rejoice-in-christ.jpeg

Translation

‹ ចូរអរសប្បាយក្នុងព្រះ‌គ្រីស្ទ › ៖ ពិធីអបអរសាទរព្រះវិហារបរិសុទ្ធ សលត៍ លេក បើកស្វាគមន៍ពិភពលោកទាំងមូល

ការបម្រុងទុកបានបើកហើយ ខណៈដែលថ្នាក់ដឹកនាំសាសនាចក្រអញ្ជើញមនុស្សនៅគ្រប់ទីកន្លែងឲ្យចូលរួមដោយផ្ទាល់ និងតាមអនឡាញនៅឆ្នាំ២០២៧

Downloadable B-roll & SOTs

Newsroom Salt Lake Temple Celebration Media Center

កាលពីថ្ងៃអង្គារ សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បានអញ្ជើញមនុស្សនៅជុំវិញពិភពលោកឲ្យចូលរួមក្នុងពិធីអបអរសាទរព្រះវិហារបរិសុទ្ធ សលត៍ លេក ឆ្នាំ២០២៧ ដោយប្រកាសពីប្រធានបទនៃព្រឹត្តិការណ៍នេះថា « ចូរអរសប្បាយក្នុងព្រះ‌គ្រីស្ទ » និងបើកការបម្រុងទុកសម្រាប់ការដើរទស្សនាព្រះវិហារបរិសុទ្ធ សលត៍ លេក ដែលទើបជួសជុលឡើងវិញនេះ ។

ថ្នាក់ដឹកនាំសាសនាចក្រ អ្នកតំណាងសហគមន៍ និងភ្ញៀវកិត្តិយសបានជួបជុំគ្នានៅអគារច្រកចូលខាងលិចថ្មីនៃព្រះវិហារបរិសុទ្ធ នៅឯវិសាលដ្ឋានព្រះវិហារបរិសុទ្ធ នៅព្រឹកថ្ងៃអង្គារ សម្រាប់ព្រឹត្តិការណ៍ប្រព័ន្ធផ្សព្វផ្សាយ ដែលផ្តោតលើការប្រារព្ធពិធីនេះ ការផ្សព្វផ្សាយទៅទូទាំងពិភពលោក និងឱកាសជាច្រើនដើម្បីចូលរួមដោយផ្ទាល់ និងតាមអនឡាញ ។

ប្រធាន ឌៀថើរ អេហ្វ អុជដូហ្វ ក្នុងកូរ៉ុមនៃពួកសាវកដប់ពីរនាក់ ដែលជាប្រធានគណៈកម្មការប្រតិបត្តិព្រះវិហារបរិសុទ្ធ សលត៍ លេក បានមានប្រសាសន៍ថា « សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយគឺជាសាសនាចក្រទូទាំងសកលលោកមួយ ដែលមានសារលិខិតជាសកលរបស់ព្រះយេស៊ូវគ្រីស្ទ ដែលយើងអរសប្បាយ ។ យើងមានអំណរគុណយ៉ាងខ្លាំងក្រៃលែង ដែលយើងនៅទីនេះក្នុងសហគមន៍មួយ ដែលយើងត្រូវបានស្វាគមន៍ ។ យើងសូមអញ្ជើញបងប្អូនឲ្យមកមើល ហើយស្រឡាញ់ព្រះយេស៊ូវគ្រីស្ទ និងមនុស្សទាំងឡាយដែលមកទីនេះ » ។

1 / 2

Download Photos

ប្រធានបទ « ចូរអរសប្បាយក្នុងព្រះ‌គ្រីស្ទ » ឆ្លុះបញ្ចាំងពីគោលបំណងនៃព្រះវិហារបរិសុទ្ធផង និងការប្រារព្ធពិធីនេះផង ។ ថ្នាក់ដឹកនាំសាសនាចក្របានមានប្រសាសន៍ថា ការប្រារព្ធពិធីនេះរយៈពេលប្រាំមួយខែ ( ថ្ងៃទី៥ ខែមេសា ដល់ថ្ងៃទី១ ខែតុលា ឆ្នាំ២០២៧ ) នឹងផ្តោតសំខាន់លើព្រះយេស៊ូវគ្រីស្ទ ហើយអញ្ជើញភ្ញៀវទស្សនាឲ្យរៀនបន្ថែមទៀតអំពីការបង្រៀនរបស់ទ្រង់ ដំណឹងល្អរបស់ទ្រង់ និងតួនាទីរបស់ទ្រង់នៅក្នុងផែនការរបស់ព្រះសម្រាប់បុត្រាបុត្រីរបស់ទ្រង់ ។

