អែលឌើរ ម៉ៃឃល ចន អ៊ុយ ថេ បានគាំទ្រជាពួកចិតសិបនាក់ដែលមានសិទ្ធិអំណាចទូទៅ នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ នៅថ្ងៃទី ៣១ ខែ មីនា ឆ្នាំ ២០០៧ ។ ពីមុនលោកបានបម្រើជាសមាជិកនៃកូរ៉ុមទីបី និងទីប្រាំបីនៃពួកចិតសិបនាក់នៅក្នុងតំបន់ហ្វីលីពីន ។ ក្នុងនាមជាពួកចិតសិបនាក់ប្រចាំតំបន់ លោកក៏បានបម្រើជាទីប្រឹក្សាទីពីរក្នុងគណៈប្រធានតំបន់ហ្វីលីពីនផងដែរ ។ ក្រោយមកលោកបានធ្វើជាប្រធានតំបន់ប្រចាំហ្វីលីពីនពីឆ្នាំ ២០១១ ដល់ឆ្នាំ ២០១៣ ។
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
នៅពេលបម្រើការនៅទីស្នាក់ការកណ្តាលរបស់សាសនាចក្រ លោកបានបម្រើជាជំនួយការប្រចាំតំបន់អាមេរិកខាងជើងភាគនិរតី ជំនួយការនាយកប្រតិបត្តិនៅនាយកដ្ឋានព្រះវិហារបរិសុទ្ធ ប្រធានគណៈកម្មការលើការស្ដារពរជ័យឡើងវិញ និងការលុបចោលការផ្សារភ្ជាប់ និងជាសមាជិក និងថ្នាក់ដឹកនាំនៃគណៈកម្មការការផ្លាស់ប្តូរព្រំដែន ។ បន្ទាប់ពីការចាត់តាំងរបស់លោកនៅតៃវ៉ាន់ លោកបានបម្រើជាទីប្រឹក្សាទីពីរក្នុងគណៈប្រធានតំបន់ហ្វីលីពីនចាប់ពីខែសីហា ឆ្នាំ ២០១៨ ដល់ខែមិថុនា ឆ្នាំ ២០១៩ ។ បច្ចុប្បន្ននេះលោកបម្រើជាទីប្រឹក្សាទីពីរក្នុងគណៈប្រធានតំបន់អាស៊ី ។
អែលឌើរ ថេ បានទទួលបរិញ្ញាបត្រផ្នែករដ្ឋបាលធុរកិច្ច ជំនាញគ្រប់គ្រងធុរកិច្ចពីពីមហាវិទ្យាល័យ De La Salle, College of Saint Benilde ។ នៅអំឡុងការហៅរបស់លោកក្នុងការបម្រើពេញម៉ោងក្នុងសាសនាចក្រ លោកបានបម្រើការជាអ្នកកត់ត្រានៅព្រះវិហារបរិសុទ្ធម៉ានីល ប្រទេសហ្វីលីពីន ។
អែលឌើរ ថេ បានបម្រើនៅក្នុងការហៅជាច្រើនក្នុងសាសនាចក្រ រួមទាំងធ្វើជាអ្នកផ្សព្វផ្សាយសាសនាពេញម៉ោងនៅបេសកកម្មដាវ៉ៅ ហ្វីលីពីន ជាប៊ីស្សព ជាទីប្រឹក្សានៅក្នុងគណៈប្រធានស្តេក ជាទីប្រឹក្សាជាន់ខ្ពស់ ជាទីប្រឹក្សានៅក្នុងគណៈប្រធានបេសកកម្ម និងជាប្រធានបេសកកម្ម តៃជុង តៃវ៉ាន់ ចាប់ពីខែកក្កដា ឆ្នាំ ២០១៦ ដល់ខែមិថុនា ឆ្នាំ ២០១៨ ។
អែលឌើរ ថា បានកើតនៅទីក្រុង ដាវ៉ៅ ដាវ៉ាវ ឌែល ស៊ឺ ប្រទេសហ្វីលីពីន នៅថ្ងៃទី ២៥ ខែ មិថុនា ឆ្នាំ ១៩៦៥ ។ លោកបានរៀបការជាមួយ ហ្គ្រេស៍ មេ វីដុន នៅខែធ្នូ ឆ្នាំ ១៩៨៩ ។ ពួកលោកមានកូនបីនាក់ ។