Magazines-at-No-Cost
គ្រួសារទាំងឡាយនៅជុំវិញពិភពលោកនឹងមានសិទ្ធិទទួលការជាវទស្សនាវដ្ដីសាសនាចក្រណាមួយ ឬទាំងអស់ក្នុងពេលឆាប់ៗនេះដោយឥតគិតថ្លៃ ដែលចែកចាយដំណើររឿងរបស់សមាជិក គាំទ្រការសិក្សាដំណឹងល្អដែលផ្តោតលើគេហដ្ឋាន និងរួមបញ្ចូលសារលិខិតថ្មីៗពីសមាជិកនៃគណៈប្រធានទីមួយ ឬកូរ៉ុមនៃពួកដប់ពីររៀងរាល់ខែ ។2023 by Intellectual Reserve, Inc. All rights reserved.សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយកំពុងផ្តល់ការជាវទស្សនាវដ្ដីបោះពុម្ពទាំងបីច្បាប់របស់ខ្លួនដោយឥតគិតថ្លៃ ដែលបច្ចុប្បន្នត្រូវបានបោះពុម្ពជា ៥០ ភាសា និងចែកចាយដល់សមាជិកសាសនាចក្ររាប់លាននាក់នៅទូទាំងពិភពលោក ។
ចាប់ពីថ្ងៃទី ១ ខែសីហា ឆ្នាំ ២០២៣ អ្នកដែលមានគណនីព្រះវិហារ នៅផ្នែកខ្លះនៃពិភពលោកនឹងអាចចុះឈ្មោះដើម្បីជាវទស្សនាវដ្ដីសាសនាចក្រមួយ ឬច្រើនប្រចាំឆ្នាំ ( សម្រាប់មួយគ្រួសារ ) ៖ « លីអាហូណា » ( សម្រាប់មជ្ឈិមវ័យ ) « ដើម្បីកម្លាំងនៃយុវជន » ( សម្រាប់យុវវ័យអាយុពី ១២ ទៅ ១៨ ឆ្នាំ ) និង « ប្រិយមិត្ត » ( សម្រាប់កុមារ ) ។ ប្រព័ន្ធជាវថ្មីនេះនឹងដាក់ឲ្យប្រើប្រាស់នៅទូទាំងពិភពលោកក្នុងរយៈពេលប៉ុន្មានខែខាងមុខនេះ ។ ការជាវដោយឥតគិតថ្លៃនឹងជាការផ្តល់ជូនជាបន្តបន្ទាប់ក្នុងឆ្នាំខាងមុខៗ ។
អែលឌើរ ឌៀថើរ អេហ្វ អុជដូហ្វ នៃកូរ៉ុមនៃសាវកដប់ពីរនាក់បានមានប្រសាសន៍ថា « យើងខិតទៅជិតព្រះយេស៊ូវគ្រីស្ទ នៅពេលយើងចូលរួមយ៉ាងខ្ជាប់ខ្ជួនក្នុងការសិក្សាដំណឹងល្អនៅក្នុងគេហដ្ឋាន ។ សាសនាចក្រចង់ផ្ដល់លទ្ធភាពទទួលបានប្រសាសន៍របស់ព្យាការីកាន់តែច្រើន ហើយយើងមានសេចក្តីរំភើបក្នុងការធ្វើឲ្យទស្សនាវដ្ដីសាសនាចក្រដែលបានបោះពុម្ពអាចប្រើបានដោយឥតគិតថ្លៃ » ។
សាសនាចក្របានបោះពុម្ពប្រសាសន៍របស់ព្យាការីដែលមានជីវិត ហើយបានជួយសមាជិកឲ្យយល់ពីដំណឹងល្អនៃព្រះយេស៊ូវគ្រីស្ទ តាមរយៈទស្សនាវដ្ដី និងការបោះពុម្ពផ្សាយផ្សេងទៀត ចាប់តាំងពីទសវត្សរ៍ឆ្នាំ ១៨៣០ មកម្ល៉េះ ។