ប្រធាន អុជដូហ្វ បានកត់សម្គាល់ថា ការអញ្ជើញឲ្យអរសប្បាយក្នុងព្រះគ្រីស្ទ លាតសន្ធឹងហួសពីវិសាលដ្ឋានព្រះវិហារបរិសុទ្ធទៅទៀត ។ ដោយសំដៅទៅលើអស់អ្នកដែលកំពុងរងទុក្ខនៅប្រទេសនេប៉ាល់ និងកន្លែងផ្សេងទៀតនៅជុំវិញពិភពលោក លោកបានមានប្រសាសន៍ថា អ្នកដើរតាមព្រះយេស៊ូវគ្រីស្ទខិតខំបម្រើ អធិស្ឋាន និងផ្ដល់ពរជ័យដល់អ្នកដទៃ ដោយមិនគិតពីសញ្ជាតិ សេចក្ដីជំនឿ ឬកាលៈទេសៈអ្វីឡើយ ។

Salt-Lake-Temple-Celebration-Theme-Announcement — Salt-Lake-Temple-Celebration-Theme-Announcement
រូបសំណាកចម្លងពីរូបសំណាក « ព្រះគ្រីស្ទ » របស់ ប៊ើថេល ថលវ៉ាលដ៏សិន ដាក់តាំងបង្ហាញនៅក្នុងអគារច្រកចូលខាងលិចនៃព្រះវិហារបរិសុទ្ធ សលត៍ លេក ។2026 by Intellectual Reserve, Inc. All rights reserved.

លោកបានមានប្រសាសន៍ថា « នេះជាមូលហេតុដែលយើងអរសប្បាយក្នុងព្រះគ្រីស្ទ ។ វាមិនអាស្រ័យលើសេចក្ដីជំនឿដែលយើងមាន ពណ៌សម្បុររបស់យើង ភាសាដែលយើងនិយាយ សាវតារខាងសង្គមសេដ្ឋកិច្ចអ្វីដែលយើងមាននោះទេ ។ នៅក្នុងព្រះយេស៊ូវគ្រីស្ទ យើងរួបរួមគ្នានៅគ្រាដ៏អស្ចារ្យនេះនៃការអរសប្បាយនៅក្នុងទ្រង់ » ។

ឃ្លាដូចគ្នានេះ « ចូរអរសប្បាយក្នុងព្រះ‌គ្រីស្ទ » ក៏ត្រូវបានជ្រើសរើសជាបាវចនាយុវវ័យឆ្នាំ២០២៧ របស់សាសនាចក្រផងដែរ ដែលបង្កើតជាឱកាសបន្ថែមទៀតសម្រាប់យុវវ័យនៅជុំវិញពិភពលោកឲ្យផ្តោតលើព្រះអង្គសង្គ្រោះពេញមួយឆ្នាំ ។

អេមីលី បេលី ហ្វ្រីមែន ប្រធានយុវនារីទូទៅ បានកត់សម្គាល់ថា « ចូរអរសប្បាយក្នុងព្រះ‌គ្រីស្ទ » គឺមកពី ភីលីព ៤:៤ ។ គាត់បាននិយាយថា ប្រធានបទដែលដូចគ្នានឹងបាវចនានេះ នឹងជួយភ្ជាប់យុវវ័យទៅនឹងពិធីអបអរសាទរព្រះវិហារបរិសុទ្ធ សលត៍ លេក និងទាំងពរជ័យនៃការថ្វាយបង្គំក្នុងព្រះវិហារបរិសុទ្ធនៅគ្រប់ទីកន្លែងក្នុងពិភពលោកផង ។

ប្រធាន ហ្វ្រីមែន បានមានប្រសាសន៍ថា « ខ្ញុំពិតជាពេញចិត្តនឹងគំនិតនេះណាស់ ថាយុវវ័យទូទាំងពិភពលោកកំពុងអរសប្បាយនឹងអ្វីៗទាំងអស់ ដែលយើងដឹងអំពីព្រះដំណាក់នៃព្រះអម្ចាស់ និងពរជ័យដែលកើតចេញពីចំណេះដឹងនោះ ។ ឆ្នាំនេះនឹងជាឆ្នាំហាលេលូយ៉ា ។ ឆ្នាំនេះនឹងជាឆ្នាំហូសាណា ។ ឆ្នាំនេះនឹងជាឆ្នាំនៃការអរសប្បាយសម្រាប់យើង ។ ខ្ញុំពេញចិត្តដែលយុវវ័យនឹងក្លាយជាផ្នែកមួយនៃឆ្នាំដ៏អស្ចារ្យនៃការអរសប្បាយនោះ » ។

ការប្រារព្ធពិធីនៅព្រះវិហារបរិសុទ្ធនេះ កើតឡើងនៅអំឡុងគ្រានៃការសាងសង់ព្រះវិហារបរិសុទ្ធជាប្រវត្តិសាស្ត្រសម្រាប់សាសនាចក្រនៅជុំវិញពិភពលោក ។ នៅប៉ុន្មានសប្តាហ៍ថ្មីៗនេះ ប្រធាន ដាល្លិន អេក អូក បានឧទ្ទិសឆ្លងព្រះវិហារបរិសុទ្ធ បេឡូ ហូរីហ្សូនតេ ប្រេស៊ីល ខណៈដែលភ្ញៀវទស្សនានៅក្នុងប្រទេសកម្ពុជាបានដើរទស្សនាព្រះវិហារបរិសុទ្ធភ្នំពេញកម្ពុជា ក្នុងអំឡុងពិធីសម្ពោធជាសាធារណៈរបស់ខ្លួន ។ ពិធីអបអរសាទរព្រះវិហារបរិសុទ្ធ សលត៍ លេក គឺជាផ្នែកមួយនៃកិច្ចខិតខំទូទាំងពិភពលោក ដើម្បីជួយមនុស្សឲ្យយល់កាន់តែច្បាស់អំពីគោលបំណងនៃព្រះវិហារបរិសុទ្ធ និងតួនាទីរបស់ព្រះវិហារបរិសុទ្ធក្នុងការទាញបុគ្គលម្នាក់ៗ និងក្រុមគ្រួសារឲ្យមករកព្រះយេស៊ូវគ្រីស្ទ ។ សូមមើលបញ្ជីពេញលេញនៃព្រះវិហារបរិសុទ្ធនេះ ។

Newsroom The Latest Temple News from the Church of Jesus Christ | 2026

មិនដូចជាសាលាប្រជុំរបស់សាសនាចក្រ ដែលប្រើប្រាស់សម្រាប់ការថ្វាយបង្គំនៅថ្ងៃអាទិត្យទេ ព្រះវិហារបរិសុទ្ធគឺជាកន្លែងថ្វាយបង្គំដ៏ពិសិដ្ឋបំផុតសម្រាប់ពួកបរិសុទ្ធថ្ងៃចុងក្រោយ ជាកន្លែងដែលសមាជិកសាសនាចក្រធ្វើការសន្យាជាមួយព្រះ ហើយចូលរួមក្នុងពិធីបរិសុទ្ធទាំងឡាយ ដែលទាញពួកគេឲ្យខិតកាន់តែជិតព្រះយេស៊ូវគ្រីស្ទ និងក្រុមគ្រួសាររបស់ពួកគេ ។

សមាជិកផ្សេងទៀតនៃគណៈកម្មការប្រតិបត្តិព្រះវិហារបរិសុទ្ធ សលត៍ លេក ដែលមានវត្តមាននៅឯការប្រកាសនៅថ្ងៃអង្គារ គឺអែលឌើរ ឃ្វីនថិន អិល ឃុក និងអែលឌើរ នែល អិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់ ព្រមទាំងប្រធានសមាគមសង្គ្រោះ ខាំមៀល អិន ចនសុន ។

