សាលាក្រាំងពង្រ ទទួលយកការជួសជុលកែលម្អអគារថ្មី និងបរិក្ខារប្រព័ន្ឋទឹកស្អ

Krang-Pong-Ror-School-Renovations
សិស្សានុសិស្ស គ្រូបង្រៀន និងឥស្សរជនក្នុងតំបន់ថតរូបនៅមុខអគារដែលបានជួសជុលរបស់ពួកគេ ។ 2024 by Intellectual Reserve, Inc. All rights reserved.

នៅព្រឹកថ្ងៃទី ១៨ ខែ មករា ឆ្នាំ ២០២៤ សិស្សានុសិស្ស គ្រូបង្រៀន និងមន្ត្រីសាលាក្នុងមូលដ្ឋាន បានជួបជុំគ្នានៅសាលាក្រាំងពង្រ ក្នុងខណ្ឌដង្កោ រាជធានីភ្នំពេញ ដើម្បីទទួលការប្រគល់អគារសិក្សាថ្មីចំនួន ៣ ខ្នង និងសម្ភារបរិក្ខារផ្សេងៗជាផ្លូវការ ដែលសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយបានជួសជុល ជាផ្នែកនៃកិច្ចខិតខំប្រឹងប្រែងមនុស្សធម៌ទូទាំងពិភពលោករបស់សាសនាចក្រ ។ អគារដែលត្រូវបានជួសជុលត្រូវបានផ្តល់ជូនដើម្បីលើកកម្ពស់ផ្នែកអនាម័យ និងដោះស្រាយបញ្ហាទឹកលិចដែលរំខានដល់ប្រតិបត្តិការរបស់សាលាជាប្រចាំ ។

លោក ផាន់ ឡង់ឌី នាយកសាលាបានមានប្រសាសន៍ថា « យើងបានស្នើសុំឲ្យមានការជួសជុលការកែលម្អតែអគារមួយខ្នង ប៉ុន្តែសាសនាចក្របានជួសជុលកែលម្អអគារបីខ្នងឲ្យយើង ។ « ពួកគេក៏បានសាងសង់ឡដុតសម្រាម និងប្រព័ន្ធចម្រោះទឹកផងដែរ ។ វាបង្កើតជាបរិយាកាសថ្មីទាំងស្រុងដោយសារតែការជួសជុលកែលម្អយ៉ាងធំនេះ ។ ការជួសជុលកែលម្អនេះ រួមមានការរៀបឥដ្ឋឡើងកន្លះម៉ែត្រខ្ពស់ជាងមុន ដើម្បីការពារទឹកលិចដែលកើតឡើងនៅរដូវភ្លៀងធ្លាក់ដ៏ច្រើនរបស់ប្រទេសកម្ពុជា ។

1 / 2

Download Photos

បន្ថែមពីលើអគារដែលត្រូវបានជួសជុលកែលម្អ ការកែលម្អផ្សេងៗទៀតក៏រួមបញ្ចូលផងដែរនូវប្រព័ន្ធចម្រោះទឹកថ្មីដែលប្រើប្រាស់ខ្សាច់ដាក់គរគ្នាដើម្បីយកភាគល្អិត និងសារធាតុសរីរាង្គចេញពីអណ្តូងទឹក និងផ្ដល់កន្លែងលាងដៃថ្មីមួយសម្រាប់សិស្ស ។ ប្រព័ន្ធថ្មីនេះត្រូវបានរចនាឡើងដោយត្រូវការការថែទាំតិចតួចបំផុត និងជំនួសប្រព័ន្ធស្តុកទឹកចាស់ ដែលមានតែទឹកអណ្តូងដែលមិនចម្រោះ ។

1 / 2

Download Photos

ក្នុងពិធីនោះ លោក វ៉ាន់ សុគន្ធ ប្រធានផ្នែកអប់រំនៃសាលាខណ្ឌដង្កោ បានសង្កត់ធ្ងន់លើភាពគង់វង្សយូរអង្វែង និងការថែទាំអគារដែលបានជួសជុលថា « យើងត្រូវថែរក្សាអគារទាំងនេះ ។ អគារទាំងនេះគួរតែនៅធន់គង់វង្សបានយូរឆ្នាំ ។ វារឹតតែសំខាន់ដើម្បីមានការបង្រៀនប្រកបដោយគុណភាព » ។ លោកបានលើកទឹកចិត្តសិស្សឲ្យបន្តការសិក្សារបស់ពួកគេ ហើយប្រៀបធៀបសិស្សទៅនឹងបុព្វបុរសនៃប្រាសាទអង្គរវត្ត ។ « យើងក៏អាចសាងសង់អ្វីៗបានដែរ ។ យើងក៏អាចដោះស្រាយបញ្ហាបានដែរ » ។

លោក រ័ត្ន ច័ន្ទសុភា ប្រធានសមាគមនិកាយសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយនៅកម្ពុជា បានថ្លែងអំណរគុណដល់លោកគ្រូអ្នកគ្រូទាំងអស់ដែលបានចូលរួមក្នុងពិធីនៅថ្ងៃនេះ ។ លោកបានលើកទឹកចិត្តសិស្សានុសិស្សឲ្យបន្តការសិក្សារបស់ពួកគេ និងបានលើកឡើងពីប្រភពថវិកាសម្រាប់ការសាងសង់នេះ ។ លោកបន្តថា ៖ « យើងមានធនធានសម្រាប់ជួយក្នុងការជួសជុលកែលម្អទាំងនេះដោយសារការបរិច្ចាគពីមនុស្សជុំវិញពិភពលោកទាំងអ្នកមាននិងអ្នកក្រ ។ យើងសូមអរគុណដល់លោកគ្រូ អ្នកគ្រូ ដែលខំប្រឹងប្រែងអប់រំដល់កុមារ ។ យើងជឿជាក់យ៉ាងខ្លាំងលើការអប់រំ » ។

អែលឌើរ រីឆាដ ហ្គើឡាច ជាពួកផ្សព្វផ្សាយសាសនាផ្នែកមនុស្សធម៌នៃសាសនាចក្រ ដែលទទួលខុសត្រូវក្នុងការគ្រប់គ្រងគម្រោងនេះ បានបង្ហាញដល់នាយកសាលាជាមួយនឹងឯកសារដែលមានរូបថតមុន និងក្រោយគម្រោងនេះ ។ « ដើមឡើយយើងមិនគិតពីការមកទីនេះទេ ប៉ុន្តែបានដឹងអំពីសាលាតាមរយៈគម្រោងមួយផ្សេងទៀត ។ យើងជឿលើព្រះវិញ្ញាណដែលដឹកនាំកិច្ចការរបស់យើង ហើយព្រះវិញ្ញាណនោះបានដឹកនាំយើងទៅរកអ្នក » ។

នាយកសាលា ផាន់ ឡង់ឌី បានមានប្រសាសន៍ទាំងញញឹមថា « គ្រូបង្រៀនទាំងអស់ដែលនៅតែធ្វើការនៅក្នុងអគារចាស់ៗ មានការច្រណែននឹងគ្រូបង្រៀនដែលបង្រៀននៅក្នុងអគារដែលបានកែលម្អហើយនេះ » ។

1 / 2

Download Photos

អគារដែលបានជួសជុលកែលម្អនេះគឺស្ថិតក្នុងចំណោមគម្រោងមនុស្សធម៌ជាច្រើនទៀតដែលសាសនាចក្រនៅកម្ពុជាបានប្រតិបត្តិការ ដែលជាផ្នែកមួយនៃការពន្លឿនកិច្ចខិតខំប្រឹងប្រែងទូទាំងពិភពលោកក្នុងការកាត់បន្ថយភាពក្រីក្រ កែលម្អសុខភាព និងជំរុញការអប់រំ និងភាពខ្លួនទីពឹងខ្លួន ។

Krang-Pong-Ror-School-Renovations

Krang-Pong-Ror-School-Renovations

Krang-Pong-Ror-School-Renovations