- 20240930_154832_CBell_CMB_2129.jpg
- 20241005_160044_CBell_CMB09087.JPG
- 20241005_140802_CBell_CMB06716.JPG
- 20241005_135428_CPowell_35619.jpg
- 20241005_141014_CBell_CMB06417.JPG
- 20241006_153207_CBell_CMB09278.JPG
- 20241006_135400_LNilsson_LES05127.JPG
- 20241006_140300_CBell_CMB07645.JPG
| Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ប្រធាន រ័សុល អិម ណិលសុន បានអំពាវនាវដល់ពួកបរិសុទ្ធថ្ងៃចុងក្រោយនៅថ្ងៃអាទិត្យទី៦ ខែតុលា ឲ្យរៀបចំខ្លួនសម្រាប់ការយាងមកជាលើកទីពីរនៃព្រះយេស៊ូវគ្រីស្ទ ។
លោកបានមានប្រសាសន៍នៅក្នុងសារលិខិតដែលបានកត់ត្រាថា « អ្វីដែលល្អបំផុតមិនទាន់មកដល់នៅឡើយទេ … ដោយសារព្រះអង្គសង្គ្រោះកំពុងយាងមកម្ដងទៀត » ។ « អ្វីដែលល្អបំផុតមិនទាន់មកដល់នៅឡើយទេ ដោយសារព្រះអម្ចាស់កំពុងពន្លឿនកិច្ចការរបស់ទ្រង់ ។ អ្វីដែលល្អបំផុតមិនទាន់មកដល់នៅឡើយទេ រហូតដល់ពេលដែលយើងបង្វែរដួងចិត្ត និងជីវិតរបស់យើងទៅរកព្រះយេស៊ូវគ្រីស្ទទាំងស្រុង » ។
ថ្លែងនៅឯការបិទសម័យប្រជុំនៅរសៀលថ្ងៃអាទិត្យនៃសន្និសីទទូទៅ ប្រធាន និងជាព្យាការីដែលមានជន្មាយុ ១០០ ឆ្នាំនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បានមានប្រសាសន៍ថា « ខ្ញុំសូមអំពាវនាវឲ្យបងប្អូនឧទ្ទិសថ្វាយជីវិតរបស់បងប្អូនឡើងវិញចំពោះព្រះយេស៊ូវគ្រីស្ទ ។ ខ្ញុំសូមអំពាវនាវដល់បងប្អូនឲ្យជួយប្រមូលសាសន៍អ៊ីស្រាអែលដែលខ្ចាត់ខ្ចាយ ហើយរៀបចំពិភពលោកសម្រាប់ការយាងមកជាលើកទីពីររបស់ព្រះអម្ចាស់ ។ ខ្ញុំសូមអំពាវនាវឲ្យបងប្អូននិយាយអំពីព្រះគ្រីស្ទ ថ្លែងទីបន្ទាល់អំពីព្រះគ្រីស្ទ មានជំនឿលើព្រះគ្រីស្ទ ហើយអរសប្បាយក្នុងព្រះគ្រីស្ទ !
លោកបានបង្រៀនថា ការថ្វាយបង្គំក្នុងព្រះវិហារបរិសុទ្ធជាទៀងទាត់ និងការបង្កើនភាពជាសិស្សនឹងផ្តល់នូវកម្លាំង និងសេចក្តីសុខសាន្តនៅក្នុង ‹ ពិភពលោកដ៏ច្របូកច្របល់ › ។
ការសាងសង់និងការថ្វាយបង្គំនៅក្នុងព្រះវិហារបរិសុទ្ធ
ពីមុន ប្រកាសព្រះវិហារបរិសុទ្ធថ្មីចំនួន ១៧ ប្រធាន ណិលសុន បានមានប្រសាសន៍អំពីកិច្ចខិតខំប្រឹងប្រែងរយៈពេលប្រាំឆ្នាំដែលកំពុងបន្តក្នុងការថែរក្សា និងជួសជុលកែលម្អព្រះវិហារបរិសុទ្ធ សលត៍ លេក ជាប្រវត្តិសាស្ត្រ និងកន្លែងផ្សេងទៀតនៃវិសាលដ្ឋានព្រះវិហារបរិសុទ្ធ ដែលនឹងត្រូវបញ្ចប់នៅចុងឆ្នាំ២០២៦ ។