Salt-Lake-Temple-Celebration-Theme-Announcement — Salt-Lake-Temple-Celebration-Theme-Announcement
អភិបាលរដ្ឋយូថាហ៍ លោក ស្ពែនសើរ ខកស៍ ចាប់ដៃជាមួយប្រធានសមាគមសង្គ្រោះទូទៅ ខាំមៀល អិន ចនសុន បន្ទាប់ពីព្រឹត្តិការណ៍ប្រព័ន្ធផ្សព្វផ្សាយសម្រាប់ពិធីអបអរសាទរព្រះវិហារបរិសុទ្ធ សលត៍ លេក ។2026 by Intellectual Reserve, Inc. All rights reserved.

ពួកលោកបានសង្កត់ធ្ងន់ថា ពិធីអបអរសាទរព្រះវិហារបរិសុទ្ធ សលត៍ លេក គឺជាព្រឹត្តិការណ៍សកលមួយសម្រាប់មនុស្សគ្រប់គ្នា ដោយមិនគិតពីប្រពៃណី ឬសាវតារនៃសេចក្ដីជំនឿឡើយ ។ មិនថាភ្ញៀវគឺជាមិត្តភក្តិយូរអង្វែងរបស់សាសនាចក្រ ជាភ្ញៀវទស្សនាលើកដំបូងមកកាន់វិសាលដ្ឋានព្រះវិហារបរិសុទ្ធ ឬចូលរួមពីចម្ងាយមកពីតំបន់ផ្សេងទៀតនៃពិភពលោកនោះទេ មនុស្សទាំងអស់គ្នាត្រូវបានអញ្ជើញឲ្យទទួលបទពិសោធក្នុងព្រះវិហារបរិសុទ្ធ និងសារលិខិតនៃសេចក្តីជំនឿ សេចក្តីសង្ឃឹម និងការចូលចុះចំណោមនឹងគ្នា ។

ប្រធាន ចនសុន បានមានប្រសាសន៍ថា « យើងសង្ឃឹមថា បងប្អូននឹងមក ហើយស្វែងយល់បន្ថែមទៀតអំពីពួកយើង ។ យើងសង្ឃឹមថា បងប្អូននឹងយល់តាមរបៀបមួយដែលពេញលេញជាងមុន អំពីមូលហេតុដែលយើងសាងសង់ព្រះដំណាក់នៃព្រះអម្ចាស់នៅទូទាំងពិភពលោក និងគោលបំណងរបស់យើង ថាមនុស្សនឹងមានការយល់ដឹងកាន់តែច្បាស់អំពីអ្វីដែលជំរុញយើង — គឺសេចក្ដីស្រឡាញ់របស់យើងចំពោះព្រះ និងសេចក្ដីស្រឡាញ់របស់យើងចំពោះអ្នកជិតខាងរបស់យើង ។ ហើយអ្វីដែលសំខាន់ជាងនេះគឺ ខ្ញុំសង្ឃឹមថា មនុស្សនឹងទទួលបានអារម្មណ៍អ្វីមួយ ។ ពួកគេនឹងទទួលបានអារម្មណ៍នៃសេចក្ដីសុខសាន្ដ សេចក្ដីស្រឡាញ់ និងជំនួយ ដែលព្រះយេស៊ូវគ្រីស្ទប្រទានឲ្យ » ។

Salt-Lake-Temple-Celebration- — Salt-Lake-Temple-Celebration-
ផ្ទាំងកញ្ចក់ពណ៌មួយផ្ទាំងដាក់តាំងបង្ហាញនៅក្នុងអគារច្រកចូលខាងលិចនៃព្រះវិហារបរិសុទ្ធ សលត៍ លេក ។2026 by Intellectual Reserve, Inc. All rights reserved.

