សាលារៀនចំនួនប្រាំមួយនៅស្រុកប្រាសាទបល្ល័ង្ក ខេត្តកំពង់ធំ នៃប្រទេសកម្ពុជា ទទួលបានការជួសជុល និងរចនាសម្ព័ន្ធថ្មីជាច្រើន រួមទាំងជួសជុលដំបូលថ្មី ឥដ្ឋ ឡដុតសម្រាម បន្ទប់ទឹក និងម៉ាស៊ីនបូមទឹក ក្រោមការបរិច្ចាគពីសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយដើម្បីបញ្ចប់គម្រោងជួសជុលនេះ ។ នៅក្នុងពិធីប្រគល់អគារ ដែលបានធ្វើឡើងនៅថ្ងៃទី ៩ ខែ មករា ឆ្នាំ ២០២៣ អភិបាលស្រុក លោក វណ្ណៈ សុភានិត បានថ្លែងអំណរគុណដល់សាសនាចក្រចំពោះការខិតខំប្រឹងប្រែងរបស់សាសនាចក្រ ។ គម្រោងទាំងនេះត្រូវបានរៀបចំ និងគ្រប់គ្រងដោយពួកអ្នកផ្សព្វផ្សាយសាសនាផ្នែកមនុស្សធម៌មកពីសាសនាចក្រ ។
large-group-with-plaques-in-front-of-school.jpg
សាលារៀនចំនួនប្រាំមួយនៅស្រុកប្រាសាទបល្ល័ង្ក ទទួលបានការកែលម្អ និងរចនាសម្ព័ន្ធថ្មីផ្សេងៗ ក្រោមកិច្ចខិតខំប្រឹងប្រែងរបស់ពួកអ្នកផ្សព្វផ្សាយសាសនាផ្នែកមនុស្សធម៌មកពីសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ ។ អែលឌើរ រ៉ូដ និងស៊ីស្ទើរ ប៉ាទ្រីស៊ីយ៉ា ស្ម៊ីធ ( កណ្ដាល ) ជាមួយអភិបាលស្រុក នាយកផ្នែកអប់រំ និងនាយកធម្មការ និងសាសនា ព្រមទាំងនាយកមកសាលារៀននីមួយៗ ដែលទទួលបានការកែលម្អថ្មីក្នុងពិធីប្រគល់អគារនៅថ្ងៃទី ៩ ខែ មករា ឆ្នាំ ២០២៣ ។© 2023 by Intellectual Reserve, Inc. All rights reserved.ពិធីនេះបានគូសបញ្ជាក់ការបញ្ចប់ការងារជាស្ថាពរនៅសាលារៀនទាំងប្រាំមួយនេះ ។ ក្នុងពិធីនេះមានការអញ្ជើញចូលរួមពីមន្ត្រីរាជការ ដែលមាន អភិបាលស្រុក ប្រធានមន្ទីរអប់រំ និងប្រធានមន្ទីរធម្មការ និងសាសនា ។ នាយកសាលាមកពីសាលារៀននីមួយៗដែលទាក់ទងនឹងគម្រោងជួសជុលនេះបាន មានវត្តមានបន្ថែមលើគ្រូបង្រៀន សិស្សានុសិស្ស និងបុគ្គលិកសាសនាចក្រ ។
ជាដំបូង អែលឌើរ រ៉ូដ ស្ម៊ីធ ជាអ្នកផ្សព្វផ្សាយសាសនាផ្នែកមនុស្សធម៌ ដែលមើលការខុសត្រូវលើគម្រោងសាលាទាំងនេះសម្រាប់សាសនាចក្រ បានថ្លែងទៅកាន់អង្គកម្មវិធី ។ គាត់បានថ្លែងអំណរគុណចំពោះឱកាសជួយលើកកម្ពស់ស្ថានភាព និងឱកាសសិក្សានៅជនបទនៃប្រទេសកម្ពុជា ។ គាត់បានចែកចាយអំណរគុណរបស់គាត់ចំពោះលោកអភិបាល និងនាយកសាលាចំពោះការខិតខំប្រឹងប្រែងរបស់ពួកគាត់ និងជួយសម្រួលដល់គម្រោងនេះ និងបំណងប្រាថ្នារបស់ពួកគាត់ក្នុងការជួយកែលម្អជីវិតរបស់សិស្សានុសិស្ស ។
គាត់បានប្រាប់ដល់សិស្សានុសិស្សថា « ការអប់រំគឺជាគន្លឹះក្នុងការបើកឱកាសដ៏អស្ចារ្យជាច្រើននាពេលអនាគតរបស់ក្មួយៗ » ។ គាត់បានបន្ថែមទៀតថាបើយើងធ្វើខុសក្នុងជីវិតយើងតែងអាចផ្លាស់ប្តូរទិសដៅបានជានិច្ច ។
ស៊ីស្ទើរ ប៉ាទ្រីសៀ ស្ម៊ីធ ជាភរិយារបស់គាត់ និងជាអ្នកផ្សព្វផ្សាយសាសនាជាដៃគូ ក៏បានថ្លែងទៅកាន់អង្គកម្មវិធីផងដែរ ។ គាត់បានមានប្រសាសន៍ថា គាត់ចង់ថ្លែងជាចម្បងទៅកាន់សិស្សស្រីៗនៅក្នុងសាលា ។ ស៊ីស្ទើរ ស្ម៊ីធ បានចែកចាយរឿងកាលពីក្មេងរបស់គាត់អំពីឪពុកគាត់ ដែលផ្ដោតសំខាន់លើការអប់រំសម្រាប់គាត់កាលពីក្មេង ហើយថា គាត់ត្រូវបញ្ចប់ការសិក្សារបស់គាត់ នៅពេលគាត់រៀបការ ។
គាត់បានមានប្រសាសន៍ថា « ការអប់រំគឺដូចជាការបើកបង្អួចដែលក្មួយៗអាចហោះទៅឆ្ងាយតាមដែលក្មួយៗចង់ទៅ ។ យើងមិនដឹងថានឹងមានអ្វីកើតឡើងនាពេលអនាគតនោះទេ ដូច្នេះសូមរៀបចំឲ្យល្អបំផុត ឲ្យអស់ពីលទ្ធភាពក្មួយ សម្រាប់អ្វីដែលនឹងកើតឡើងនៅអនាគតរបស់ក្មួយៗ » ។ សុន្ទរកថារបស់ស៊ីស្ទើរ ស្ម៊ីធ បានបញ្ចប់ដោយការទះដៃ និងអបអរសាទរពីអ្នកចូលរួម ។
- Six-schools-in-the-Prasat-Balang-District-received-renovations-and-various-new-structures.-January-9th,-2023.
