- Godoy-Young-adult
- Godoy-Young-Adult
- Godoy-Young-Adult
- Godoy-Young-Adult
- Godoy-young-adult
- Godoy-Young-Adult
- Godoy-Young-adult
- Godoy-young-adult
- Godoy-young-adult
- Godoy-young-adult
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
This story appears here courtesy of TheChurchNews.com. It is not for use by other media.
ដោយ ជូអែល រ៉េនដល Church News
ក្រោយបទពិសោធន៍នេះ អែលឌើរ ខាឡូស អេ ហ្គូដយ យល់ឃើញថា ព្រះហស្ដដឹកនាំ និងការពាររបស់ព្រះវរបិតាសួគ៌ដែលពេញដោយក្តីស្រឡាញ់មានវត្តមានពេញមួយជីវិតរបស់លោក ។ លោកមើលត្រឡប់ក្រោយវិញពីការចូលរួមសាសនាចក្រ ហើយធ្លាក់ក្នុងអន្លង់ស្នេហ៍ជាមួយភរិយាលោកគឺ ម៉ូនីកា ជាការណែនាំពីព្រះដែលស្គាល់លោក ហើយយកចិត្តទុកដាក់ចំពោះលោក ។
អែលឌើរ ហ្គូដយ នៃគណៈប្រធាននៃពួកចិតសិបនាក់កាលពីថ្ងៃទី៥ ខែឧសភា បានមានប្រសាសន៍នៅក្នុង ការប្រជុំធម្មនិដ្ឋានទូទាំងពិភពលោកសម្រាប់យុវមជ្ឈិមវ័យ ថា « ប៉ុន្តែពេលនោះ ខ្ញុំមើលមិនឃើញដូច្នេះទេ ។ តែខ្ញុំអាចមើលឃើញវាឥឡូវនេះ ពេលក្រឡេកមើលទៅក្រោយវិញ » ។
អែលឌើរ និងស៊ីស្ទើរ ហ្គូដយ បានចែកចាយ បទពិសោធន៍របស់ពួកលោកកាលពីនៅជាយុវមជ្ឈិមវ័យ —រួមទាំងរបៀបដែលពួកលោកបានជួបគ្នា និងចាប់ផ្ដើមគ្រួសារ—ហើយបានពន្យល់ពីគោលការណ៍ដែលយុវជន និងយុវនារីសព្វថ្ងៃនេះ អាចអនុវត្តដើម្បីមើលឃើញ និងធ្វើតាមការណែនាំរបស់ព្រះអម្ចាស់កាន់តែច្បាស់ នៅពេលធ្វើការសម្រេចចិត្តដ៏សំខាន់ក្នុងជីវិត ។
អែលឌើរ ក្លាក ជី ហ្គីលប៊ឺត ជាពួកចិតសិបនាក់ដែលមានសិទ្ធិអំណាចទូទៅ និងជាអ្នកតំណាងនៃប្រព័ន្ធអប់រំរបស់សាសនាចក្រ និងភរិយារបស់លោក គ្រីស្ទីន បានចូលរួមជាមួយអែលឌើរ និងស៊ីស្ទើរ ហ្គូដយ ។ ជាមួយគ្នា ពួកលោកផ្តល់ការប្រឹក្សាដល់យុវមជ្ឈិមវ័យអំពីប្រធានបទនៃភាពឯកកោ ការដើរលេងជាគូ ថ្នាក់វិទ្យាស្ថាន ការបម្រើ បេសកកម្ម និងអាពាហ៍ពិពាហ៍ ។
ភាពឯកកោ
ក្នុងនាមជាអ្នកប្រែចិត្តជឿថ្មីម្នាក់ ដែលចូលរួមការប្រជុំនៅថ្ងៃអាទិត្យ អែលឌើរ ហ្គូដយ អង្គុយតែម្នាក់ឯងនៅខាងក្រោយសាលាប្រជុំ បន្ទាប់មកត្រឡប់ទៅផ្ទះវិញ បន្ទាប់ពីមានអារម្មណ៍ឯកោ និងបាក់ទឹកចិត្ត ។
