20251004_101125_LNilsson_LES12143.JPG
ប្រធាន ដាល្លិន អេក អូក ក្នុងកូរ៉ុមនៃពួកសាវកដប់ពីរនាក់ ថ្លែងសុន្ទរកថាទីមួយអំឡុងសម័យប្រជុំព្រឹកថ្ងៃសៅរ៍នៃសន្និសីទទូទៅ នៅមជ្ឈមណ្ឌលសន្និសីទក្នុងទីក្រុង សលត៍ លេក រដ្ឋយូថាហ៍ នាថ្ងៃទី៤ ខែតុលា ឆ្នាំ២០២៥ ។2025 by Intellectual Reserve, Inc. All rights reserved.ប្រធាន ដាល្លិន អេក អូក បានបើកសម័យប្រជុំព្រឹកថ្ងៃសៅរ៍នៃសន្និសីទទូទៅ ខែតុលា ឆ្នាំ២០២៥ របស់សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ជាមួយនឹងការដឹងគុណខ្លីមួយចំពោះប្រធាន រ័សុល អិម ណិលសុន ដែល បានទទួលមរណភាព នាថ្ងៃទី២៧ ខែកញ្ញា ។
ប្រធាននៃកូរ៉ុមនៃពួកសាវកដប់ពីរនាក់ បានមានប្រសាសន៍នាថ្ងៃទី៤ ខែតុលា ថា « ខ្ញុំស្រឡាញ់ប្រធាន រ័សុល អិម ណិលសុន ហើយខ្ញុំបានរៀនបន្ថែមទៀតអំពីដំណឹងល្អ និងការដឹកនាំដំណឹងល្អពីចំណងមិត្តភាព និងទំនាក់ទំនងដ៏យូរអង្វែងរបស់ខ្ញុំជាមួយលោក ច្រើនជាងមនុស្សផ្សេងទៀតដែលខ្ញុំបានស្គាល់ផ្ទាល់ខ្លួន » ។ « លោកគឺជាគំរូរបស់យើងទាំងអស់គ្នាក្នុងនាមជាអ្នកបម្រើ និងជាអ្នកដើរតាមព្រះអម្ចាស់យេស៊ូវគ្រីស្ទ » ។
ថ្លែងចេញពីមជ្ឈមណ្ឌលសន្និសីទនៅឯវិសាលដ្ឋានព្រះវិហារបរិសុទ្ធក្នុងទីក្រុង សលត៍ លេក រដ្ឋយូថាហ៍ ប្រធាន អូក បានថ្លែងថា វាជាលើកដំបូងក្នុងរយៈពេល៧៥ឆ្នាំ ដែលប្រធានសាសនាចក្របានទទួលមរណភាពនៅពីរបីថ្ងៃមុនសន្និសីទទូទៅ ។
ដោយកត់សម្គាល់ពីរបៀបដែលប្រធាន ណិលសុន យល់ពីតម្លៃនៃសន្និសីទទូទៅ លោកបានមានប្រសាសន៍ថា « យើងទាំងអស់គ្នាផ្ដល់ការគោរពដល់លោកដោយការធ្វើតាមកាលវិភាគសន្និសីទដែលបានគ្រោងទុក » ដោយពន្យល់ថា ការគោរពដឹងគុណដ៏យូរអង្វែងសម្រាប់អ្នកដឹកនាំជាទីស្រឡាញ់នឹងត្រូវបានពន្យារពេលសម្រាប់ ពិធីបុណ្យសព ដែលគ្រោងនឹងធ្វើឡើងនៅថ្ងៃអង្គារ ទី៧ ខែតុលា ។
អែលឌើរ ហែនរី ប៊ី អាវរិង ក្នុងកូរ៉ុមនៃពួកសាវកដប់ពីរនាក់ បានដឹកនាំសម័យប្រជុំនេះ ។ លោកបានពន្យល់ពីរបៀបដែលគណៈប្រធានទីមួយត្រូវបានរំលាយ បន្ទាប់ពីមរណភាពរបស់ព្យាការី ហើយលោក និងប្រធាន អូក នឹងត្រឡប់ទៅតំណែងពួកលោកម្ដងទៀតក្នុងនាមជាសមាជិកក្នុងកូរ៉ុមនៃពួកសាវកដប់ពីរនាក់ផ្អែកលើភាពជាសិស្សច្បងរបស់ខ្លួននៅក្នុងកូរ៉ុម ។ លោកក៏បានប្រកាសឈ្មោះសម្រាប់ការគាំទ្រពួកអ្នកមានសិទ្ធិអំណាចទូទៅ និងពួកអ្នកកាន់តំណែងទូទៅរបស់សាសនាចក្រផងដែរ សូមកត់សម្គាល់ពី ការហៅពួកចិតសិបនាក់ប្រចាំតំបន់ពីរនាក់ ដែលត្រូវបានហៅអំឡុងសម័យប្រជុំថ្នាក់ដឹកនាំ នាថ្ងៃព្រហស្បតិ៍ ទី២ ខែតុលា ។
