នៅថ្ងៃទី ១២ ខែធ្នូ ឆ្នាំ ២០២៣ លោកស្រី មាស សេរីវរល័ក្ខ ជានាយករងនៃមណ្ឌលសុខភាពធ្លាប្រជុំ បានរៀបចំពិធីជួបជុំភ្ញៀវកិត្តិយស និងបុគ្គលិកមណ្ឌលសុខភាពដែលមានប្រមាណជា ៣០ នាក់ ដើម្បីអបអរសាទរការបញ្ចប់ការសាងសង់និងការកែលម្អអគារសម្ពពថ្មីរបស់ខ្លួន ដែលជាការបរិច្ចាគមកពី សាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ ។
DSCF3094.jpg
លោកស្រីមាស សេរីវរល័ក្ខ នាយករងមណ្ឌលសុខភាពធ្លាប្រជុំ ( ឆ្វេង ) និងលោក សូ ទូច ប្រធានមណ្ឌលសុខភាព សម្តែងការដឹងគុណចំពោះមូលនិធិរបស់សាសនាចក្រ និងការគ្រប់គ្រងគម្រោងដែលបានធ្វើអគារថ្មីអាចកើតឡើងបាន ។ © 2023 by Intellectual Reserve, Inc. All rights reserved.ភ្ញៀវកិត្តិយសបានអង្គុយនៅក្រោមអគារសម្ពពថ្មីនោះ ដែលឥឡូវនេះផ្តល់ជាកន្លែងសម្រាប់ការប្រជុំបុគ្គលិក និងការជួបជុំផ្សេងទៀត ។ នៅជាប់នឹងតំបន់នេះគឺជាផ្លូវជម្រាលដែលនាំឡើងទៅកាន់អគារសម្ពពថ្មីនោះ ។ អគារនេះត្រូវបានកែលម្អដោយមានជញ្ជាំងលាបពណ៌ថ្មីៗ និងកៅអីសម្រាប់បន្ទប់រង់ចាំ ។ គួរកត់សម្គាល់ថា អគារថ្មីនេះរួមមានបន្ទប់សម្រាលថ្មីដែលនៅជាប់នឹងបន្ទប់សង្គ្រោះ ដែលធ្វើឲ្យការថែទាំស្ត្រីមានផ្ទៃពោះនៅឃុំធ្លាប្រជុំមានភាពប្រសើរឡើង ។
លោកស្រី មាស សេរីវរល័ក្ខ បានណែនាំឲ្យស្គាល់លោក សូ ទូច ប្រធានមណ្ឌលសុខភាព ។ គាត់បានអរគុណដល់សាសនាចក្រសម្រាប់តួនាទីសំខាន់របស់ខ្លួនក្នុងការសាងសង់អគារនោះ ដែលផ្តល់អត្ថប្រយោជន៍ដល់បុគ្គលិកក្នុងមណ្ឌលសុខភាពចំនួន ៦០ នាក់ និងប្រជាជានចំនួន ៦,០០០ នាក់ ។
- DSCF2630.jpg
- DSCF2586.jpg
- DSCF2572.jpg
- DSCF2569.jpg
- DSCF2564.jpg
- DSCF2556.jpg
- DSCF2561.jpg
- DSCF2566.jpg
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
លោក វង្ស សារ៉ា ប្រធានការិយាល័យប្រតិបត្តិស្រុកកោះអណ្តែត បានសម្តែងការពេញចិត្តយ៉ាងខ្លាំងចំពោះអគារថ្មីនេះ ។ លោកបានមានប្រសាសន៍ថា « ឥឡូវនេះ សូម្បីតែអ្នករស់នៅក្រៅស្រុករបស់យើងក៏អាចទទួលបានអត្ថប្រយោជន៍ពីអគារថ្មីនេះដែរ » ។ « យើងត្រូវថែទាំអគារនេះ ដើម្បីវាអាចជួយសហគមន៍របស់យើងទាំងពេលបច្ចុប្បន្ន និងអនាគត » ។ មណ្ឌលនេះគឺជាមណ្ឌលមួយក្នុងចំណោមមណ្ឌលទាំង ១២ ដែលបម្រើអ្នកស្រុកចំនួន ១០០,០០០ នាក់ ។
DSCF2673.jpg
លោក វង្ស សារ៉ា ប្រធានការិយាល័យប្រតិបត្តិស្រុកកោះអណ្តែត ខេត្តតាកែវ ថ្លែងទៅកាន់អ្នកចូលរួមដែលបានជួបជុំគ្នាអបអរសាទរដល់ការបញ្ចប់គម្រោងនៅមណ្ឌលសុខភាពធ្លាប្រជុំថ្មី ។© 2023 by Intellectual Reserve, Inc. All rights reserved.