ការពង្រឹងការអប់រំ ៖ សាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រ

Preah-Poh-School-Renovation
សិស្សានុសិស្សស្វាគមន៍ថ្នាក់ដឹកនាំក្នុងស្រុក និងអ្នកតំណាងពីសាសនាចក្របានជួបជុំគ្នាដើម្បីប្រគល់-ទទួលអគារថ្មី ។2024 by Intellectual Reserve, Inc. All rights reserved.

នៅព្រឹកថ្ងៃទី ១៦ ខែ មករា ឆ្នាំ ២០២៤ នៅស្រុកគាស់ក្រឡ ខេត្តបាត់ដំបង សិស្សានុសិស្ស និងលោកគ្រូអ្នកគ្រូ នៃអនុវិទ្យាល័យព្រះផុស បានជួបជុំគ្នាក្នុងពិធីប្រគល់-ទទួលបណ្ណាល័យថ្មី និងជួសជុលកែលម្អការិយាល័យ និងបន្ទប់ស្តុកឥវ៉ាន់បន្ថែមដល់សាលា ដោយសាសនាចក្រនៃ ព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ ។ សិស្សឈរ ហើយទះដៃអបអរដោយការដឹងគុណចំពោះសាសនាចក្រសម្រាប់អគារដែលបានជួសជុលកែលម្អនេះ ។

1 / 2

Download Photos

ជាមួយនឹងការជួសជុលកែលម្អទាំងនេះ ឥឡូវនេះ សាលាអាចបើកថ្នាក់រៀនទាំងប្រាំសម្រាប់បង្រៀន ដោយកាត់បន្ថយចំនួនសិស្សក្នុងថ្នាក់ពី ៦១ នាក់ ទៅ ៣៧ នាក់វិញ ។ កន្លងមក ថ្នាក់រៀនខ្លះប្រើប្រាស់ជាឃ្លាំងស្តុកឥវ៉ាន់ និងការិយាល័យ ។ សាសនាចក្រក៏បានបំពាក់បណ្ណាល័យថ្មីដោយមានតុ សៀវភៅ និងបង្អួចកញ្ចក់ ដើម្បីការពារពីធូលីដីនូវឧបករណ៍កុំព្យួរទ័រដែលមានសក្តានុពលនាពេលអនាគត ។ ជារង្វាន់ដែលមិននឹកស្មានដល់ អ្នកម៉ៅការរបស់សាសនាចក្របានឲ្យវិចិត្រករម្នាក់គូរផ្ទាំងគំនូរដ៏ស្រស់ស្អាតនៅក្នុងបណ្ណាល័យ ដែលមានរូបផែនទីពិភពលោកដែលបានបង្ហាញ ការពណ៌នាយ៉ាងទូលំទូលាយនៃសកលលោក និងផែនទីបង្ហាញអំពីប្រទេសកម្ពុជា ។ សាសនាចក្រក៏បានធ្វើឡដុតសម្រាមសម្រាប់សាលាផងដែរ ។

អ្នកគ្រូ ឡាត គឹមលាង ជាគ្រូបង្រៀននៅក្នុងសាលានេះ បានដឹកនាំ និងស្វាគមន៍ភ្ញៀវកិត្តិយសក្នុងពិធីប្រគល់-ទទួលនេះ ។ លោក ឌី ប៊ុនលី ជានាយកសាលាបានមានប្រសាសន៍មុន និងថ្លែងអំណរគុណដល់សាសនាចក្រសម្រាប់ការជួសជុលកែលម្អអគារនេះ ។

អែលឌើរ ខេនណេត ស្មីដ ជាអ្នកផ្សព្វផ្សាយសាសនាផ្នែកមនុស្សធម៌ រួមជាមួយដៃគូរបស់លោក គឺស៊ីស្ទើរ ខាធើរីន ស្មីដ បានសហការគ្រប់គ្រងគម្រោងនោះ បានក្រោកឈរ ហើយថ្លែងអំណរគុណដល់សិស្សានុសិស្សដោយក្តីមេត្តាចំពោះការអបអរសាទររបស់ពួកគេ ។ លោកបានមានប្រសាសន៍ថា « ការអបអរសាទរពិតប្រាកដគឺសម្រាប់ក្មួយៗទាំងអស់គ្នា » ។ « អគារនេះគឺសម្រាប់ក្មួយៗ អ្នកគ្រូ លោកគ្រូរបស់ក្មួយៗ នាយកសាលា និងមន្ត្រីរដ្ឋាភិបាល ដែលបានជួយធ្វើឲ្យកិច្ចការនេះអាចកើតឡើងបាន » ។ លោកបានទូន្មានពួកគេឲ្យទាញយកប្រយោជន៍ពីកន្លែងសិក្សាដែលបានកែលម្អឡើងវិញនេះ ។ លោកបានមានប្រសាសន៍ថា « សូមស្ដាប់លោកគ្រូអ្នកគ្រូរបស់ក្មួយៗ » ។ « ខ្ញុំក៏ជាគ្រូបង្រៀនដែរ ។ ខ្ញុំដឹងថា គ្រូបង្រៀនអាចជាមនុស្សគួរឲ្យធុញទ្រាន់ណាស់ ប៉ុន្តែនេះគឺជាការចាប់ផ្តើមនៃជីវិតដ៏វែងឆ្ងាយ ជាជីវិតដ៏វែងនៃការរៀនសូត្រ ដើម្បីក្មួយៗអាចជួយប្រទេសជាតិរបស់ក្មួយៗបាន » ។

លោក តាន់ ជូប៊ូ ជាមន្ត្រីប៉ូលិសនៅក្នុងមូលដ្ឋានបានរំឭកសិស្សអំពីស្តង់ដារភូមិរបស់ពួកគេ ។ លោកបានឈរនៅពីមុខស្លាកសញ្ញាពណ៌ខៀវដ៏ធំមួយ ដែលបង្ហាញពីលក្ខណៈប្រាំពីរយ៉ាងនៃភូមិសុវត្ថិភាព ។ សិស្សានុសិស្សបានស្គាល់ស្តង់ដារទាំងនោះ ហើយអាចឆ្លើយដោយសំឡេងព្រមគ្នាចំពោះសំណួរជាច្រើនរបស់លោក ។

ជាចុងក្រោយ ឯកឧត្តម សេង ចិន្តា ប្រធានមន្ទីរអប់រំស្រុកគាស់ក្រឡ ថ្លែងសុន្ទរកថាទៅកាន់អ្នកចូលរួម ។ លោកបានគាំទ្រនូវសារពីមន្ត្រីប៉ូលិសឲ្យគោរពច្បាប់ចរាចរណ៍ និងច្បាប់ភូមិ ។ លោកបានលើកទឹកចិត្តសិស្សានុសិស្សឲ្យខិតខំសិក្សា ។ « ការងារពិតគឺនៅពេលក្មួយៗសិក្សា ។ ប្រសិនបើក្មួយៗប្រើអ៊ីនធឺណិតតាមរបៀបត្រឹមត្រូវ ក្មួយៗអាចរៀនពីអ៊ីនធឺណិតបាន » ។ លោកបានថ្លែងអំណរគុណដល់សាសនាចក្រសម្រាប់ការជួសជុលកែលម្អ ហើយបន្ទាប់មកបានជូននូវវិញ្ញាបនបត្រថ្លែងអំណរគុណពីសាលាចំពោះអែលឌើរ ស្មីដ ។

1 / 2

Download Photos

Preah-Poh-School-Renovation

Preah-Poh-School-Renovation

Preah-Poh-School-Renovation

Preah-Poh-School-Renovation