ព្រឹត្តិការណ៍ប្រកាសនេះបានផ្តល់ឱកាសលើកដំបូងដើម្បីមើលកញ្ចក់សិល្បៈថ្មី ដែលពណ៌នាអំពីការអញ្ជើញរបស់ព្រះអង្គសង្គ្រោះនៅក្នុងព្រះគម្ពីរមរមនថា « មើលន៏ កូនតូចៗរបស់អ្នករាល់គ្នា » ( នីហ្វៃទី៣ ១៧:២៣ ) ។ នៅក្នុងបរិបទនេះ ប្រធានអង្គការបឋមសិក្សាទូទៅ រ៉ូសម៉ារី ខេ. ឈីបូតា បានថ្លែងអំពីតួនាទីរបស់កុមារ និងយុវវ័យនៅក្នុងពិធីអបអរសាទរនេះ ។ អ្នកដឹកនាំកម្មវិធីកុមារជាសកលលោករបស់សាសនាចក្ររូបនេះ បានលើកទឹកចិត្តយុវវ័យឲ្យស្វែងយល់ពីព្រះវិហារបរិសុទ្ធ សួរសំណួរ អញ្ជើញអ្នកដទៃឲ្យចូលរួម ហើយខិតទៅកាន់តែជិតព្រះយេស៊ូវគ្រីស្ទ ។

ប្រធាន ឈីបូតា បានមានប្រសាសន៍ថា « ការណ៍នេះគឺលើសពីការដើរទស្សនាអគារមួយទៅទៀត — ជាអគារដ៏អស្ចារ្យ ។ វាគឺអំពីការខិតមកកាន់តែជិតព្រះយេស៊ូវគ្រីស្ទ ។ វាគឺអំពីការទទួលអារម្មណ៍នៃសេចក្ដីស្រឡាញ់របស់ព្រះសម្រាប់យើង ហើយចងចាំថា យើងទាំងអស់គ្នាគឺជាបុត្រាបុត្រីជាទីស្រឡាញ់របស់ព្រះវរបិតាសួគ៌យើង » ។

បន្ទាប់ពីសុន្ទរកថារបស់គាត់ ក្រុមចម្រៀងកុមារបានច្រៀងទំនុកតម្កើងដ៏ល្បីមួយបទ ដែលមានចំណងជើងថា « ខ្ញុំចូលចិត្តមើលព្រះវិហារបរិសុទ្ធ » ។

Salt-Lake-Temple-Celebration-Theme-Announcement — Salt-Lake-Temple-Celebration-Theme-Announcement
ក្រុមចម្រៀងកុមារសម្តែងនៅព្រឹត្តិការណ៍ប្រព័ន្ធផ្សព្វផ្សាយនៅក្នុងអគារច្រកចូលខាងលិចនៃព្រះវិហារបរិសុទ្ធ នៅឯវិសាលដ្ឋានព្រះវិហារបរិសុទ្ធ សម្រាប់ពិធីអបអរសាទរព្រះវិហារបរិសុទ្ធ សលត៍ លេក នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។2026 by Intellectual Reserve, Inc. All rights reserved.

អភិបាលរដ្ឋយូថាហ៍ លោក ស្ពែនសើរ ខកស៍ ក៏មានវត្តមាននៅក្នុងពិធីប្រកាសនេះដែរ ហើយបានយកឱកាសនេះដើម្បីទទួលស្វាគមន៍ភ្ញៀវទេសចរមកពីជុំវិញពិភពលោក ដោយបានបញ្ជាក់ពីសារៈសំខាន់នៃព្រះវិហារបរិសុទ្ធ សលត៍ លេក ចំពោះប្រវត្តិសាស្ត្រ និងអត្តសញ្ញាណរបស់រដ្ឋយូថាហ៍ ។ លោកក៏បានកត់សម្គាល់ពីការចូលរួមចំណែករបស់សមាជិកសាសនាចក្រផងដែរ ដែលតាមរយៈសេចក្ដីជំនឿ ការបម្រើ និងការចូលរួមក្នុងសហគមន៍របស់ពួកគេ វាបន្តសម្រិតសម្រាំងរដ្ឋនេះ ។