សាសនាចក្របានឧទ្ទិសឆ្លង ឬឧទ្ទិសឆ្លងឡើងវិញនូវព្រះវិហារបរិសុទ្ធចំនួនប្រាំបួនក្នុងប្រទេសចំនួនប្រាំ អំឡុងពេលប្រាំមួយខែកន្លងមកនេះ ដោយមានប្រាំបន្ថែមទៀត ដែលបានកំណត់ពេលសម្រាប់ការឧទ្ទិសឆ្លងមុនពេលបញ្ចប់ឆ្នាំ២០២៤ ។
លោកបានមានប្រសាសន៍ថា « បងប្អូនប្រុសស្រីជាទីស្រឡាញ់របស់ខ្ញុំ តើយើងមើលឃើញអ្វីដែលកំពុងកើតឡើងនៅចំពោះមុខយើងឬទេ ? ខ្ញុំសូមអធិស្ឋានកុំឲ្យខកខានឱកាសដ៏អស្ចារ្យក្នុងពេលនេះ ! ព្រះអម្ចាស់ពិតជាកំពុងពន្លឿនកិច្ចការរបស់ទ្រង់ » ។
សាសនាចក្រកំពុងសាងសង់ព្រះវិហារបរិសុទ្ធ « ក្នុងល្បឿនដែលមិនធ្លាប់មានពីមុនមក » ដោយ « ព្រោះព្រះអម្ចាស់បានបញ្ជាយើងឲ្យធ្វើដូច្នោះ ។ ពរជ័យនៃព្រះវិហារបរិសុទ្ធជួយប្រមូលសាសន៍អ៊ីស្រាអែលនៅទាំងសងខាងនៃវាំងនន ។ ពរជ័យទាំងនេះក៏ជួយរៀបចំមនុស្សដែលនឹងជួយរៀបចំពិភពលោកសម្រាប់ការយាងមកជាលើកទីពីររបស់ព្រះអម្ចាស់ផងដែរ » ។
ប្រធាន ណិលសុន បានសន្យាជួយដល់អ្នកដែលថ្វាយបង្គំនៅក្នុងព្រះវិហារបរិសុទ្ធជាទៀងទាត់ ។ លោកបានមានប្រសាសន៍ថា « នៅក្នុងដំណាក់របស់ព្រះអម្ចាស់ យើងផ្តោតទៅលើព្រះយេស៊ូវគ្រីស្ទ ។ យើងរៀនពីទ្រង់ ។ យើងចុះសេចក្ដីសញ្ញាដើម្បីដើរតាមទ្រង់ ។ យើងមកស្គាល់ទ្រង់ » ។
លោកបានបង្រៀនថា ការរក្សាសេចក្ដីសញ្ញាក្នុងព្រះវិហារបរិសុទ្ធ ផ្ដល់លទ្ធភាពកាន់តែច្រើនទៅកាន់អំណាចពង្រឹងរបស់ព្រះអម្ចាស់ ។ « នៅក្នុងព្រះវិហារបរិសុទ្ធ យើងទទួលបានការការពារពីការធ្វើទុក្ខនៃលោកិយ ។ យើងដកពិសោធន៍នូវសេចក្តីស្រឡាញ់ដ៏សុទ្ធសាធរបស់ព្រះយេស៊ូវគ្រីស្ទ និងព្រះវរបិតាសួគ៌របស់យើងជាបរិបូរ ! យើងទទួលអារម្មណ៍សុខសាន្ត និងការធានាខាងវិញ្ញាណ ដែលផ្ទុយស្រឡះពីភាពចលាចលនៃលោកិយ »។
បន្ទាប់មក ប្រធាន ណិលសុន បានសន្យាថា « អ្នកដែលស្វែងរកព្រះយេស៊ូវគ្រីស្ទដោយស្មោះ ត្រង់គ្រប់រូបនឹងរកឃើញទ្រង់នៅក្នុងព្រះវិហារបរិសុទ្ធ ។ បងប្អូននឹងទទួលអារម្មណ៍នៃសេចក្ដីមេត្តារបស់ទ្រង់ ។ បងប្អូននឹងរកឃើញចម្លើយចំពោះសំណួរដែលគួរឲ្យរំខានបំផុតរបស់បងប្អូន ។ បងប្អូននឹងយល់កាន់តែច្បាស់អំពីអំណរនៃដំណឹងល្អរបស់ទ្រង់ » ។