20251004_100313_LNilsson_LES12065.JPG
សមាជិកក្នុងកូរ៉ុមនៃពួកសាវកដប់ពីរនាក់អង្គុយនៅខាងមុខសម័យប្រជុំព្រឹកថ្ងៃសៅរ៍នៃសន្និសីទទូទៅ ។2025 by Intellectual Reserve, Inc. All rights reserved.អែលឌើរ ឌៀថើរ អេហ្វ អុជដូហ្វ ក្នុងកូរ៉ុមនៃពួកសាវកដប់ពីរនាក់ ជាអ្នកថ្លែងសុន្ទរកថាបញ្ចប់នៃសម័យប្រជុំបានបង្រៀនថា អ្នកដែលដាក់សេចក្តីសង្ឃឹម និងសេចក្ដីជំនឿរបស់ពួកគេលើព្រះគ្រីស្ទ ត្រូវបានប្រទានពរឲ្យទទួលបានកម្លាំង អំណាច និងព្រះគុណដ៏បរិបូររបស់ទ្រង់ ។
លោកបានមានប្រសាសន៍ថា « សេចក្ដីជំនឿទៅលើព្រះយេស៊ូវគ្រីស្ទគឺជាអំណោយទានមួយ ប៉ុន្តែការទទួលបានវា គឺជាជម្រើសដោយមានមនសិការ ដែលតម្រូវឲ្យមានការតាំងចិត្ត ‹ អស់ពីពលំ អស់ពីគំនិត និងអស់ពីកម្លាំង › របស់យើង ។ វាគឺជាការអនុវត្តប្រចាំថ្ងៃ » ។ « វាត្រូវការការរៀនសូត្រ និងការតាំងចិត្តដ៏មុតមាំយ៉ាងខ្ជាប់ខ្ជួន ។ សេចក្តីជំនឿ ភក្ដីភាពរបស់យើងចំពោះព្រះអង្គសង្គ្រោះ ប្រែជាមានកាន់តែខ្លាំងឡើង នៅពេលដែលវាសាកល្បងទប់ទល់នឹងការផ្ទុយ ដែលយើងប្រឈមមុខនៅក្នុងជីវិតរមែងស្លាប់នេះ ។ វាបន្ដមុតមាំ ដោយសារតែយើងបន្ដបីបាច់វា យើងបន្ដអនុវត្តវាយ៉ាងសកម្ម ហើយយើងពុំត្រូវចុះចាញ់ឡើយ » ។
អែលឌើរ ហ្គែរី អ៊ី ស្ទីវ៉ែនសុន ក្នុងកូរ៉ុមនៃពួកសាវកដប់ពីរនាក់ បានបង្រៀនថា « ការផ្សះផ្សាគឺជាគុណលក្ខណៈដូចជាព្រះគ្រីស្ទ » ។ ការផ្សះផ្សាចាប់ផ្តើមដំបូងនៅក្នុងដួងចិត្ត បន្ទាប់មកនៅក្នុងគេហដ្ឋាន និងគ្រួសារ ហើយទីបំផុតរីករាលដាលទៅក្នុងស្រុកភូមិ និងសហគមន៍នានា ។
លោកបានមានប្រសាសន៍ថា « ការផ្សះផ្សាទាមទារនូវភាពក្លាហាន និងការចេះសម្របខ្លួន ប៉ុន្តែមិនតម្រូវឲ្យមានការលះបង់គោលការណ៍ណាមួយនោះទេ » ។ « ការផ្សះផ្សាគឺជាការដឹកនាំដោយការបើកចិត្តឲ្យទូលាយ មិនមានចិត្តចង្អៀតចង្អល់ ។ វាគឺជាការខិតទៅជិតគ្នាដោយការជួយយកអាសាគ្នា មិនមែនដោយការខឹងសម្បានោះទេ ។ ... វាត្រូវបានបង្រៀនដោយព្រះយេស៊ូវគ្រីស្ទផ្ទាល់ ដល់ទាំងអ្នកនៅក្នុងព្រះគម្ពីរប៊ីប និងអ្នកនៅក្នុងព្រះគម្ពីរមរមន ។ ការផ្សះផ្សាត្រូវបានបង្រៀនដោយព្យាការីសម័យទំនើប ចាប់តាំងពីថ្ងៃដំបូងនៃការស្តារឡើងវិញរហូតមកដល់សព្វថ្ងៃនេះ » ។