អភិបាល ខកស៍ បានមានប្រសាសន៍ថា « យើងមានអំណរគុណយ៉ាងជ្រាលជ្រៅចំពោះសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ សម្រាប់កិច្ចខិតខំរបស់ពួកគេក្នុងការថែរក្សាអគារនេះ ។ [ វាគឺជា ] កន្លែងទាក់ទាញភ្ញៀវទេសចរកំពូលមួយនៅរដ្ឋយូថាហ៍ ជាកន្លែងទាក់ទាញភ្ញៀវទេសចរកំពូលមួយនៅទូទាំងសហរដ្ឋអាមេរិក » ។

លោកបានមានប្រសាសន៍ថា រដ្ឋរំពឹងថានឹងមានមនុស្សរាប់លាននាក់មកទស្សនាព្រះវិហារបរិសុទ្ធនេះនៅឆ្នាំ២០២៧ ។ លោកបានកត់សម្គាល់ថា ភ្ញៀវទស្សនានឹងមានឱកាសរៀនពីប្រវត្តិសាស្ត្រ និងបេតិកភណ្ឌរបស់រដ្ឋយូថាហ៍ ខណៈដែលចូលរួមក្នុងពិធីនេះ ។

លោកអភិបាលបានមានប្រសាសន៍ថា « សូមអរគុណដែលផ្តល់ឱកាសនេះដល់ពិភពលោក ។ យើងទន្ទឹងរង់ចាំចូលរួមក្នុងឱកាសនេះជាមួយបងប្អូន » ។

បន្ថែមលើពិធីសម្ពោធព្រះវិហារបរិសុទ្ធ ពិធីអបអរសាទរព្រះវិហារបរិសុទ្ធ សលត៍ លេក នឹងធ្វើការតាំងពិព័រណ៍ ការចាក់ភាពយន្ត ការប្រគុំតន្ត្រីបន្តផ្ទាល់ សិល្បៈទស្សនីយភាព ឱកាសធ្វើពង្សប្រវត្តិ និងសកម្មភាពផ្សេងៗទៀតនៅទូទាំងវិសាលដ្ឋានព្រះវិហារបរិសុទ្ធ ។ ភ្ញៀវទស្សនានឹងអាចស្វែងយល់ពីដំណើររឿងនៃគម្រោងជួសជុលព្រះវិហារបរិសុទ្ធឡើងវិញក្នុងលក្ខណៈធំនេះ ស្វែងយល់ពីគោលបំណងដ៏ពិសិដ្ឋនៃព្រះវិហារបរិសុទ្ធ ហើយចូលរួមក្នុងបទពិសោធនានាដែលត្រូវបានរចនាឡើងសម្រាប់បុគ្គលម្នាក់ៗ និងក្រុមគ្រួសាររបស់មនុស្សគ្រប់វ័យ ។

1 / 2

Download Photos

Newsroom Temple Square Visitors’ Center Media Resources

Newsroom New Temple Square Experiences Announced

ការបម្រុងទុកសម្រាប់ដំណើរទស្សនកិច្ចនៃពិធីសម្ពោធព្រះវិហារបរិសុទ្ធ សលត៍ លេក ចាប់បើកពីថ្ងៃទី១ ខែកញ្ញាទៅ នៅលើគេហទំព័រ TempleSquare.org និងនៅលើកម្មវិធី Temple Square ។ ខណៈដែលវាតម្រូវឲ្យមានការបម្រុងទុកដោយឥតគិតថ្លៃ ដើម្បីចូលទៅក្នុងព្រះវិហារបរិសុទ្ធ នោះសកម្មភាពប្រារព្ធអបអរសាទរជាច្រើនទៀតនៅវិសាលដ្ឋាននៃព្រះវិហារបរិសុទ្ធ នឹងបើកសម្រាប់សាធារណជនដោយមិនចាំបាច់បម្រុងទុកជាមុនឡើយ ។ ឱកាសបម្រុងទុកបន្ថែម នឹងមាននៅក្នុងការចេញផ្សាយនាពេលក្រោយ ។

ដើម្បីទទួលភ្ញៀវឲ្យបានច្រើនតាមដែលអាចធ្វើទៅបាន ភ្ញៀវកិត្តិយសអាចកក់សំបុត្របានរហូតដល់ ៦ សន្លឹក ។ អស់អ្នកដែលកំពុងស្វែងរកសំបុត្រសម្រាប់ក្រុមធំៗ រួមមានការជួបជុំក្រុមគ្រួសារ ក្រុមព្រះវិហារ ឬអង្គការសហគមន៍នានា អាចដាក់សំណើសុំការបម្រុងទុកបាន ។