ស៊ីស្ទើរ ហ្គូដយ បានមានប្រសាសន៍ថា ៖ « វាពុំស្រួលទេដែលមានអារម្មណ៍ថា យើងត្រូវគេមើលមិនឃើញ ឬគ្មានតម្លៃនោះ ។ សម្រាប់ក្មួយៗដែលមានស្ថានភាពស្រដៀងគ្នានេះ សូមកុំឲ្យអារម្មណ៍នេះសន្ធប់លើក្មួយៗឡើយ ។ ក្មួយៗមិននៅឯកោឡើយ » ។
នោះដោយសារព្រះអង្គសង្គ្រោះស្គាល់ពួកគេ ហើយស្រឡាញ់ពួកគេ ហើយតែងតែនៅទីនោះសម្រាប់ពួកគេ ។ « សូមកុំបោះបង់ការព្យាយាមចូលរួមចំណែកឡើយ ។ ទ្រង់នឹងបញ្ជូនទេវតាឲ្យជួយដល់ក្មួយៗ » ។
អែលឌើរ ហ្គូដយ បានបន្ថែមថា « យើងត្រូវបានចាត់ទុកថាជាពួកទេវតាទាំងនោះ » ។ លោកបានលើកទឹកចិត្តយុវមជ្ឈិមវ័យឲ្យមើលហួសពីរង្វង់មិត្តភក្ដិធម្មតារបស់ពួកគេ ដើម្បីស្វែងរកអ្នកដែលមានអារម្មណ៍ឯកោ ឬត្រូវបានគេបំភ្លេច ។ « សូមផ្តល់ឱកាសដល់ពួកគេ ។ ពួកគេត្រូវការស្នាមញញឹម ការចាប់ដៃ និងមិត្តភាពរបស់ក្មួយ » ។
Godoy-young-adult
យុវមជ្ឈិមវ័យនិយាយមុនពេលអែលឌើរ ខាឡូស អេ ហ្គូដយ នៃគណៈប្រធានពួកចិតសិបនាក់ និងភរិយារបស់លោក ម៉ូនីកា មានប្រសាសន៍នៅក្នុងការប្រជុំធម្មនិដ្ឋានទូទាំងពិភពលោក សម្រាប់ការចាក់ផ្សាយសម្រាប់យុវមជ្ឈិមវ័យចេញពីរោងឧបោសថសលត៍ លេក ទីក្រុង សលត៍ លេក កាលពីថ្ងៃទី៥ ខែឧសភា ឆ្នាំ២០២៤ ។ Copyright 2024 Deseret News Publishing Company.ការដើរលេងជាគូ
នៅពេលអែលឌើរ ហ្គូដយ បានជួបអនាគតភរិយារបស់លោកជាលើកដំបូង វាគឺជាសេចក្តីស្រឡាញ់ឃើញភ្លាមស្រឡាញ់ភ្លែត ។ ប៉ុន្តែសម្រាប់ស៊ីស្ទើរ ហ្គូដយ ការធ្លាក់ក្នុងអន្លង់ស្នេហ៍គឺជាដំណើរការបន្តិចម្តងៗដែលចាប់ផ្តើមពីមិត្តភាព ។
ស៊ីស្ទើរ ហ្គូដយ មានប្រសាសន៍ថា ៖ « សម្រាប់មនុស្សមួយចំនួន វាច្បាស់ និងខ្លាំង ។ សម្រាប់អ្នកដទៃទៀត វាអាចត្រូវចំណាយពេល ការខិតខំ និងការអត់ធ្មត់ច្រើន ។ វានឹងកាន់តែច្បាស់ នៅពេលដែលក្មួយៗបន្តមានទំនាក់ទំនងនេះ ។ សូមកុំបោះបង់ឆាប់ពេក ពេលក្មួយៗគ្មានចំណាប់អារម្មណ៍ខ្លាំងពីដំបូងនោះ ។ បទពិសោធន៍បង្រៀនពួកយើងថា អាពាហ៍ពិពាហ៍ដ៏អស្ចារ្យមួយចំនួនបានចាប់ផ្ដើមតាមរបៀបតូចៗ មួយជំហានម្តងៗ មួយថ្ងៃម្តងៗ » ។
