![An-Long-Vil-Primary-School-Renovation](/media/960x540/AnLongVilPrimarySchool-39.jpg)
An-Long-Vil-Primary-School-Renovation
សិស្សានុសិស្ស លោកគ្រូអ្នកគ្រូ គណៈគ្រប់គ្រង មន្ត្រីរដ្ឋាភិបាល និងតំណាងនៃសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយបានជួបជុំគ្នានៅសាលាបឋមសិក្សាអន្លង់វិល ។2024 by Intellectual Reserve, Inc. All rights reserved.សិស្សានុសិស្ស លោកគ្រូអ្នកគ្រូ និងថ្នាក់ដឹកនាំប្រចាំមូលដ្ឋានបានជួបជុំគ្នានៅសាលាបឋមសិក្សាអន្លង់វិល ក្នុងខេត្តបាត់ដំបង ដើម្បីប្រារព្ធពិធីប្រគល់អគារថ្នាក់រៀនដែលបានសាងសង់ឡើងវិញចំនួនពីរ បន្ទប់ទឹកទំនើបចំនួនពីរ និងឡដុតសម្រាមថ្មីមួយ ដែលបានសាងសង់ដោយ សាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ ។ អគារដែលបានកែលម្អថ្មីនេះជំនួសកន្លែងចាស់ៗដែលមានបញ្ហារចនាសម្ព័ន្ធ និងអនាម័យ ហើយប្រឈមនឹងការលិចទឹកជាញឹកញាប់នៅរដូវវស្សា ។
Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
នៅពេលថ្នាក់ដឹកនាំក្នុងមូលដ្ឋាន និងស៊ីស្ទើរ ខាធើរីន ស្មីដ និងអែលឌើរ ខេនណេត ស្មីដ ដែលជាពួកអ្នកផ្សព្វផ្សាយសាសនាផ្នែកមនុស្សធម៌សម្រាប់សាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ បានអញ្ជើញមកដល់នាថ្ងៃប្រារព្ធពិធីប្រគល់-ទទួល ដែលមានសិស្សានុសិស្សឈរតម្រង់ជួរលើផ្លូវ ដោយទះដៃអបអរសាទរ និងច្រៀងចម្រៀងព្រមៗគ្នា ។ សិស្សានុសិស្សភាគច្រើនស្លៀកពាក់ឯកសណ្ឋានសាលាអាវស និងខោខ្មៅ ប៉ុន្តែមានសិស្សពីរបីនាក់ពាក់អាវពណ៌បៃតងបន្ថែម ដែលបង្ហាញពីតួនាទីកិត្តិយសរបស់ពួកគេក្នុងការអបអរសាទរអគារសិក្សារបស់ពួកគេដែលបានកែលម្អឡើងវិញ ។ នៅក្រោមតង់ពណ៌ផ្កាឈូក និងពណ៌ស ភ្ញៀវកិត្តិយសបានទទួលទឹកដូងស្រស់ និងអង្គុយកៅអីកិត្តិយសនៅចំពោះមុខសិស្សានុសិស្ស លោកគ្រូអ្នកគ្រូ និងបុគ្គលិកដែលបានជួបប្រជុំគ្នា ។ ការប្រជុំនេះបានចាប់ផ្តើមដោយការច្រៀង និងគោរពភ្លេងជាតិ ។ បន្ទាប់មក លោកគ្រូ ជា សុផាធារ៉ាន់បានធ្វើកិច្ចស្វាគមន៍ដល់អ្នកចូលរួមគ្រប់គ្នា ។
![Anlong-Vil-School](/media/960x540/AnLongVilPrimarySchool-11.jpg)
Anlong-Vil-School
លោក ស៊ុំ សាម៉េត នាយកសាលាបឋមសិក្សាអន្លង់វិល ថ្លែងសុន្ទករថាទៅកាន់ថ្នាក់ដឹកនាំដែលបានជួបប្រជុំគ្នា និងតំណាងនៃសាសនាចក្រក្នុងពិធីប្រគល់-ទទួលអគារដែលបានកែលម្អថ្មី ។© 2024 by Intellectual Reserve, Inc. All rights reserved.លោកនាយកសាលា ស៊ុំ សាម៉េត បានមានប្រសាសន៍ថា « ថ្ងៃនេះគឺជាថ្ងៃដ៏អស្ចារ្យសម្រាប់សាលារបស់យើង ។ យើងបានស្ថិតក្រោមការសាងសង់អស់រយៈពេលប្រាំមួយខែមកហើយ ប៉ុន្តែឥឡូវនេះយើងមានបន្ទប់រៀន បន្ទប់ទឹកថ្មី និងឡដុតសម្រាមមួយ ។ យើងនឹងខិតខំឲ្យអស់ពីសមត្ថភាពរបស់យើងដើម្បីបង្រៀនសិស្ស និងផ្តល់កម្លាំងចិត្តដល់ពួកគេជាចំណេះដឹង » ។
![Anlong-Vil-Primary-School](/media/960x540/AnLongVilPrimarySchool-12.jpg)
Anlong-Vil-Primary-School
អភិបាលស្រុក លោក នាង ច័ន្ទថារ៉ា ថ្លែងទៅកាន់អ្នកចូលរួម ។© 2024 by Intellectual Reserve, Inc. All rights reserved.
