« ប្រធាន ដាល្លិន ហារីស អូក ត្រូវបានប្រកាសនាថ្ងៃនេះជាប្រធាន និងព្យាការីទី១៨ នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ នៅថ្ងៃអង្គារ ទី១៤ ខែតុលា ឆ្នាំ២០២៥ ។ សេចក្ដីប្រកាសត្រូវបានធ្វើឡើងអំឡុងការចាក់ផ្សាយផ្ទាល់មកពីទីក្រុងសលត៍ ឡេក រដ្ឋយូថាហ៍ ។ ប្រធាន អូក ត្រូវបានគាំទ្រ និងទទួលការញែកចេញនៅថ្ងៃនេះ ។
នៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ព្យាការីត្រូវបានជ្រើសរើស តាមដំណើរការដ៏បំផុសគំនិតមកពីព្រះ ។ នៅពេលព្យាការីទទួលមរណភាព គណៈប្រធានទីមួយគឺត្រូវបានរំលាយ ហើយកូរ៉ុមនៃពួកសាវកដប់ពីរនាក់ ដែលបានដឹកនាំដោយសាវកដែលបម្រើយូរជាងគេ ជាអ្នកទទួលបន្ទុកជាអ្នកដឹកនាំ ទទួលការបញ្ជាក់ជាព្យាការីថ្មីតាមរយៈវិវរណៈ និងសិទ្ធិអំណាចបព្វជិតភាព ។
First-Presidency
Elder Gary E. Stevenson of the Quorum of the Twelve Apostles of The Church of Jesus Christ of Latter-day Saints conducts a broadcast announcing the new First Presidency in the Conference Center in Salt Lake City, Utah, on Tuesday, on October 14, 2025. 2025 by Intellectual Reserve, Inc. All rights reserved.ប្រធាន អូក មានជន្មាយុ ៩៣ ឆ្នាំ ស្នងតំណែងប្រធាន រ័សុល អិម ណិលសុន ដែលបានទទួលមរណភាព កាលពីថ្ងៃទី ២៧ ខែកញ្ញា ឆ្នាំ ២០២៥ ។
អ្នកដឹកនាំជំនឿជាសាកលថ្មីរបស់សមាជិកច្រើនជាង១៧លាននាក់ ត្រូវបានហៅ ប្រធាន ប្រធាន ហែនរី ប៊ី អាវរីង ជន្មាយុ ៩២ ឆ្នាំ និង ប្រធាន ឌី ថត គ្រីស្ដូហ្វឺសុន ជន្មាយុ ៨០ ឆ្នាំ ដើម្បីបម្រើជាមួយលោកក្នុងនាមជាទីប្រឹក្សាទីមួយ និងទីប្រឹក្សាទីពីរនៅក្នុងគណៈប្រធានទីមួយ ជាក្រុមអ្នកគ្រប់គ្រងដ៏ខ្ពង់ខ្ពស់របស់សាសនាចក្រ ។ ជែហ្វ្រី អរ ហូឡិន ជន្មាយុ ៨៤ ឆ្នាំ នឹងបម្រើជាប្រធាននៃកូរ៉ុមនៃពួកសាវកដប់ពីរនាក់ ។
First-Presidency
Church President Dallin H. Oaks of The Church of Jesus Christ of Latter-day Saints announces the new First Presidency in the Conference Center in Salt Lake City, Utah, on Tuesday, October 14, 2025. 2025 by Intellectual Reserve, Inc. All rights reserved.ប្រធាន ដាល្លិន អេក អូក
ប្រធាន ដាល្លិន អេក អូក បានបម្រើជាសមាជិកនៃកូរ៉ុមនៃពួកសាវកដប់ពីរនាក់ ចាប់តាំងពីខែឧសភា ឆ្នាំ១៩៨៤ ។ លោកគឺជាប្រធានសាកលវិទ្យាល័យព្រិកហាំ យ៉ង់ ចាប់តាំងពីឆ្នាំ ១៩៧១ ដល់ឆ្នាំ ១៩៨០ និងជាចៅក្រមនៃតុលាការកំពូលរដ្ឋយូថាហ៍ចាប់ពីឆ្នាំ១៩៨០ រហូតដល់លោកបានលាឈប់នៅឆ្នាំ ១៩៨៤ ដើម្បីទទួលយកការហៅបម្រើជាសាកវក ។ សូមអានបន្ថែមអំពីប្រធានអូក ។
ប្រធាន ហែនរី ប៊ី អាវរិង ជាទីប្រឹក្សាទីមួយ