អែលឌើរ ហ្គូដយ បានបន្ថែមថា « ដំណើរការនៃការស្វែងរក ‹ ម្ចាស់ចិត្ត › គឺស្រដៀងគ្នាទៅនឹងដំណើរការនៃការទទួលបានវិវរណៈដែរ ។ ដកស្រង់ពីអែលឌើរ ដេវីឌ អេ បែដណា នៃកូរ៉ុមនៃពួកសាវកដប់ពីរនាក់ ពីខែមេសា ឆ្នាំ២០១១ អែលឌើរ ហ្គូដយ បានមានប្រសាសន៍ថា វិវរណៈ ជួនកាលកើតឡើងភ្លាមៗ ដូចជាការបើកកុងតាក់ភ្លើងដូច្នោះដែរ ខណៈពេលដែលពេលខ្លះ វាមកបន្តិចម្តងៗ ដូចជាពន្លឺពីថ្ងៃរះ ។
ស៊ីស្ទើរ ហ្គូដយ បានមានប្រសាសន៍ថា « យើងក៏អាចនិយាយដូចគ្នាអំពីការទទួលបានការបញ្ជាក់ខាងវិញ្ញាណអំពីដៃគូដ៏អស់កល្បជានិច្ចរបស់យើងដែរ ។ ជាញឹកញាប់ វានឹងកើតឡើងបន្តិចម្តងៗ នៅពេលយើងជួបមនុស្ស ហើយចំណាយពេលជាមួយគ្នា » ។
Godoy-Young-Adult
អែលឌើរ ខាឡូស អេ ហ្គូដយ នៃគណៈប្រធាននៃពួកចិតសិបនាក់ មានប្រសាសន៍ជាមួយយុវមជ្ឈិមវ័យបន្ទាប់ពីការប្រជុំធម្មនិដ្ឋានទូទាំងពិភពលោក សម្រាប់ការចាក់ផ្សាយសម្រាប់យុវមជ្ឈិមវ័យចេញពីរោងឧបោសថសលត៍ លេក ទីក្រុង សលត៍ លេក កាលពីថ្ងៃទី៥ ខែឧសភា ឆ្នាំ២០២៤ ។ Copyright 2024 Deseret News Publishing Company.ថ្នាក់វិទ្យាស្ថាន
ការចូលរៀនថ្នាក់សិក្ខាសាលាគឺជាការសម្រេចចិត្តដ៏សំខាន់មួយសម្រាប់អែលឌើរ ហ្គូដយ កាលពីក្មេង លោកបានរៀបរាប់ថា ជារឿងមួយដែលជះឥទ្ធិពលយ៉ាងខ្លាំងដល់ដំណើរខាងវិញ្ញាណរបស់លោក ។
លោកបានមានប្រសាសន៍ថា « ព្រោះតែការបង្រៀនដំណឹងល្អជាប្រចាំថ្ងៃទាំងនោះ ទើបខ្ញុំអាចពង្រឹងទីបន្ទាល់ផ្ទាល់ខ្លួន ហើយអាចទប់ទល់នឹងការល្បួងពេញមួយថ្ងៃរបស់ខ្ញុំបាន ។ វាបានជួយខ្ញុំឲ្យយល់ថា ខ្ញុំគឺជាកូនរបស់ព្រះ ហើយថាទ្រង់មានផែនការសម្រាប់ខ្ញុំក្នុងជីវិតនេះ » ។
ស៊ីស្ទើរ ហ្គូដយ បានមានប្រសាសន៍ថា លទ្ធផលដូចគ្នា អាចរកបានដោយ ការចូលរៀនថ្នាក់សិក្ខាសាលា ។ « សង្ឃឹមថាក្មួយៗទទួលប្រយោជន៍ពីធនធានដ៏អស្ចារ្យនេះ ។ នៅទីនោះ ក្មួយៗនឹងមិនត្រឹមតែរកឃើញសេចក្ដីពិតនៃដំណឹងល្អប៉ុណ្ណោះទេ ប៉ុន្តែថែមទាំងរកបានមិត្តពិតផងដែរ » ។
ការបម្រើ
កាលពីជាយុវមជ្ឈិមវ័យ អែលឌើរ ហ្គូដយ ត្រូវបានចាត់តាំងជាដៃគូបង្រៀនតាមផ្ទះជាមួយប្រធានយុវជន—ដែលជាឪពុករបស់ស៊ីស្ទើរ ហ្គូដយ ។ យុវជនរូបនោះមិនបានដឹងច្រើនអំពីដំណឹងល្អទេ ប៉ុន្តែដៃគូរបស់គាត់បានទុកចិត្តលើអែលឌើរ ហ្គូដយ ហើយបានផ្តល់ឱកាសដល់លោកឲ្យបង្រៀន ។