នៅប៉ុន្មានឆ្នាំថ្មីៗនេះ ទស្សនាវដ្ដីសាសនាចក្របានឆ្លងកាត់ការផ្លាស់ប្តូរសំខាន់ៗ ដើម្បីគាំទ្រសមាជិកក្នុងកិច្ចខិតខំប្រឹងប្រែងរបស់ពួកគេដើម្បីរៀន និងរស់នៅតាមដំណឹងល្អរបស់ព្រះយេស៊ូវគ្រីស្ទ ហើយមាតិការបស់ទស្សនាវដ្តីសាសនាចក្របានធ្វើឲ្យមានលក្ខណៈកាន់តែងាយស្រួលសម្រាប់សមាជិកទូទាំងពិភពលោក ។ នៅឆ្នាំ ២០២១ សាសនាចក្របានចាប់ផ្តើមបោះពុម្ពទស្សនាវដ្តីរបស់ខ្លួនសម្រាប់ក្រុមអាយុនីមួយៗជាច្រើនភាសា ឥឡូវនេះទស្សនាវដ្តីទាំងនេះមានប្រមាណជា ៥០ ភាសា ទាំងទម្រង់បោះពុម្ព និងជាឌីជីថល ។ មានភាសាបន្ថែមទៀតជាឌីជីថល ។
Magazines-at-No-Cost
នៅខែមករា ឆ្នាំ ២០២១ សាសនាចក្របានចាប់ផ្ដើមបោះពុម្ពទស្សនាវដ្ដីសាកលចំនួនបី ៖ លីអាហូណា ប្រិយមិត្ត និងដើម្បីកម្លាំងនៃយុវជន ។2023 by Intellectual Reserve, Inc. All rights reserved.ទស្សនាវដ្តី « លីអាហូណា » សម្រាប់មជ្ឈិមវ័យ ដែលរំលេចនូវការបង្រៀន និងការបម្រើរបស់ថ្នាក់ដឹកនាំសាសនាចក្រ ចែកចាយអត្ថបទបំផុសគំនិតដែលបង្ហាញពីរបៀបអនុវត្តតាមគោលការណ៍នៃដំណឹងល្អ គាំទ្រការរៀនដំណឹងល្អនៅឯគេហដ្ឋាន និងផ្តល់ការយល់ដឹងអំពីប្រធានបទនៃព្រះគម្ពីរ ។
ទស្សនាដ្តី « ដើម្បីកម្លាំងនៃយុវជន » មានសារលិខិតលើកស្ទួយខាងវិញ្ញាណពីសាវក និងថ្នាក់ដឹកនាំសាសនាចក្រផ្សេងទៀត ទីបន្ទាល់ និងបទពិសោធន៍ពីយុវវ័យទូទាំងពិភពលោក សកម្មភាពសប្បាយៗ និងការបំផុសគំនិត និងកម្លាំងដើម្បីជួយយុវវ័យឲ្យស្វែងរកអំណរក្នុងនាមជាសិស្សរបស់ព្រះយេស៊ូវគ្រីស្ទ ។
ទស្សនាវដ្តី « ប្រិយមិត្ត » អញ្ជើញកុមារទូទាំងពិភពលោកឲ្យធ្វើតាមព្រះយេស៊ូវគ្រីស្ទ ។ ច្បាប់នីមួយៗមានដំណើររឿងព្រះគម្ពីរ សារលិខិតដែលមានអត្ថប្រយោជន៍ដល់កុមារពីព្យាការី និងថ្នាក់ដឹកនាំសាសនាចក្រផ្សេងទៀត មានល្បែងកំសាន្ត និងទំព័រផាត់ពណ៌ និងដំណើររឿងរបស់កុមារទូទាំងពិភពលោកដែលកំពុងដាក់សេចក្តីជំនឿរបស់ពួកគេលើព្រះអង្គសង្គ្រោះ ។
