ការស្ថាបនាក្តីសង្ឃឹម ៖ សាសនាចក្រ និងអនាគតកុមារអន្តរជាតិ ( Children’s

Childrens-Future-International-Shelter-Collaboration
តំណាងសាសនាចក្រ និងអង្គការអនាគតកុមារអន្តរជាតិ ( Church and Children’s Future International ) ឈរជាមួយអ្នកទទួលអំណោយនៅមុខផ្ទះថ្មីមួយក្នុងខេត្តបាត់ដំបងដែលទទួលបានមូលនិធិពីសាសនាចក្រ ។2024 by Intellectual Reserve, Inc. All rights reserved.

នៅក្នុងជំហានដ៏សំខាន់មួយឆ្ពោះទៅរកការកែលម្អជីវិតរបស់គ្រួសារងាយរងគ្រោះក្នុងខេត្តបាត់ដំបង ប្រទេសកម្ពុជា សាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ រួមសហការជាមួយអង្គការអនាគតកុមារអន្តរជាតិ ( CFI ) បានធ្វើផ្ទះជូនគ្រួសារដែលមានលំនៅដ្ឋានមិនគ្រប់គ្រាន់ ។ គំនិតផ្តួចផ្តើមនេះស្របតាមបេសកកម្មជាសកលរបស់សាសនាចក្រដើម្បីគាំទ្រដល់ភាពខ្លួនទីពឹងខ្លួនរបស់បុគ្គល និងក្រុមគ្រួសារ ។

1 / 2

Download Photos

សាសនាចក្របានផ្តល់មូលនិធិដើម្បីសាងសង់ផ្ទះសម្រាប់ ៣៣ គ្រួសារ ។ ត្រឹមថ្ងៃទី ១៥ ខែ មករា ឆ្នាំ ២០២៤ ផ្ទះចំនួន១៦ ខ្នងបានសាងសង់រួចរាល់ ហើយ ១៩ ខ្នងទៀតបានចាប់ផ្តើមសាងសង់ហើយ ។ អ្នកទទួលអំណោយម្នាក់បានស្រក់ទឹកភ្នែកដោយការដឹងគុណក្នុងអំឡុងពេល CFI និងតំណាងសាសនាចក្រធ្វើទស្សនកិច្ចនាពេលថ្មីៗនេះ ។ « ខ្ញុំមានអំណរគុណចំពោះកន្លែងរស់នៅថ្មីរបស់ពួកយើង ។ ឥឡូវនេះ ខ្ញុំអាចមើលថែកូនក្នុងគ្រួសាររបស់យើងបានហើយ » ។

អង្គការអនាគតកុមារអន្តរជាតិ ( Children’s Future International ) មានទីតាំងនៅខេត្តបាត់ដំបង មានចក្ខុវិស័យច្បាស់លាស់ ៖ « CFI ស្រមៃមើលពីអនាគតដែលកុមារគ្រប់រូបនៅក្នុងប្រទេសកម្ពុជាមានសុវត្ថិភាព មានសុខភាពល្អ ទទួលបានការអប់រំ រីកចម្រើន និងសប្បាយរីករាយ » ( childrensfuture.org អំពីពួកយើង ) តាមរយៈការងារសង្គម ការថែទាំសុខភាព ការអប់រំ និងការបណ្តុះបណ្តាលភាពជាអ្នកដឹកនាំបេសកកម្មរបស់ CFI គឺដើម្បីជួយ « កែលម្អជីវិតរបស់កុមារដែលងាយរងគ្រោះ រងការគៀបសង្កត់ ស្ថិតក្នុងហានិភ័យនៅក្នុងខេត្តបាត់ដំបង » ( childrensfuture.org អំពីយើង ) ។ CFI បានធ្វើឲ្យពួកអ្នកផ្សព្វផ្សាយសាសនាផ្នែកមនុស្សធម៌ក្នុងសាសនាចក្រ អែលឌើរ ខេនណេត ស្មីដ និងស៊ីស្ទើរ ខាធើរីន ស្មីដ ចាប់អារម្មណ៍ នៅពេលពួកគាត់បម្រើនៅតំបន់បាត់ដំបង ។

អង្គការអនាគតកុមារអន្តរជាតិ ( Children’s Future International ) ខិតខំបម្រើកុមារទាំងមូល ហើយក្នុងករណីធំៗខ្លះដល់គ្រួសារទាំងមូល ។ ឪពុកម្តាយខ្លះជួបប្រទះនឹងភាពក្រីក្រយ៉ាងខ្លាំង មានអារម្មណ៍ថាបង្ខំចិត្តធ្វើចំណាកស្រុកទៅកាន់ប្រទេសផ្សេងទៀតដើម្បីធ្វើការ ហើយទុកឲ្យកូនៗរបស់ពួកគេរស់នៅក្នុងមណ្ឌលកុមារកំព្រា ។ លោកស្រី ប៉ាទ្រីស ដាវីសុន នាយក CFI បានមានប្រសាសន៍ថា « វាជាការល្អបំផុតក្នុងការរក្សាគ្រួសារឲ្យនៅជាមួយគ្នា ។ « យើងមានអំណរគុណយ៉ាងខ្លាំងចំពោះសាសនាចក្រដែលបានជួយយើងសាងសង់ផ្ទះរស់នៅថ្មីសម្រាប់គ្រួសារទាំងនេះ ។ វាអនុញ្ញាតឲ្យពួកគេនៅជាមួយគ្នា ដែលធ្វើបែបនេះជាការល្អសម្រាប់មនុស្សគ្រប់គ្នា » ។ លោកស្រីបានពន្យល់ពីរបៀបដែល CFI ធ្វើការយ៉ាងជិតស្និទ្ធជាមួយរដ្ឋាភិបាលក្នុងការស្វែងរកដីសមរម្យសម្រាប់សង់ផ្ទះថ្មី និងជួលពីឈ្មួញកណ្តាល ។ គ្រួសារខ្លះធ្វើផ្ទះដោយខ្លួនឯង ដោយប្រើប្រាស់សម្ភារដែលសាសនាចក្រផ្ដល់ឲ្យ ហើយអ្នកផ្សេងទៀតជួលគេឲ្យជួយធ្វើផ្ទះ ។

ការចូលរួមរបស់សាសនាចក្រនៅក្នុងគម្រោងនេះឆ្លុះបញ្ចាំងពីការប្តេជ្ញាចិត្តរបស់ខ្លួនចំពោះកិច្ចខិតខំប្រឹងប្រែងផ្នែកមនុស្សធម៌នៅទូទាំងពិភពលោក ជាពិសេសក្នុងការជួយដល់គ្រួសារ និងសហគមន៍ដែលខ្វះខាត ។ CFI គ្រោងនឹងបន្តជួយគ្រួសារទាំងនេះរហូតដល់ពួកគេសម្រេចបាននូវភាពខ្លួនទីពឹងខ្លួន ដោយធានានូវផលប៉ះពាល់ប្រកបដោយនិរន្តរភាពលើសហគមន៍ ។

Childrens-Future-International-Shelter-Collaboration