20251004_104346_HWinterton_1207.jpg
ស៊ីស្ទើរ ត្រេស៊ី វ៉ាយ ប្រោននីង ទីប្រឹក្សាទីពីរក្នុងគណៈប្រធានអង្គការបឋមសិក្សាទូទៅ ថ្លែងក្នុងសម័យប្រជុំព្រឹកថ្ងៃសៅរ៍ ។2025 by Intellectual Reserve, Inc. All rights reserved.ស៊ីស្ទើរ ត្រេស៊ី វ៉ាយ ប្រោននីង ទីប្រឹក្សាទីពីរក្នុងគណៈប្រធានអង្គការបឋមសិក្សាទូទៅ បានមានប្រសាសន៍អំពីអំណាចនៃតន្ត្រីក្នុងការបង្រៀនកុមារអំពីដំណឹងល្អរបស់ព្រះយេស៊ូវគ្រីស្ទ ។
ចម្រៀងអង្គការបឋមសិក្សាបង្រៀនអំពីព្រះជន្ម និងការងារបម្រើរបស់ទ្រង់ ក៏ដូចជាគុណលក្ខណៈរបស់ទ្រង់ ដូចជាសេចក្តីជំនឿ សេចក្តីសង្ឃឹម និងសេចក្ដីសប្បុរស ។ គាត់បានមានប្រសាសន៍ថា « ហើយចម្រៀងដ៏ពិសិដ្ឋបំផុតថ្លែងទីបន្ទាល់អំពីដង្វាយធួនដ៏និរន្តររបស់ទ្រង់ និងសេចក្តីស្រឡាញ់ដែលហូរចេញមកពីទង្វើនៃសេចក្តីសង្គ្រោះនោះ » ។
« ចម្រៀងទាំងនេះមានឥទ្ធិពលនៅជាមួយកុមារពេញមួយជីវិត ដោយការក្លាយជាផ្នែកមួយនៃភាពជាសិស្សរបស់ពួកគេ និងជាវិធីសាមញ្ញមួយសម្រាប់ពួកគេដើម្បីធ្វើទីបន្ទាល់អំពីព្រះអង្គសង្គ្រោះ » ។
អែលឌើរ រ៉ូណល អិម បារសែឡូស ជាពួកចិតសិបនាក់មានសិទ្ធិអំណាចទូទៅ បានលើកទឹកចិត្តអ្នកស្តាប់ឲ្យបង្វែរដួងចិត្តរបស់ពួកគេយ៉ាងពេញលេញទៅកាន់ព្រះ ។
លោកបានមានប្រសាសន៍ថា « ព្រះអង្គសង្គ្រោះបានបង្រៀនថា បើចិត្តរបស់យើងបានបែរទៅរកទ្រង់ទាំងស្រុង ហើយដោយសារពលិកម្មដ៏ធួនរបស់ទ្រង់ នោះយើងអាចទទួលបានពរជ័យនូវកម្លាំង និងអំណោយខាងវិញ្ញាណដែលយើងត្រូវការ ដើម្បីយកឈ្នះលើបញ្ហាប្រឈមនៃជីវិតរមែងស្លាប់របស់យើង ទប់ទល់នឹងការល្បួង ទទួលបានការដឹកនាំ និងការយល់ដឹង និងអំណរ ព្រមទាំងភាពសុខសាន្តនៅក្នុងជីវិតរបស់យើង » ។
អែលឌើរ ប៊្រីក វី អ៊ីរេ ជាពួកចិតសិបនាក់មានសិទ្ធិអំណាចទូទៅ បានមានប្រសាសន៍ថា ការកែលម្អរបៀបដែលយើងទំនាក់ទំនងជាមួយព្រះអាចជួយយើងឲ្យ « មានអារម្មណ៍កាន់តែជ្រួតជ្រាបថា យើងគឺជាបុត្រាបុត្រីរបស់ទ្រង់ » ។