លោកបានមានប្រសាសន៍ថា ៖ « ការបម្រើធ្វើឲ្យខ្ញុំមានអារម្មណ៍ថាមានតម្លៃ ។ វាបានរៀបចំខ្ញុំដើម្បីជួយអ្នកដទៃ ហើយជាលទ្ធផល វាបានពង្រឹងទីបន្ទាល់ខ្ញុំ » ។
នៅពេលយុវជម្ឈិមវ័យសព្វថ្ងៃនេះ « ឧស្សាហ៍ចូលរួមក្នុងប្រយោជន៍ល្អ » ( គោលលទ្ធិ និងសេចក្ដីសញ្ញា ៥៨:២៧ ) លោកបានបន្តថា ពួកគេក៏នឹងពង្រឹងទីបន្ទាល់របស់ពួកគេដែរ ។
ស៊ីស្ទើរ ហ្គូដយ បានបន្ថែមថា របៀបមួយដែលយុវមជ្ឈិមវ័យអាចបម្រើបាន គឺការចូលរួមព្រះវិហារបរិសុទ្ធ ។ « ការចូលរួមក្នុងដំណាក់របស់ព្រះអម្ចាស់ជាញឹកញាប់ក៏នាំមកនូវពរជ័យផងដែរ » ។ ដកស្រង់ គោលលទ្ធិ និងសេចក្តីសញ្ញា ៦៤:២ គាត់បានបន្តថា « នៅក្នុងព្រះវិហារបរិសុទ្ធយើងទទួលមេរៀនដើម្បីជួយយើង ‹ ឈ្នះលើលោកិយ › ។
អែលឌើរ ហ្គូដយ បានមានប្រសាសន៍ថា « ខ្ញុំសង្ឃឹមថា ក្មួយៗនឹងចូលរួមយ៉ាងសកម្មក្នុងឱកាសបម្រើទាំងឡាយ ។ វាអាចជាការផ្ដល់ការងារបម្រើ ពង្សប្រវត្តិ ការបម្រើក្នុងព្រះវិហារបរិសុទ្ធ ឬកិច្ចការសាសនាចក្រផ្សេងទៀត ដែលក្មួយអាចបំភ្លេចពីខ្លួនឯង ហើយជួយដល់អ្នកដទៃ ។ វានឹងផ្ដល់ពរដល់ក្មួយ ពង្រឹង និងការពារក្មួយៗ » ។
បេសកកម្ម
ប្រាំមួយខែបន្ទាប់ពីអែលឌើរ ហ្គូដយ បានចាកចេញទៅបម្រើបេសកកម្មពេញម៉ោង ស៊ីស្ទើរ ហ្គូដយ ក៏បានចាកចេញទៅផងដែរ ។ គាត់បានមានប្រសាសន៍ថា « យើងបានឃើញបេសកកម្មជាវិធីដ៏ល្អមួយ ដើម្បីធ្វើឲ្យព្រះអង្គសង្គ្រោះសព្វព្រះទ័យ ហើយរៀបចំខ្លួនយើងសម្រាប់ជីវិតអាពាហ៍ពិពាហ៍របស់យើងផងដែរ » ។
អែលឌើរ ហ្គូដយ បានបន្ថែមថា បេកកម្មរបស់ពួកលោក បាននាំមកនូវសមត្ថភាពថ្មីៗ និងពរជ័យជាច្រើន « រយៈពេលពីរឆ្នាំ ខ្ញុំបានត្រឡប់មកវិញកាន់តែបានរៀបចំខ្លួនសម្រាប់ជីវិត ។ ដោយសារបេសកកម្មរបស់យើង នោះទីបន្ទាល់របស់យើងអំពីព្រះអង្គសង្គ្រោះត្រូវបានពង្រឹង ចំណេះដឹងរបស់យើងអំពីដំណឹងល្អបានកើនឡើង ហើយជំនាញទំនាក់ទំនង និងភាពជាអ្នកដឹកនាំដែលបានរៀននៅទីនោះ បានជួយយើងក្នុងអាជីពរបស់យើងផងដែរ » ។