ប្រធាន ហែនរី ប៊ី អាវរិង បានបម្រើជាទីប្រឹក្សាម្នាក់របស់ប្រធាន រ័សុល អិម ណិលសុន ចាប់ឆ្នាំ២០១៨ ដល់ឆ្នាំ២០២៥ និងជាទីប្រឹក្សារបស់ប្រធាន ថូម៉ាស អេស ម៉នសុន ចាប់ពីឆ្នាំ២០០៨ ដល់ឆ្នាំ២០១៨ និងជាទីប្រឹក្សារបស់ប្រធាន ហ្គរដិន ប៊ី ហ៊ីងគ្លី ចាប់ពីឆ្នាំ២០០៧ ដល់ឆ្នាំ២០០៨ ។ លោកត្រូវបានគាំទ្រជាសមាជិកនៃកូរ៉ុមនៃពួកសាវកដប់ពីរនាក់នៅថ្ងៃទី១ ខែមេសា ឆ្នាំ១៩៩៥ ។ ពីមុនការបម្រើពេញម៉ោងក្នុងសាសនាចក្រ ប្រធាន អាវរិង គឺជាប្រធានសាកលវិទ្យាល័យ រីក នៅទីក្រុង រីកប៊ើក រដ្ឋអៃដាហូ ចាប់ពីឆ្នាំ១៩៧១ ដល់ឆ្នាំ១៩៧៧ ។ លោកបានសិក្សានៅមហាវិទ្យាល័យពាណិជ្ជកម្មនៅសាកលវិទ្យាល័យស្ទែនហ្វដ ពីឆ្នាំ១៩៦២ ដល់ឆ្នាំ១៩៧១។ សូមអានបន្ថែមអំពី ប្រធាន អាវរិង ។
first-presidency-2025.JPG
The new First Presidency in the Conference Center in Salt Lake City on Tuesday, October 14, 2025: President Dallin H. Oaks (middle), President Henry B. Eyring (left), and President D. Todd Christofferson (right).© 2025 by Intellectual Reserve, Inc. All rights reserved.ប្រធាន ឌី ថត គ្រីស្ដូហ្វឺសុន ជាទីប្រឹក្សាទីពីរ
ប្រធាន ឌី ថត គ្រីស្ដូហ្វឺសុន ត្រូវបានហៅឲ្យបម្រើជាកូរ៉ុមនៃសាវកដប់ពីរនាក់នៅថ្ងៃទី៥ ខែមេសា ឆ្នាំ២០០៨ ហើយពីមុននោះ លោកបានបម្រើនៅក្នុងគណៈប្រធាននៃពួកចិតសិបនាក់ ។ ពីមុនការបម្រើពេញម៉ោងនៅក្នុងសាសនាចក្រ លោកគឺជាសហការីក្រុមប្រឹក្សាទូទៅនៃធនាគារ NationsBank Corporation ( ដែលឥឡូវគឺជាធនាគារ Bank of America ) នៅទីក្រុងឆាឡត រដ្ឋន័ស ខូរ៉ូឡៃណា ។ ពីមុននោះ លោកគឺជាអនុប្រធានរៀមច្បង និងជាក្រុមប្រឹក្សាទូទៅក្នុងធនាគារ Commerce Union Bank of Tennessee នៅទីក្រុងណាស្វីល ដែលលោកក៏បម្រើយ៉ាងសកម្មនៅក្នុងកិច្ចការសង្គម និងអង្គការអន្តរជំនឿផងដែរ ។ ចាប់ពីឆ្នាំ១៩៧៥ ដល់ឆ្នាំ១៩៨០ អែលឌើរ គ្រីស្ដូហ្វឺសុន បានធ្វើការផ្នែកច្បាប់នៅក្នុងរដ្ឋវ៉ាស៊ីនតោន ឌី ស៊ី ។ សូមអានបន្ថែមអំពីប្រធាន គ្រីស្ដូហ្វឺសុន ។
ប្រធាន ជែហ្វ្រី អរ ហូឡិន ជាប្រធាននៃកូរ៉ូមនៃសាវកដប់ពីរនាក់
ប្រធាន ជែហ្វ្រី អរ ហូឡិន បានបម្រើជាប្រធានស្ដីទីនៃកូរ៉ុមនៃពួកសាវកដប់ពីរនាក់ ចាប់ពីថ្ងៃទី១៥ ខែវិច្ឆិកា ឆ្នាំ២០២៣ ដល់ថ្ងៃទី២៧ ខែកញ្ញា ឆ្នាំ២០២៥ ។ លោកត្រូវបានគាំទ្រជាសាវកនៅថ្ងៃទី២៣ ខែមិថុនា ឆ្នាំ១៩៩៤ ។ ពីមុនការហៅរបស់លោកក្នុងនាមជាអ្នកមានសិទ្ធិអំណាចទូទៅនៅក្នុងឆ្នាំ១៩៨៩ ប្រធាន ហូឡិន បានបម្រើជាប្រធានសាកលវិទ្យាល័យព្រិកហាំ យ៉ង់ ទីប្រាំបួន ហើយបានចូលរួមយ៉ាងសកម្មនៅក្នុងសកម្មភាពអប់រំវិជ្ជាជីវៈនៅពេញមួយជីវិតរបស់លោក ។ សូមអានបន្ថែមអំពីប្រធាន ហូឡិន ។