Newsroom Additional Salt Lake Temple Tour Reservations Available Sept. 15 and Oct. 1

ការចូលរួមតាមឌីជីថល

អែលឌើរ ហ្គែរី អ៊ី ស្ទីវ៉ែនសុន ដែលបម្រើនៅក្នុងគណៈកម្មការប្រតិបត្តិព្រះវិហារបរិសុទ្ធ សលត៍ លេក បានមានប្រសាសន៍ដែរថា ការប្រារព្ធពិធីនេះកើតឡើងហួសពីនៅវិសាលដ្ឋានព្រះវិហារបរិសុទ្ធទៅទៀត ។

សាវករូបនេះបានមានប្រសាសន៍ថា « ពិធីអបអរសាទរព្រះវិហារបរិសុទ្ធ សលត៍ លេក នេះមិនមែនតែសម្រាប់អ្នកដែលរស់នៅក្បែរនេះនោះទេ ។ នេះជាពិធីអបអរសាទរទូទាំងពិភពលោក ។ វាជាអ្វីមួយដែលនឹងត្រូវបានអបអរសាទរនៅគ្រប់ទិសទីក្នុងពិភពលោកនេះ ។ វាមានអត្ថន័យ និងគោលបំណងដ៏ធំធេង » ។

ការប្រារព្ធពិធីនេះនឹងរួមមានធនធានឌីជីថលថ្មីមួយឈុត ដើម្បីជួយមនុស្សឲ្យចូលរួមក្នុងបទពិសោធននេះ ។ តាមរយៈគេហទំព័រ TempleSquare.org និងកម្មវិធី Temple Square ( មានសម្រាប់អ្នកប្រើប្រាស់កម្មវិធី Apple និង Android ) មនុស្សនៅជុំវិញពិភពលោកនឹងអាចទទួលបានបទពិសោធពីចម្ងាយ ធនធានក្នុងពិធីអបអរសាទរ និងព័ត៌មានថ្មីៗទាក់ទងនឹងព្រឹត្តិការណ៍នេះ ។

ដំណើរទស្សនកិច្ចពីចម្ងាយនៃព្រះវិហារបរិសុទ្ធ សលត៍ លេក កំពុងត្រូវបានបង្កើតឡើង ដើម្បីអនុញ្ញាតឲ្យមនុស្សនៅជុំវិញពិភពលោកស្វែងយល់ពីសំណង់អគារនេះ និងស្វែងយល់បន្ថែមទៀតអំពីប្រវត្តិសាស្ត្រ ស្ថាបត្យកម្ម និងគោលបំណងនៃអគារនេះ ។ ចននី រ៉ូឌ្រីហ្គឺស ប្រធានផ្នែកនវានុវត្តន៍នៅ Fresh Consulting និងជាប្រធានផ្នែកកិច្ចខិតខំធ្វើពិសោធន៍ពីចម្ងាយនេះ បានមានប្រសាសន៍ថា គម្រោងនេះត្រូវបានរចនាឡើង ដើម្បីឲ្យមនុស្សទាំងអស់អាចចូលមើលព្រះវិហារបរិសុទ្ធនេះបាន ទោះជាពួកគេរស់ទីកន្លែងណាក៏ដោយ ។

Salt-Lake-Temple-Virtual-Tour-Demo — Salt-Lake-Temple-Virtual-Tour-Demo
ចននី រ៉ូឌ្រីហ្គឺស ប្រធានផ្នែកនវានុវត្តន៍នៅ Fresh Consulting បង្ហាញបច្ចេកវិទ្យាស្កេន 3D ដែលនឹងត្រូវប្រើដើម្បីចាប់យករូបភាពព្រះវិហារបរិសុទ្ធ សលត៍ លេក ជាទម្រង់ឌីជីថល ហើយបង្កើតជាដំណើរទស្សនកិច្ចពីចម្ងាយ នៅថ្ងៃអង្គារ ទី១៨ ខែសីហា ឆ្នាំ២០២៦ នៅមជ្ឈមណ្ឌលអ្នកទស្សនាវិសាលដ្ឋានព្រះវិហារបរិសុទ្ធនៅទីក្រុង សលត៍ លេក រដ្ឋយូថាហ៍ ។2026 by Intellectual Reserve, Inc. All rights reserved.