អែលឌើរ រីឆាដ ហ្គើឡាច ជាអ្នកស្ម័គ្រចិត្តផ្នែកមនុស្សធម៌ម្នាក់របស់សាសនាចក្រ ដែលគ្រប់គ្រងគម្រោងនេះ បានថ្លែងអំណរគុណដល់ភរិយារបស់គាត់ គឺស៊ីស្ទើរ ផាទ្រីយ៉ា ហ្គើឡាច សម្រាប់ភាពជាដៃគូ និងក្រមសីលធម៌ការងាររបស់គាត់ ។ គាត់បានរំឭកអ្នកចូលរួមថា សាសនាចក្រនេះគឺជាសាសនាចក្រដែលមាននៅទូទាំងពិភពលោកដែលមានការបរិច្ចាគមកពីសមាជិកគ្រប់មជ្ឈដ្ឋាន ។ ទាំងអ្នកមាន និងអ្នកក្រ ទាំងអស់គ្នាស្ម័គ្រចិត្តបរិច្ចាគនូវអ្វីដែលពួកគេអាចធ្វើបាន ដើម្បីជួយ « ដល់អស់អ្នកណាដែលត្រូវការ...ជំនួយ... ហើយនឹងពុំទ្រាំឲ្យអ្នកសុំទាន មកសុំដោយគ្មានបានផលអ្វី តែបណ្ដេញគាត់ចេញឲ្យវិនាសបង់ឡើយ » ។ ( ព្រះគម្ពីរមរមន ម៉ូសាយ ៤:១៦ )
DSCF2807.jpg
លោក រ័ត្ន ច័ន្ទសុភា ប្រធានសមាគមនិកាយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយនៅកម្ពុជា ថ្លែងទៅកាន់អ្នកចូលរួមដែលបានជួបជុំគ្នាអបអរសាទរដល់ការបញ្ចប់គម្រោងមណ្ឌលសុខភាពធ្លាប្រជុំ ។ © 2023 by Intellectual Reserve, Inc. All rights reserved.លោក រ័ត្ន ច័ន្ទសុភា ប្រធានសមាគមនិកាយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយនៅកម្ពុជា បានគូសបញ្ជាក់ជាថ្មីពីអ្វីដែលអែលឌើរ ហ្គើឡាច បានលើកឡើង ។ គាត់បានបញ្ជាក់ថា សាសនាចក្រដែលនាពេលបច្ចុប្បន្ននេះមានវត្តមានក្នុង១៨៨ ប្រទេស មានសមាគមរបស់ខ្លួនមួយនៅក្នុងប្រទេសកម្ពុជាតាំងពីឆ្នាំ ១៩៩៤ មកម្ល៉េះ ។ « ការបរិច្ចាគជាថវិកា និងពេលវេលាដើម្បីធ្វើឲ្យអគារនេះកើតឡើង គឺបានមកពីមិត្តភក្តិ និងក្រុមគ្រួសារដែលនៅទូទាំងពិភពលោក » ។ គាត់បានបន្ថែមថា « ក្នុងនាមជាអ្នកដើរតាមព្រះយេស៊ូវគ្រីស្ទ យើងត្រូវបានបង្រៀនឲ្យស្រឡាញ់អ្នកដទៃ ហើយអគារនេះជាការបង្ហាញពីសេចក្ដីស្រឡាញ់នោះ » ។
DSCF2852.jpg
លោក រ័ត្ន ច័ន្ទសុភា ប្រធានសមាគមនិកាយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយនៅកម្ពុជា ថ្លែងទៅកាន់អ្នកចូលរួមដែលបានជួបជុំគ្នាអបអរសាទរដល់ការបញ្ចប់គម្រោងមណ្ឌលសុខភាពធ្លាប្រជុំ ។© 2023 by Intellectual Reserve, Inc. All rights reserved.ពិធីនេះបានបញ្ចប់ដោយការមានប្រសាសន៍មកពីលោក ប៉ាក់ សុខា ជំទប់ទី ១ នៃឃុំធ្លាប្រជុំ ។ « នៅពេលថ្នាក់ដឹកនាំមណ្ឌលសុខភាពមករកខ្ញុំ ខ្ញុំបានណែនាំពួកគាត់ឲ្យស្គាល់លោកសុភា ។ សាសនាចក្របានផ្ដល់ជំនួយដ៏ធំក្នុងការកសាងអគារថ្មីនេះ។ បងប្អូនអាចមើលឃើញគុណភាពខ្ពស់នៃការងារនេះ » ។
DSCF2930.jpg
លោក ប៉ាក់ សុខា ជំទប់ទី១ ឃុំទឹកថ្លា ខេត្តតាកែវ ថ្លែងទៅកាន់អង្គប្រជុំ អបអរសាទរដល់ការបញ្ចប់អគារថ្មី នៃមណ្ឌលសុខភាពក្នុងមូលដ្ឋាននេះ ។© 2023 by Intellectual Reserve, Inc. All rights reserved.គាត់បានសម្តែងការដឹងគុណដែលអ្នកជំងឺដែលពីមុនត្រូវធ្វើដំណើរផ្លូវឆ្ងាយសម្រាប់ការថែទាំសុខភាព ឥឡូវនេះអាចទទួលបានការព្យាបាលប្រកបដោយគុណភាពខ្ពស់នៅក្នុងអគារថ្មី ហើយចំណាយតិច ។ បុគ្គលិកមណ្ឌលសុខភាពបានបញ្ចប់ព្រឹត្តិការណ៍ដោយផ្ដល់ជូនវិញ្ញាបនបត្រសរសើរចំពោះអ្នករួមចំណែកដល់គម្រោងនេះ ។