20251004_110249_HWinterton_1794.jpg
អ្នកដែលមានវត្តមាននៅក្នុងមជ្ឈមណ្ឌលសន្និសីទក្នុងទីក្រុង សលត៍ លេក រដ្ឋយូថាហ៍ ច្រៀងទំនុកតម្កើងនៅសម័យប្រជុំព្រឹកថ្ងៃសៅរ៍ ។2025 by Intellectual Reserve, Inc. All rights reserved.លោកបានមានប្រសាសន៍ថា « នៅពេលយើងប្រឈមនឹងបញ្ហានៃជីវិតរមែងស្លាប់ ឬនៅពេលយើងមានអារម្មណ៍ថានរណាម្នាក់កំពុងដាក់ស្លាកយើងដោយសារភាពទន់ខ្សោយរបស់យើង នោះយើងត្រូវឈរឡើងយ៉ាងរឹងមាំនៅក្នុងចំណេះដឹងថាយើងជានរណាឲ្យប្រាកដ » ។ « យើងត្រូវតែស្វែងរកការបញ្ជាក់មកពីព្រះ មិនមែនមកពីមនុស្សដទៃនោះទេ ហើយពេលយើងធ្វើដូច្នោះ យើងក៏អាចប្រកាសយ៉ាងក្លាហានថា ‹ ខ្ញុំជាបុត្រនៃព្រះ › បានដែរ » ។
ដោយនិយាយអំពីមេត្រីភាពជាមួយព្រះ អែលឌើរ ខេលី អរ ចនសុន ជាពួកចិតសិបនាក់មានសិទ្ធិអំណាចទូទៅបានមានប្រសាសន៍ថា « មេត្រីភាពមិនត្រឹមតែនាំមកនូវភាពធូរស្បើយពីអារម្មណ៍ខុសឆ្គងនោះទេ ប៉ុន្ដែក៏នាំមកនូវភាពសុខសាន្ដនៅក្នុងខ្លួនយើង និងជាមួយអ្នកដទៃផងដែរ ។ វាផ្សះផ្សាទំនាក់ទំនង បន្ទន់ដួងចិត្ដ និងពង្រឹងភាពជាសិស្សរបស់យើង ដោយនាំឲ្យមានការកើនឡើងនូវទំនុកចិត្ដនៅចំពោះមុខព្រះ » ។
តន្ត្រីត្រូវបានផ្តល់ដោយក្រុមចម្រៀងរោងឱបោសថនៅឯវិសាលដ្ឋានព្រះវិហារបរិសុទ្ធ ដឹកនាំដោយ ម៉ាក វីលប៊ើក និង រ៉ាយអិន មឺហ្វី និងអមដោយអ្នកលេងព្យ៉ាណូខ្យល់ ប្រាយអែន ម៉ាធៀ និង អាន់ឌ្រូ អាន់ស្វើស ។ អែលឌើរ ខាល ឌី ហឹស្ស និងអែលឌើរ អារ៉ូលដូ ប៊ី កាវ៉ាល់ខេនធេ ដែលលោកទាំងពីរនាក់ជាពួកចិតសិបនាក់មានសិទ្ធិអំណាចទូទៅ បានផ្តល់ការអធិស្ឋាន ។
Individual Talk Summaries (By Speaking Order)
- President Dallin H. Oaks: ‘Introduction’
- Elder Gary E. Stevenson: ‘Blessed Are the Peacemakers’
- Sister Tracy Y. Browning: ‘Tune Your Heart to Jesus Christ: The Sacred Gift of Primary Music’
- Elder Ronald M. Barcellos: ‘The Lord Looketh on the Heart’
- Elder Brik V. Eyre: ‘Know Who You Really Are’
- Elder Kelly R. Johnson: ‘Be Reconciled to God’
- Elder Dieter F. Uchtdorf: ‘Do Your Part With All Your Heart’