- Six-schools-in-the-Prasat-Balang-District-received-renovations-and-various-new-structures.-January-9th,-2023.
- Six-schools-in-the-Prasat-Balang-District-received-renovations-and-various-new-structures.-January-9th,-2023.
- Six-schools-in-the-Prasat-Balang-District-received-renovations-and-various-new-structures.-January-9th,-2023.
- Six-schools-in-the-Prasat-Balang-District-received-renovations-and-various-new-structures.-January-9th,-2023.
- Six-schools-in-the-Prasat-Balang-District-received-renovations-and-various-new-structures.-January-9th,-2023.
- Six-schools-in-the-Prasat-Balang-District-received-renovations-and-various-new-structures.-January-9th,-2023.
- Six-schools-in-the-Prasat-Balang-District-received-renovations-and-various-new-structures.-January-9th,-2023.
- smith-speaking-with-gov.-in-background.jpg
- front-table-hand-over.jpg
- close-up-of-gov-and-smiths.jpg
- Six-schools-in-the-Prasat-Balang-District-received-renovations-and-various-new-structures.-January-9th,-2023.
- Six-schools-in-the-Prasat-Balang-District-received-renovations-and-various-new-structures.-January-9th,-2023.
- group-picture-at-incinerator-high-school.jpg
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
អភិបាលស្រុកបានថ្លែងសុន្ទរកថា ដោយថ្លែងអំណរគុណដល់សាសនាចក្រសម្រាប់កិច្ចខិតខំប្រឹងប្រែងផ្នែកមនុស្សធម៌របស់ពួកគាត់ ក្នុងការជួយសាលារៀននៅក្នុងស្រុក និងសម្រាប់ការងារដែលបានបញ្ចប់ជាស្ថាពរខណៈពេលដែលសិស្សកំពុងសម្រាកពីការសិក្សា ។ លោកក៏បានមានប្រសាសន៍ម្តងទៀតពីសារៈសំខាន់នៃការអប់រំសម្រាប់យុវនារី និងសិស្សានុសិស្សទាំងអស់ ។ អែលឌើរ និងស៊ីស្ទើរ ស៊្មីធ មានក្តីសោមន្សចំពោះការថ្លែងអំណរគុណរបស់អភិបាលស្រុកចំពោះសាសនាចក្រ ផ្នែកមនុស្សធម៌ក្នុងការជួយដល់សិស្សានុសិស្ស និងប្រជាជនកម្ពុជា ។
Six-schools-in-the-Prasat-Balang-District-received-renovations-and-various-new-structures.-January-9th,-2023.
សិស្សានុសិស្សចូលរួមពិធីប្រគល់អគារជួសជុលថ្មីនៅវិទ្យាល័យប្រាសាទបល្ល័ង្ក នាថ្ងៃទី ៩ ខែមករា ឆ្នាំ ២០២៣ ដែលបានទទួលការជួសជុល និងរចនាសម្ព័ន្ធថ្មីផ្សេងៗ ។© 2023 by Intellectual Reserve, Inc. All rights reserved.ជាពិសេស គម្រោងសាលាស្រុកប្រាសាទបល្ល័ង្ក រួមមានការជួសជុលអគារសិក្សា និងការផ្តល់ឡដុតសម្រាមថ្មី ។ សាលាបឋមសិក្សាទួលគ្រើល បានទទួលឡដុតសម្រាមថ្មី និងកន្លែងលាងដៃ ។ សាលាបឋមសិក្សាក្រយា បានទទួលការកែលម្អឡដុតសម្រាម និងជួសជុលអគារថ្មី ។ ឡដុតសម្រាមថ្មីត្រូវបានសាងសង់នៅវិទ្យាល័យក្រយា និងសាលាត្រពាំងថ្មថ្មី ។ សាលាដូងអញ្ចាញទទួលបានឡដុតសម្រាមមួយ កន្លែងលាងដៃ និងម៉ាស៊ីនបូមទឹកថ្មីមួយ ។
នៅចុងបញ្ចប់នៃពិធីនេះ លោកអភិបាលស្រុក និងថ្នាក់ដឹកនាំបានធ្វើការផ្តិតយករូបភាព និងទស្សនកិច្ចគម្រោងដែលបានបញ្ចប់ជាស្ថាពរ ដែលសិស្សានុសិស្ស និងបុគ្គលិកសាលាជាច្រើននឹងប្រើប្រាស់ក្នុងពេលឆាប់ៗនេះ ។