ទោះជាយ៉ាងណា « យើងមិនគួរវិនិច្ឆ័យអ្នកដែលមានបទពិសោធន៍បេសកកម្មផ្សេង ឬគ្មានបទពិសោធន៍បេសកកម្មទាល់តែសោះនោះទេ » ។ ការបម្រើបេសកកម្ម « វាពុំមែនជាពិធីបរិសុទ្ធនៃដំណឹងល្អទេ ដូច្នេះគ្មានអ្នកណាម្នាក់នឹងពុំមានការរីកចម្រើនក្នុងជីវិតនេះ ឬបាត់បង់ពរជ័យក្នុងភាពអស់កល្បជានិច្ចដោយសារតែវាឡើយ » ។
អាពាហ៍ពិពាហ៍
យុវមជ្ឈិមវ័យជាច្រើនមានអារម្មណ៍ថា ពួកគេត្រូវតែបញ្ចប់ការសិក្សា ហើយមានអាជីពដែលមានស្ថេរភាព មុនពេលរៀបការ ។ អែលឌើរ ហ្គូដយ មានប្រសាសន៍ថា ទោះជាយ៉ាងណា នោះវាមិនមែនសុទ្ធតែបែបហ្នឹងនោះទេ ។ « ក្មួយៗត្រូវការរបស់ចាំបាច់ ត្រូវការគ្នា និងត្រូវការព្រះអម្ចាស់នៅក្បែរក្មួយ—អ្វីៗផ្សេងទៀតដែលក្មួយៗអាចសម្រេចបានជាមួយគ្នា នឹងពង្រឹងអាពាហ៍ពិពាហ៍ក្មួយៗ » ។
ស៊ីស្ទើរ ហ្គូដយ បានមានប្រសាសន៍ថា ការបង្កើតអាពាហ៍ពិពាហ៍ជោគជ័យគឺជាដំណើរការមួយ ។ « ជីវិតអាពាហ៍ពិពាហ៍គឺជាបទពិសោធន៍នៃការរៀនសូត្រដែលសង្ឃឹមថានឹងបានកាន់តែល្អប្រសើរនៅពេលយើងចម្រើនទៅមុខ ។ ក្ដីស្រឡាញ់បានមានតាំងពេលចាប់ផ្ដើម ប៉ុន្តែការចុះសម្រុងគ្នាជារៀងរាល់ថ្ងៃគឺបង្កើតឡើងមួយជំហានម្តងៗ » ។
Godoy-young-adult
អែលឌើរ ខាឡូស អេ ហ្គូដយ នៃគណៈប្រធានពួកចិតសិបនាក់ និងភរិយារបស់លោក ម៉ូនីកា មានប្រសាសន៍នៅក្នុងការប្រជុំធម្មនិដ្ឋានទូទាំងពិភពលោក សម្រាប់ការចាក់ផ្សាយសម្រាប់យុវមជ្ឈិមវ័យចេញពីរោងឧបោសថសលត៍ លេក ទីក្រុង សលត៍ លេក កាលពីថ្ងៃទី៥ ខែឧសភា ឆ្នាំ២០២៤ ។Copyright 2024 Deseret News Publishing Company.គាត់បានមានប្រសសន៍ថា វាអាចនឹងមានការលំបាក ដូចជាការឈឺក្បាល ជំងឺ និងការព្រួយបារម្ភអំពីប្រាក់កាក់ ។ « ប៉ុន្តែក្មួយៗដឹងទេ ? ជីវិតគឺវាដូច្នោះ » ។
រឿងមួយប្រាកដណាស់ អែលឌើរ ហ្គូដយ បានមានប្រសាសន៍ថា ៖ « ប្រសិនបើយើងនាំយកដំណឹងល្អរបស់ព្រះយេស៊ូវគ្រីស្ទ មកក្នុងសមីការនេះ នោះជីវិតអាពាហ៍ពិពាហ៍នឹងមានភាពកាន់តែងាយស្រួល និងរីករាយជាងមុន » ។
សម្រាប់អស់អ្នកដែលពុំបានរៀបការក្នុងជីវិតនេះ លោកបានចែកចាយវីដេអូខ្លីមួយពី ដំបូន្មាន ដែលប្រធាន ហ្គរដុន ប៊ី ហ៊ិងគ្លី បានផ្ដល់ឲ្យនៅឆ្នាំ២០០៣ ៖ « កុំចំណាយពេលពេញមួយជីវិតសោកសៅនឹងរឿងនោះឡើយ ។ ពិភពលោកនៅតែត្រូវការទេពកោសល្យរបស់ក្មួយៗ ។ វាត្រូវការការរួមចំណែករបស់ក្មួយៗ ។ សាសនាចក្រត្រូវការសេចក្តីជំនឿរបស់ក្មួយៗ ។ វាត្រូវការកម្លាំង និងដៃជំនួយរបស់ក្មួយៗ ។ ជីវិតពុំបរាជ័យទេ លើកលែងតែយើងថា វាបរាជ័យ » ។