លោក នាង ច័ន្ទថារ៉ា អភិបាលស្រុកបានថ្លែងថា ៖ « យើងគ្មានអ្នកណាជួយយើងទេ ប៉ុន្តែសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយបានមកជួយ ។ យើងសូមឲ្យសិស្សានុសិស្ស និងអ្នកគ្រូ លោកគ្រូជួយថែរក្សាអគារដែលបានកែលម្អឡើងវិញនេះ ។ សិស្សានុសិស្សត្រូវស្តាប់ឪពុកម្តាយ និងលោកគ្រូអ្នកគ្រូ ដើម្បីបន្តការសិក្សារបស់ក្មួយៗ » ។
![Anlong-Vil-Primary-School](/media/960x540/AnLongVilPrimarySchool-13.jpg)
Anlong-Vil-Primary-School
លោក រ័ត្ន ច័ន្ទសុភា ប្រធានសមាគមនិកាយសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយនៅកម្ពុជា ថ្លែងសុន្ទរកថាទៅកាន់អ្នកចូលរួម ។© 2024 by Intellectual Reserve, Inc. All rights reserved.
លោក រ័ត្ន ច័ន្ទសុភា ប្រធានសមាគមនិកាយសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយនៅកម្ពុជាបានមានប្រសាសន៍ថា « ផ្នែកមួយនៃបេសកកម្មរបស់សាសនាចក្ររបស់យើងគឺជួយលើកកម្ពស់ការអប់រំ និងសុខភាព ។ យើងសប្បាយចិត្តដែលអគារសិក្សាចាស់ត្រូវបានជួសជុលឡើងវិញ ។ វាគឺជាបរិយាកាសល្អសម្រាប់សាលា និងជាកន្លែងល្អដើម្បីសិក្សា » ។
![Anlong-Vil-Primary-School](/media/960x540/AnLongVilPrimarySchool-17.jpg)
Anlong-Vil-Primary-School
លោក ប៉ូ វណ្ណរិទ្ធ នាយករងមន្ទីរអប់រំស្រុកថ្លែងសុន្ទរកថាទៅកាន់អ្នកចូលរួម ។© 2024 by Intellectual Reserve, Inc. All rights reserved.
លោក ប៉ូ វណ្ណរិទ្ធ នាយករងមន្ទីរអប់រំស្រុកបានថ្លែងអំណរគុណដល់សាសនាចក្រសម្រាប់គម្រោងនេះ និងជាមួយគម្រោងជាច្រើនទៀតដែលសាសនាចក្របានគាំទ្រ « ការអប់រំនឹងរៀបចំក្មួយៗសម្រាប់អនាគត » ។
![An-Long-Vil-Primary-School-Renovation](/media/960x540/AnLongVilPrimarySchool-19.jpg)
An-Long-Vil-Primary-School-Renovation
អែលឌើរ និងស៊ីស្ទើរ ស្មីដ ជាពួកអ្នកផ្សព្វផ្សាយសាសនាផ្នែកមនុស្សធម៌សម្រាប់សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ថ្លែងសុន្ទរកថាទៅកាន់សិស្សានុសិស្សដែលបានជួបប្រជុំគ្នា និងលោកគ្រូអ្នកគ្រូ ។2024 by Intellectual Reserve, Inc. All rights reserved.
អែលឌើរ ស្មីដ បានបញ្ចប់ព្រឹត្តិការណ៍ដោយមានប្រសាសន៍ថា « យើងមានអំណរគុណយ៉ាងខ្លាំងចំពោះការអប់រំដែលបន្តឆ្ពោះទៅមុខនៅទីនេះ ។ អគារទាំងនេះនឹងក្លាយជាកន្លែងសិក្សាសម្រាប់រយៈពេលជាច្រើនឆ្នាំទៅមុខទៀត ។ ក្មួយៗអាចជួយគ្នាទៅវិញទៅមក ភូមិរបស់ក្មួយៗ សហគមន៍របស់ក្មួយៗ និងប្រទេសជាតិរបស់ក្មួយៗ » ។ បន្ថែមពីលើវិញ្ញាបនបត្រថ្លែងអំណរគុណ ក៏មានកន្ត្រកផ្លែឈើ និងក្រមា ជូនដល់តំណាងរបស់សាសនាចក្រដែលជាកាយវិការនៃការដឹងគុណផងដែរ ។
- An-Long-Vil-Primary-School-Renovation
- An-Long-Vil-Primary-School-Renovation
- An-Long-Vil-Primary-School-Renovation
- An-Long-Vil-Primary-School-Renovation
- An-Long-Vil-Primary-School-Renovation
- An-Long-Vil-Primary-School-Renovation
- An-Long-Vil-Primary-School-Renovation
- An-Long-Vil-Primary-School-Renovation
- An-Long-Vil-Primary-School-Renovation
- An-Long-Vil-Primary-School-Renovation
- An-Long-Vil-Primary-School-Renovation
- An-Long-Vil-Primary-School-Renovation
- An-Long-Vil-Primary-School-Renovation
- An-Long-Vil-Primary-School-Renovation
- An-Long-Vil-Primary-School-Renovation
Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |