អែលឌើរ រិនឡាន់ បានចូលជួបនឹងនាយករដ្ឋមន្ត្រី និងផ្ដល់ការងារបម្រើដល់ពួកបរ

ដើម្បីប្រារព្ធខួប ៣០ ឆ្នាំ ចាប់តាំងពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ត្រូវបានទទួលស្គាល់នៅក្នុងប្រទេសកម្ពុជា សាវកមួយរូបបានមកនៅក្នុងដែនដីនេះរយៈពេលបីថ្ងៃដើម្បីធ្វើការងារបម្រើ ស្ថាបនាចំណងទំនាក់ទំនងជាមួយថ្នាក់ដឹកនាំរដ្ឋាភិបាល និងជួយកែលម្អដល់ការថែទាំសុខភាពនៅក្នុងប្រទេស ។

នៅថ្ងៃចន្ទ ទី ២២ ខែ មករា ឆ្នាំ ២០២៤ អែលឌើរ ឌែល ជី រិនឡាន់ បានក្លាយជាអ្នកដឹកនាំសាសនាចក្រទីមួយដែលបានចូលជំនួបជាមួយនឹងនាយករដ្ឋមន្ត្រីនៃព្រះរាជាណាចក្រកម្ពុជា ។ អែលឌើរ រិនឡាន់ បានហៅលោកនាយករដ្ឋមន្ត្រី ហ៊ុន ម៉ាណែត ថាជា « បុគ្គលដ៏អស្ចារ្យមួយរូប » ។

1 / 2

Download Photos

អែលឌើរ រិនឡាន់ មានប្រសាសន៍ថា « នាយករដ្ឋមន្ត្រី ហ៊ុន ម៉ាណែត មានសមត្ថភាពខ្ពស់ ហើយមានទស្សនវិស័យមួយសម្រាប់ប្រទេសជាតិ ក្នុងការជួយលើកកម្ពស់ដល់ប្រជាជន ។ វាគឺជាទស្សនវិស័យដ៏អស្ចារ្យពិតប្រាកដមួយ ។ ហើយវាបង្ហាញកាន់តែច្បាស់ ពេលលោកត្រូវគ្រប់គ្រងឲ្យច្បាស់ថារដ្ឋមន្ត្រីរដ្ឋាភិបាលរបស់លោកបានធ្វើដូច្នោះ » ។ « ការងារដែលយើងបានធ្វើជាមួយជំនួយផ្នែកមនុស្សធម៌ រួមទាំងការលើកកម្ពស់កម្រិតនៃការថែទាំសុខភាពនៅកន្លែងមួយចំនួន វាដើរស្របតាមអ្វីដែលរដ្ឋាភិបាលកំពុងចង់ធ្វើទាំងស្រុង » ។

សាវកបានប្រាប់ដល់នាយករដ្ឋមន្ត្រី ម៉ាណែត ថាសាសនាចក្រនៃព្រះយេស៊ូវគ្រីស្ទ កំពុងបរិច្ចាគថវិកាជិត ២.២ លានដើម្បីបង្កើតមន្ទីរពេទ្យបេះដូងមួយនៅខេត្តសៀមរាប ( ដែលមានចម្ងាយ ៣១៨ គីឡូម៉ែត្រខាងជើងទីក្រុងភ្នំពេញ ) ។ គោលបំណង គឺដើម្បីបង្កើនការថែទាំសុខភាពកាន់តែល្អប្រសើរដល់ប្រជាជននៅតាមខេត្តនានា ។ កិច្ចការនេះ នឹងប្រទានពរដល់ប្រជាជន ដូចជាឪពុកមារបស់នាយករដ្ឋមន្ត្រី ដែលបានទទួលមរណភាពនៅក្នុងខេត្តមួយទៀត ដោយសារជំងឺសរសៃឈាមបេះដូងធ្ងន់ធ្ងរ ។

អែលឌើរ រិនឡាន់ ដែលជាអតីតវេជ្ជបណ្ឌិតវះកាត់បេះដូង បានមានប្រសាសន៍ថា « ពួកយើងកំពុងបង្កើតនូវស្ថានភាពមួយដែលអាចផ្ដល់ការព្យាបាលពេលមានជំងឺបេះដូងត្រូវសង្គ្រោះបន្ទាន់ដើម្បីជួយប្រជាជន កាត់បន្ថយពីបញ្ហាបេះដូងរបស់ពួកគេ នៅពេលពួកគេមានជំងឺគាំងបេះដូង ដើម្បីរក្សាឲ្យសាច់ដុំបេះដូងដំណើរការ កុំឲ្យវាវិវត្តទៅរកការគាំងបេះដូង ឬដើម្បីកុំឲ្យពួកគេស្លាប់ » ។ « ដែលឥឡូវនេះ នៅពេលដែលរឿងនោះកើតឡើង ប្រជាជនត្រូវតែធ្វើដំណើររាប់ម៉ោងមកកាន់ទីក្រុងភ្នំពេញ ដើម្បីទទួលបានការព្យាបាលប្រភេទនោះ ។

អែលឌើរ រិនឡាន់ បានមានប្រសាសន៍ថា សាសនាចក្ររបស់ព្រះយេស៊ូវគ្រីស្ទ ផ្ដោតទៅលើការថែទាំសុខភាព ( ក៏ដូចជា ការអប់រំ និងតម្រូវការមនុស្សធម៌ដទៃទៀតនៅក្នុងប្រទេសកម្ពុជា ) វាគឺជារបៀបមួយដែលអ្នកមានជំនឿ ធ្វើតាមព្រះអង្គសង្គ្រោះនៃពិភពលោក ។

លោកមានប្រសាសន៍ថា « យើងធ្វើកិច្ចការល្អ ហើយការធ្វើល្អពិតប្រាកដ អ្នកមិនគ្រាន់តែផ្សព្វផ្សាយសេចក្ដីសប្បុរសទៅគ្រប់ទីកន្លែងនោះទេ។ អ្នកត្រូវតែធ្វើអ្វីមួយជាក់លាក់ » ។ « យើងអាចបង្កើតឲ្យបានច្រើនក្នុងស្ថានភាពជាក់លាក់ ជំនួសឲ្យការផ្សព្វផ្សាយបន្ថែមច្រើនទៀត ។ ហើយបើយើងជ្រើសរើសរឿងត្រឹមត្រូវដើម្បីផ្ដោតទៅលើ នោះវានឹងធ្វើឲ្យមានរឿងខុសប្លែកមួយកើតឡើង » ។

កាលពីថ្ងៃចន្ទ អែលឌើរ រិនឡាន់ ក៏បានជួបនឹងរដ្ឋមន្ត្រីក្រសួងធម្មការ និងសាសនានៃព្រះរាជាណាចក្រកម្ពុជា គឺឯកឧត្តម ចាយ បូរិន និង រដ្ឋលេខាធិការបស់លោក គឺឯកឧត្តម ឆាត សុឆេត ផងដែរ ។

ឯកឧត្តម ឆាត សុឆេត មានប្រសាសន៍ថា « ពួកយើងមានអារម្មណ៍ថា [ អែលឌើរ រិនឡាន់ ] គឺជាមនុស្សម្នាក់ដែលមានភាពរីករាយ និងរួសរាយរាក់ទាក់ » ។ « ទោះជាពុទ្ធសាសនា គឺជាសាសនារបស់រដ្ឋ ប៉ុន្តែប្រទេសកម្ពុជាផ្ដល់សិទ្ធិឲ្យសាសនាដទៃទៀតទាំងអស់ប្រតិបត្តិនៅក្នុងប្រទេសកម្ពុជា ហើយសាសនាទាំងនោះមានភាពសុខុដុមរម្យនានឹងគ្នា ។ លើសពីនោះទៅទៀត សាសនាចក្របានជួយដល់ព្រះរាជាណាចក្រកម្ពុជាតាមមធ្យោបាយជាច្រើនកាលពីមុនមក ។ សាសនាចក្របានជួយនៅក្នុងវិស័យធំៗចំនួនបី គឺ ៖ វិស័យសុខាភិបាល វិស័យអប់រំ និងប្រព័ន្ធទឹកស្អាត » ។

ទីតាំងផ្ទុយស្រឡះពីគ្នា ៖ មជ្ឈមណ្ឌលប្រល័យពូជសាសន៍ជើងឯក និងទីតាំងព្រះវិហារបរិសុទ្ធភ្នំពេញកម្ពុជា

នៅព្រឹកថ្ងៃអង្គារ ទី ២៣ ខែ មករា ឆ្នាំ ២០២៤ អែលឌើរ និង ស៊ីស្ទើរ រិនឡាន់ បានធ្វើដំណើរទៅទស្សនកិច្ចទីតាំងដ៏ស្រងេះស្រងោច គឺមជ្ឈមណ្ឌលប្រល័យពូជសាសន៍ជើងឯក ដែលជាកន្លែងមួយក្នុងចំណោមកន្លែងចំនួន ៣០០កន្លែង ដែលត្រូវបានគេស្គាល់ថាជាវាលពិឃាត។ នៅជើងឯក មានផ្នូនៃជនរងគ្រោះជាច្រើនដែលត្រូវបានសម្លាប់ក្នុងរបបកម្មុយនីស៍ខ្មែរក្រហមនៅក្នុងព្រះរាជាណាចក្រកម្ពុជា ។ ប្រជាជនកម្ពុជាច្រើនជាង ៣ លាននាក់ត្រូវបានសម្លាប់នៅចន្លោះឆ្នាំ ១៩៧៥ ដល់ ឆ្នាំ ១៩៧៩ ។

ស៊ីស្ទើរ រិនឡាន់ បានមានប្រសាសន៍ថា « វាបន្សល់ទុកនូវភាពខ្ទេចខ្ទាំនៅក្នុងដួងចិត្តរបស់អ្នក ពេលដឹងថាមនុស្សមានចិត្តឃោរឃៅចំពោះគ្នាខ្លាំងយ៉ាងនេះ » ។

អែលឌើរ រិនឡាន់ បានសញ្ជឹងគិតសំណួរមួយ នៅពេលពួកគាត់ដើរនៅមន្ទីរជើងឯកនោះ ។ តើដង្វាយធួនរបស់ព្រះយេស៊ូវគ្រីស្ទបង់ថ្លៃទៅលើរឿងនេះឬទេ ?

« ចម្លើយគឺថា បាទ— ដង្វាយធួន គឺជាដង្វាយធួនដ៏ឥតព្រំដែន » ។ « អ្វីៗទាំងអស់ដែលអយុត្តិធម៌ក្នុងជីវិត អាច ហើយនឹងធ្វើឲ្យយុត្តិធម៌ តាមរយៈដង្វាយធួននៃព្រះយេស៊ូវគ្រីស្ទ ។ សម្រាប់ជនរងគ្រោះនៅទីនេះ និងក្រុមគ្រួសាររបស់ពួកគេ ទោះយ៉ាងណានឹងស្ថិតនៅក្នុងភាពអស់កល្បជានិច្ច ពីព្រោះព្រះយេស៊ូវគ្រីស្ទបានធ្វើនូវអ្វីដែលទ្រង់បានធ្វើ ហើយទ្រង់មានព្រះចេស្ដា ដែលនឹងបង់ថ្លៃសងចំពោះរឿងនេះ ហើយធ្វើវាឲ្យបានយុត្តិធម៌មកវិញ ។ ហើយនោះគឺជាសារលិខិតពិតនៃដំណឹងល្អ » ។

ការទៅទស្សនកិច្ចនៅវាលពិឃាត កាលពីថ្ងៃអង្គារ គឺជារឿងផ្ទុយស្រឡះពីទីតាំងការដ្ឋានសំណង់ព្រះវិហារបរិសុទ្ធភ្នំពេញកម្ពុជា (ពិធីបើកការដ្ឋានសាងសង់នៅខែកញ្ញា ឆ្នាំ ២០២១), ដែលពួកលោកបានទៅធ្វើទស្សនកិច្ចកាលពីថ្ងៃចន្ទ ។

អែលឌើរ រិនឡាន់ មានប្រសាសន៍ថា « មានមនុស្សមួយចំនួននិយាយថា បើមានព្រះមួយអង្គមែន ហេតុអ្វីបានជាទ្រង់មិនធ្វើអ្វីមួយអំពីរឿងនេះ ? ហើយចម្លើយគឺថា ទ្រង់បានធ្វើហើយ ។ « ទ្រង់បានស្ដារដំណឹងល្អរបស់ទ្រង់ឡើងវិញ ។ ទ្រង់បានស្ដារសិទ្ធិអំណាចនៃការផ្សារភ្ជាប់ដើម្បីឲ្យមនុស្សម្នាក់អាចធ្វើអ្វីមួយសម្រាប់ជនរងគ្រោះទាំងនេះ ដូចជាមនុស្សម្នាក់បានជ្រើសរើសធ្វើដូច្នោះដែរ ។ ហើយនោះគឺជាចំណែកមួយនៃការធ្វើឲ្យរឿងនេះបានយុត្តិធម៌ ។ ព្រះវិហារបរិសុទ្ធ នាំមកនូវសេចក្ដីសង្ឃឹម និងអំណរ និងដំណោះស្រាយ ព្រមទាំងជួយផ្សះផ្សាររឿងនេះនៅក្នុងជីវិតរបស់ប្រជាជន និងក្រុមគ្រួសាររបស់ពួកគេ ។ ជាការផ្ទុយពីអារម្មណ៍ដ៏សោកសៅ ធ្ងន់ជ្រប់ដែលយើងមានក្នុងពេលនេះ នោះគឺជាសេចក្ដីអំណរ និងភាពសុខសាន្ដ និងការលួងលោមចិត្ត ដែលអាចកើតមាននៅក្នុងព្រះវិហារបរិសុទ្ធ »។

សន្និសីទពហុស្ដេកនៅក្នុងទីក្រុងភ្នំពេញ

សាវក និងភរិយារបស់លោក រស់ ក៏បានផ្ដល់ការងារបម្រើដល់តម្រូវការខាងវិញ្ញាណរបស់ពួកបរិសុទ្ធថ្ងៃចុងក្រោយ ។ នៅពេលរសៀលថ្ងៃអាទិត្យ ទី ២១ ខែ មករា ឆ្នាំ ២០២៤ នៅក្នុងទីក្រុងភ្នំពេញ ពួកលោកបានថ្លែងទៅកាន់ពួកបរិសុទ្ធមកពីស្ដេកចំនួនពីរ ( ជាក្រុមមួយនៃពួកក្រុមជំនុំជាច្រើន ) និងមណ្ឌលចំនួនមួយ ។

ស៊ីស្ទើរ រិនឡាន់ បានកត់សម្គាល់ថា ពួកលោកអាចមើលឃើញព្រះវិហារបរិសុទ្ធភ្នំពេញកម្ពុជាកំពុងជិតសាងសង់ឡើងរួចរាល់ហើយ ។

ស៊ីស្ទើរ រិនឡាន់ មានប្រសាសន៍ថា « ខ្ញុំរំភើបចិត្តជំនួសបងប្អូនជាខ្លាំង » ។ « នេះគឺជាពេលដ៏អស្ចារ្យមួយដើម្បីរៀបចំខ្លួនធ្វើសេចក្ដីសញ្ញាជាមួយព្រះ ដើម្បីខិតមកកាន់តែជិតទ្រង់ និងទទួលពរជ័យតាមរយៈការចុះសេចក្ដីសញ្ញាទាំងនោះ » ។

អែលឌើរ រិនឡាន់ បានសម្ដែងការដឹងគុណចំពោះសេរីភាពខាងសាសនាដែលរដ្ឋាភិបាលកម្ពុជាបានផ្ដល់ឲ្យ ដែលអនុញ្ញាតឲ្យពួកបរិសុទ្ធអាចជួបប្រជុំគ្នាបាន ។ ហើយលោកបានលើកទឹកចិត្តដល់ពួកបរិសុទ្ធកម្ពុជាដើម្បីបន្ដនៅស្មោះត្រង់ចំពោះព្រះ ។

អែលឌើរ រិនឡាន់ បានមានប្រសាសន៍ថា « យើងបានរៀនថា បើយើងគឺជាសមាជិកស្មោះត្រង់របស់សាសនាចក្រ នោះព្រះនឹងប្រទានពរដល់ប្រទេសដែលយើងរស់នៅ » ។ « បើយើងចង់ធ្វើជាអ្នកស្នេហាជាតិនៅក្នុងប្រទេសកម្ពុជា សូមធ្វើជាសមាជិកស្មោះត្រង់មួយរូបរបស់សាសនាចក្រ —ពីព្រោះសេចក្ដីជំនឿ និងភាពស្មោះត្រង់របស់អ្នក នឹងទាញយកពរជ័យទាំងឡាយមកពីស្ថានសួគ៌ ។