ក្តីសង្ឃឹមលើអនាគត
អែលឌើរ និង ស៊ីស្ទើរ ហ្គូដយ បានបញ្ចប់ដោយថ្លែងទីបន្ទាល់របស់ពួកលោក និងការប្រកាសយ៉ាងម៉ឺងម៉ាត់ថា យុវមជ្ឈិមវ័យអាចមានក្តីសង្ឃឹមលើអនាគតរបស់ពួកគេ តាមរយៈព្រះអង្គសង្គ្រោះព្រះយេស៊ូវគ្រីស្ទ ។
បងស្រី ហ្គូដយ បានមានប្រសាសន៍ថា « ខ្ញុំដឹងថាព្រះយេស៊ូវគឺជាព្រះគ្រីស្ទ ហើយទ្រង់មានព្រះជន្មរស់ ។ ខ្ញុំដឹងថា ជីវិតនេះគឺជាពេលវេលាដើម្បីរៀបចំខ្លួនទៅជួបនឹងព្រះ » ។
អែលឌើរ និងស៊ីស្ទើរ ហ្គីលប៊ឺត បានផ្ដល់ទីបន្ទាល់ខ្លីៗនៅឯការប្រជុំធម្មនិដ្ឋាន ដោយបន្ថែមសាក្សីរបស់ពួកលោកថា ការស្វែងរកជំនួយពីព្រះអម្ចាស់នាំមកនូវអព្ភូតហេតុក្នុងជីវិតរបស់មនុស្សម្នាក់ ។
Godoy-young-adult
អែលឌើរ ក្លាក ជី ហ្គីលប៊ឺត ជាពួកចិតសិបនាក់ដែលមានសិទ្ធិអំណាចទូទៅបានមានប្រសាសន៍នៅក្នុងការប្រជុំធម្មនិដ្ឋានទូទាំងពិភពលោក សម្រាប់ការចាក់ផ្សាយសម្រាប់យុវមជ្ឈិមវ័យចេញពីរោងឧបោសថសលត៍ លេក ទីក្រុង សលត៍ លេក កាលពីថ្ងៃទី៥ ខែឧសភា ឆ្នាំ២០២៤ ។2024 by Intellectual Reserve, Inc. All rights reserved.ស៊ីស្ទើរ ហ្គីលប៊ឺត បានមានប្រសាសន៍ថា « ខ្ញុំសូមឈរជាសាក្សីថា នៅពេលយើងដាក់ឲ្យព្រះអម្ចាស់មានចំណែក នោះទ្រង់នឹងដឹកនាំបំណងប្រាថ្នារបស់យើង ហើយលើកតម្កើងការខិតខំដ៏អស់ពីសមត្ថភាពរបស់យើង » ។
អែលឌើរ ហ្គីលប៊ឺត បានបន្ថែម ៖ « មធ្យោបាយតែមួយគត់សម្រាប់ក្មួយៗដើម្បីក្លាយជាបុគ្គលដែលក្មួយៗចង់ប្រែក្លាយ និងដើម្បីស្វែងរកអំណរក្នុងដំណើរនេះ គឺការយាងព្រះអម្ចាស់ឲ្យមានចំណែក » ។
ជាចុងបញ្ចប់ អែលឌើរ ហ្គូដយ បានថ្លែងទីបន្ទាល់ថា « ខ្ញុំដឹងថា ព្រះប្រោសលោះរបស់ខ្ញុំមានព្រះជន្មរស់ ហើយតាមរយៈព្រះគុណ និងពរជ័យនៃដង្វាយធួនរបស់ទ្រង់ នោះយើងអាចមានសេចក្តីសង្ឃឹម និងអំណរនៅក្នុងជីវិតនេះ និងគ្រួសារដ៏នៅអស់កល្បជានិច្ចមួយនាពេលអនាគត » ។
Copyright 2024 Deseret News Publishing Company.