ្ញុំមានអារម្មណ៍ខ្ជិល ហើយខ្ញុំត្រូវបានល្បួងមិនឲ្យទៅព្រះវិហារនៅថ្ងៃសម្រាកតែមួយគត់របស់ខ្ញុំ ។ ម៉ាក់ខ្ញុំគឺល្អខ្លាំងណាស់ ។ គាត់គឺជាប្រភពលើកទឹកចិត្តដ៏អស្ចារ្យសម្រាប់ខ្ញុំ ។ ទោះបីជាពេលខ្លះវាពិបាកក្នុងការទៅព្រះវិហារក្តី ក៏ខ្ញុំមានអារម្មណ៍ថា មានការបំផុសគំនិត និងការលើកទឹកចិត្ត នៅពេលដែលខ្ញុំបានស្ដាប់សុន្ទរកថា និងមេរៀនពីអ្នកដឹកនាំរបស់ខ្ញុំ ដែលខ្ញុំអាចយកមកអនុវត្តក្នុងជីវិតរបស់ខ្ញុំ » ។
កីឡាគុនដាវគឺជាកីឡាប្រយុទ្ធដែលមាននៅក្នុងកីឡាអូឡាំពិកតាំងពីបុរាណកាលមក និងបន្តនៅក្នុងព្រឹត្តិការណ៍ពិភពលោកនាពេលបច្ចុប្បន្ននេះ ។ លីនលី ក៏បានប្រកាន់យកប្រពៃណីនេះដែរ ដោយបានស្វែងរកភាពជោគជ័យ និងភាពរីករាយក្នុងវិស័យកីឡា ខណៈដែលនាងបន្តគោលដៅរបស់នាងក្នុងការប្រកួតកីឡាអូឡាំពិកឆ្នាំ ២០២៤ នៅទីក្រុងប៉ារីស ។ នៅពេលដែល លីនលី មិននៅហ្វឹកហាត់ ឬការប្រកួត នាងចូលចិត្តធ្វើម្ហូប លេងបាល់ទាត់ និងដើរលេងជាមួយមិត្តភក្តិរបស់នាង ។
បន្ថែមពីលើគោលដៅរបស់ លីនលី ក្នុងការប្រកួតកីឡាអូឡាំពិកឆ្នាំ ២០២៤ នាងក៏ចង់បម្រើជាអ្នកផ្សព្វផ្សាយសាសនាពេញម៉ោងសម្រាប់សាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយដែរ ។ បច្ចុប្បន្ននេះនាងចូលរួមនៅសាខាកណ្តាលនៃមណ្ឌលភ្នំពេញខាងកើតរបស់សាសនាចក្រ ។ នាងមកពីតំបន់ពោធិ៍ចិនតុង ជាទីដែលនាងរស់នៅជាមួយឪពុករបស់នាងលោក ដួង វ៉ាន់ ហៃ ម្ដាយ វោ ធី ហុង បងប្រុសបីនាក់ និងបងស្រីពីរនាក់ នាងជាកូនទីប្រាំក្នុងគ្រួសារ ។