គណៈប្រធានទីមួយបានថ្លែងនៅក្នុងលិខិតចុះក្នុងឆ្នាំ ២០២០ ទៅកាន់ពួកបរិសុទ្ធនៅទូទាំងពិភពលោក ៖ « ទស្សនាវដ្តីសាសនាចក្រគឺជាធនធានដ៏មានតម្លៃសម្រាប់ការរៀនសូត្រអំពីដំណឹងល្អនៃព្រះយេស៊ូវ គ្រីស្ទ និងការមានអារម្មណ៍ថាជាសមាជិកនៅក្នុងសាសនាចក្ររបស់ទ្រង់ ។ បំណងប្រាថ្នារបស់យើងគឺថា សមាជិកគ្រប់ទីកន្លែងនឹងជាវ ហើយស្វាគមន៍ដល់ឥទ្ធិពលដ៏ទ្រទ្រង់សេចក្តីជំនឿនេះចូលដល់ដួងចិត្ត និងគេហដ្ឋានរបស់ពួកគេ ។
ប្រធានសមាគមសង្រ្គោះទូទៅ ប្រធាន ខាំមៀល អិន ចនសុន បានមានប្រសាសន៍ថា « នៅពេលខ្ញុំអានដំណើររឿងរបស់សមាជិកនៅជុំវិញពិភពលោក ខ្ញុំចូលចិត្តមើលឃើញពីរបៀបដែលយើងជាព្រះវិហារសាកល ទាំងអស់គ្នាកសាងនគររបស់ព្រះជាមួយគ្នា ។ វាជួយខ្ញុំឲ្យមានអារម្មណ៍កាន់តែជិតស្និទ្ធនឹងបងប្អូនប្រុសស្រីរបស់ខ្ញុំដែលប្រហែលជារស់នៅឆ្ងាយ » ។
បន្ទាត់ពេលវេលាដែលមានទស្សនាវដ្តីទាំងនេះ
ចាប់ពីថ្ងៃទី ១ ខែសីហា ឆ្នាំ ២០២៣ ក្រុមគ្រួសារនៅតំបន់អាស៊ីខាងជើង និងអាមេរិកខាងជើងខាងលិចរបស់សាសនាចក្រ នឹងអាចជាវទស្សនាវដ្ដីសាសនាចក្រតាមជម្រើសរបស់ពួកគេដោយឥតគិតថ្លៃ ។ ប្រព័ន្ធនៃការជាវដោយឥតគិតថ្លៃសម្រាប់តំបន់ប្រេស៊ីលត្រូវបានពន្យារពេល ហើយនឹងត្រូវបានចេញផ្សាយនៅពេលក្រោយ ។
ចាប់ផ្តើមនៅថ្ងៃទី ១ ខែធ្នូ ឆ្នាំ ២០២៣ ក្រុមគ្រួសារនៅអាហ្រ្វិកកណ្តាល អាហ្វ្រិកខាងត្បូង, អាហ្វ្រិកខាងលិច, អាស៊ី, ការ៉ាប៊ីន, អាមេរិកកណ្តាល, អឺរ៉ុបកណ្តាល, អឺរ៉ុបខាងកើត, អឺរ៉ុបខាងជើង, ម៉ិកស៊ិក, មជ្ឈិមបូព៌ា ឬអាហ្វ្រិកខាងជើង, ប៉ាស៊ីហ្វិក, ហ្វីលីពីន, អាមេរិកខាងត្បូង, ភាគពាយ័ព្យ និងតំបន់អាមេរិកខាងត្បូងភាគខាងត្បូង អាចជាវបាន ។
ក្រុមគ្រួសារនៅតំបន់អាមេរិកខាងជើងភាគកណ្តាល, អាមេរិកខាងជើងភាគឦសាន, អាមេរិកខាងជើងភាគអាគ្នេយ៍, អាមេរិកខាងជើងភាគនិរតី និងតំបន់យូថាហ៍ អាចអាវបានចាប់ពីថ្ងៃទី ១ ខែកុម្ភៈ ឆ្នាំ ២០២៤ នេះតទៅ ។