គាត់បានមានប្រសាសន៍ថា « វាពិតជាអស្ចារ្យណាស់ ដែលមានចំណែកតូចមួយនៅក្នុងការនាំយកកិច្ចការនេះទៅកាន់មនុស្ស ដែលប្រហែលជាមិនអាចទទួលបានបទពិសោធនេះទេ បើមិនធ្វើដូច្នោះនោះ » ។

តាមរយៈដំណើរទស្សនកិច្ចពីចម្ងាយដែលមិនធ្លាប់មានពីមុនមកនេះ ភ្ញៀវទស្សនាអាចនឹងស្វែងយល់ពីព្រះវិហារបរិសុទ្ធ សលត៍ លេក តាមល្បឿនផ្ទាល់ខ្លួនរបស់ពួកគេ ហើយរៀនពីលក្ខណៈពិសេសខាងផ្នែកស្ថាបត្យកម្ម ប្រវត្តិសាស្ត្រ និងខាងសាសនារបស់អគារនេះ ។ រ៉ូឌ្រីហ្គឺស បានថ្លែងថា បទពិសោធនេះត្រូវបានរចនាឡើង ដើម្បីធ្វើឲ្យអ្នកប្រើប្រាស់ទទួលបានអារម្មណ៍ស្វែងយល់ផ្ទាល់ខ្លួន ។

គាត់បានថ្លែងថា « យើងបានព្យាយាមធ្វើឲ្យវាក្លាយជាអ្វីមួយ ដែលអនុញ្ញាតឲ្យភ្ញៀវទស្សនាអាចគ្រប់គ្រង និងមើលព្រះវិហារបរិសុទ្ធនេះ ចេញពីទស្សនវិស័យរបស់ពួកគេ [ ហើយ ] ដាក់ពួកគេនៅចំកណ្តាលបទពិសោធនោះ » ។

រ៉ូឌ្រីហ្គឺស បានថ្លែងថា គាត់សង្ឃឹមថា ជម្រើសមើលពីចម្ងាយនេះនឹងជួយភ្ញៀវទស្សនាឲ្យយល់កាន់តែច្បាស់អំពីព្រះយេស៊ូវគ្រីស្ទ និងគោលបំណងនៃព្រះវិហារបរិសុទ្ធ ។

គាត់បានថ្លែងថា « ខ្ញុំសង្ឃឹមថា ភ្ញៀវទស្សនាដែលបានដកពិសោធការទស្សនាពីចម្ងាយនេះនឹងមានអារម្មណ៍ថា ‹ អីយ៉ាស់ មានអ្វីជាច្រើននៅក្នុងព្រះវិហារបរិសុទ្ធនេះដែលចង្អុលទៅរកព្រះគ្រីស្ទ › » ។

មិនថាវាជាការចូលរួមនៅវិសាលដ្ឋានព្រះវិហារបរិសុទ្ធ ឬតាមរយៈបទពិសោធពីចម្ងាយនៅជុំវិញពិភពលោកទេ ភ្ញៀវទស្សនាត្រូវបានអញ្ជើញឲ្យចូលរួមក្នុងពិធីអបអរសាទរព្រះវិហារបរិសុទ្ធ សលត៍ លេក ហើយអរសប្បាយនៅក្នុងព្រះយេស៊ូវគ្រីស្ទ ។

Salt-Lake-Temple-Celebration-Media-Moment — Salt-Lake-Temple-Celebration-Media-Moment
ព្រះវិហារបរិសុទ្ធ សលត៍ លេក នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ នៅព្រឹកថ្ងៃអង្គារ ទី១ ខែកញ្ញា ឆ្នាំ២០២៦ ។2026 by Intellectual Reserve, Inc. All rights reserved.