DOWNLOADការបង្កើនភាពជាសិស្ស
ប្រធាន ណិលសុន បានមានប្រសាសន៍ថា មនុស្សទាំងអស់ត្រូវឆ្លើយសំណួរ « ចាំបាច់បំផុត » ៖ « តើខ្ញុំនឹងប្រគល់ជីវិតឲ្យទៅនរណា ឬឲ្យទៅអ្វី ? »
លោកបានមានប្រសាសន៍ថា ការសម្រេចចិត្តរបស់លោកដើម្បីដើរតាមព្រះយេស៊ូវគ្រីស្ទ « គឺជាការសម្រេចចិត្តដ៏សំខាន់បំផុតដែលខ្ញុំមិនធ្លាប់ធ្វើ » ដោយពន្យល់ថា លោកបានទទួលទីបន្ទាល់អំពីទេវភាពនៃព្រះជាព្រះវរបិតា និងព្រះរាជបុត្រាទ្រង់ គឺព្រះយេស៊ូវគ្រីស្ទ អំឡុងពេលនៅរៀននៅឯសាលាពេទ្យ ។
« ចាប់ពីពេលនោះមក ព្រះអង្គសង្គ្រោះគឺជាសិលាដែលខ្ញុំបានសង់ជីវិតនៅលើ ។ ជម្រើសនោះបានធ្វើឲ្យមានភាពខុសប្លែកទាំងស្រុង ! ការសម្រេចចិត្តនោះបានធ្វើឲ្យការសម្រេចចិត្តជាច្រើនទៀតកាន់តែមានភាពងាយស្រួល ។ ការសម្រេចចិត្តនោះបានផ្តល់គោលបំណង និងទិសដៅដល់ខ្ញុំ ។ វាក៏បានជួយខ្ញុំឲ្យឆ្លងកាត់ព្យុះជីវិតផងដែរ »។
ព្យុះទាំងនោះរាប់ទាំងការស្លាប់ភ្លាមៗរបស់ភរិយារបស់លោក ដេនហ្សែល និងបទពិសោធន៍មួយអំឡុងពេលបំពេញបេសកកម្មនៅទឹកដីឆ្ងាយមួយ នៅពេលដែល « ពួកចោរប្លន់ប្រដាប់អាវុធបានភ្ជង់កាំភ្លើងលើក្បាលខ្ញុំ ហើយកេះកៃកាំភ្លើង ។ ប៉ុន្តែកាំភ្លើងបាញ់មិនចេញទេ » ។
ក្នុងអំឡុងពេលបទពិសោធន៍ទាំងពីរ លោកទទួលបានការលួងលោម និងសេចក្តីសុខសាន្តពីព្រះអម្ចាស់ ។ « បងប្អូនប្រុសស្រី ព្រះអម្ចាស់នឹងលួងលោមបងប្អូនផងដែរ ! ទ្រង់នឹងពង្រឹងបងប្អូន ។ ទ្រង់នឹងប្រទានពរដល់បងប្អូននូវភាពសុខសាន្ត សូម្បីតែនៅកណ្តាលភាពវឹកវរក្តី » ។
ប្រធាន ណិលសុន បានជំរុញបងប្អូនអ្នកស្តាប់ « ឲ្យលះបង់ពេលវេលារាល់សប្តាហ៍—ពេញមួយជីវិតដែលបងប្អូននៅមាន—ដើម្បីចម្រើនការយល់ដឹងអំពីដង្វាយធួនរបស់ព្រះយេស៊ូវគ្រីស្ទ » ។
លោកបានមានប្រសាសន៍ថា « វាមិនឆាប់ឬក៏មិនយឺតពេកដែរ សម្រាប់បងប្អូនដើម្បីធ្វើជាសិស្សដ៏ស្មោះរបស់ព្រះយេស៊ូវគ្រីស្ទនោះ » ដែលនឹងអនុញ្ញាតឲ្យបុគ្គលទាំងឡាយទទួលបានបទពិសោធន៍ពេញលេញនៃពរជ័យនៃដង្វាយធួនរបស់ទ្រង់ ហើយកាន់តែមានប្រសិទ្ធភាពក្នុងការជួយប្រមូលសាសន៍អ៊ីស្រាអែល ។
លោកបានអញ្ជើញថា « ចូរមកឯព្រះគ្រីស្ទ ហើយ ‹ ចូរថ្វាយ[ ព្រលឹង ]អ្នកទាំងមូល › ។ នេះគឺជាអាថ៌កំបាំងនៃជីវិតមានអំណរដ៏រីករាយ ! »
មើលសុន្ទរកថាទាំងមូលរបស់ប្រធាន ណិលសុន ។