អ្នកជាវនឹងទទួលបានទស្សនាវដ្ដីដំបូងរបស់ពួកគេពីប្រាំមួយទៅប្រាំបីសប្តាហ៍បន្ទាប់ពីការជាវ ។ ច្បាប់ទស្សនាវដ្តីបច្ចុប្បន្នបន្ថែមទៀតអាចរកទិញបាននៅហាង ChurchofJesusChrist.org ឬនៅហាងលក់រាយផ្សេងៗ ។ ច្បាប់មុនៗអាចរកបានជាឌីជីថលនៅក្នុងបណ្ណាល័យដំណឹងល្អ ។
របៀបបញ្ជាទិញទស្សនាវដ្តី
Magazines-at-no-cost
គ្រប់គ្រងការជាវដើម្បីបោះពុម្ពទស្សនាវដ្តីនៅលើគេហទំព័រ MagazineSubscriptions.ChurchofJesusChrist.org ។ ជ្រើសរើសទស្សនាវដ្តីមួយណាដែលអ្នកចង់បាន ហើយបំពេញព័ត៌មានបន្ថែមតាមតម្រូវការ ។ រូបថតអេក្រង់ពីទំព័រវិបសាយជាវទស្សនាវដ្តី ។2023 by Intellectual Reserve, Inc. All rights reserved.សមាជិកពេញវ័យនៃគ្រួសារមួយអាចគ្រប់គ្រងការជាវនៅគេហទំព័រ MagazineSubscriptions.ChurchofJesusChrist.org ចូលដោយប្រើគណនីសាសនាចក្រ ។ អស់អ្នកដែលគ្មានគណនីសាសនាចក្រ អាចចុះឈ្មោះដើម្បីទទួលគណនីដោយឥតគិតថ្លៃនៅគេហទំព័រ account.ChurchofJesusChrist.org។
សូមចុចប៊ូតុង « ជាវ » នៅជាប់រូបភាពទស្សនាវដ្តី និងការពិពណ៌នាសម្រាប់ការជាវទស្សនាវដ្តីដែលបានបោះពុម្ព ។ សូមបំពេញអាសយដ្ឋានដឹកជញ្ជូន និងភាសាដែលអ្នកចង់បាននៅខាងក្រោមទំព័រនេះ ។
ដើម្បីចុះឈ្មោះដើម្បីទទួលបានការជូនដំណឹងតាមអ៊ីមែលប្រចាំខែ នៅពេលដែលទស្សនាវដ្តីថ្មីចេញផ្សាយនៅលើអនឡាញ សូមជ្រើសរើសទស្សនាវដ្តីឌីជីថលដែលចង់បាននៅក្រោម « អ៊ីមែលសម្រាប់ទស្សនាវដ្តីអនឡាញ » ។
ក្រុមប្រឹក្សាវួដអាចចុះឈ្មោះសម្រាប់កុមារ និងយុវវ័យដែលមិនមានឪពុកម្តាយមកព្រះវិហារជាមួយពួកគេ ក៏ដូចជាសម្រាប់សមាជិកដែលត្រូវការជំនួយបន្ថែមផងដែរ ។ មិនយូរប៉ុន្មាន ថ្នាក់ដឹកនាំអាចធ្វើដូចនេះបានដោយចូលទៅកាន់របាយការណ៍ធនធានថ្នាក់ដឹកនាំ និងស្មៀន ( ធ.ថ.ស ) ហើយបន្ទាប់មកជាវទស្សនាវដ្តីនោះ ។ ការជាវសម្រាប់ក្រុមទាំងនេះនឹងទាមទារការអនុញ្ញាតពីសមាជិកដែលត្រូវការជំនួយបន្ថែម និងពីឪពុកម្តាយរបស់កុមារ ។
សូមមើលទំព័រសំណួរ ស.ស.ញ.នេះ សម្រាប់សំណួរដែលមានចម្លើយបន្ថែមអំពីការជាវនានា ។
