DSCF3340.jpg
រថយន្តគិលានសង្គ្រោះពណ៌លឿងខ្ចីបានត្រៀមជាស្រេចនៅមុខទីស្នាក់ការខេត្តកំពង់ចាម ដែលជានិមិត្តរូបនៃជំពូកថ្មីសម្រាប់សេវាថែទាំផ្នែកសង្គ្រោះបន្ទាន់ ។© 2024 by Intellectual Reserve, Inc. All rights reserved.នៅថ្ងៃទី ១៩ ខែ ធ្នូ ឆ្នាំ ២០២៣ មន្ត្រីរដ្ឋាភិបាល និងអ្នកតំណាងនៃសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ បានជួបជុំគ្នានៅទីស្នាក់ការកណ្តាលខេត្តកំពង់ចាម ដើម្បីធ្វើជាសាក្សីនៃការមកដល់នៃរថយន្តគិលានសង្គ្រោះពីរគ្រឿងដែលសាសនាចក្របានបរិច្ចាគដល់មន្ទីរពេទ្យបង្អែកព្រៃឈរ និងជើងព្រៃ ។ រថយន្តគិលានសង្គ្រោះថ្មីៗទាំងនេះ នឹងជួយអ្នកជំងឺជាច្រើននាក់ក្នុងខេត្តកំពង់ចាម បង្កភាពងាយស្រួលធ្វើដំណើរដើម្បីទទួលបានសេវាសុខាភិបាលល្អបំផុតដែលមាន ។
DSCF3348.jpg
ឯកឧត្តម អ៊ុន ចាន់ដា អភិបាលខេត្តកំពង់ចាម ស្វាគមន៍ដល់អ្នកចូលរួមដោយកាយវិការសំពះតាមប្រពៃណី បង្ហាញពីការដឹងគុណ និងការគោរព ។ © 2024 by Intellectual Reserve, Inc. All rights reserved.អភិបាលខេត្តកំពង់ចាម ឯកឧត្តម អ៊ុន ចាន់ដា ប្រគល់ជូនលោក រ័ត្ន ច័ន្ទសុភា ជាប្រធានសមាគមនិកាយសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយនៅកម្ពុជា នូវវិញ្ញាបនបត្រថ្លែងអំណរគុណចំពោះការបរិច្ចាគពីសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ ។ ឯកឧត្តម ស្រី សុភ័ក្រ្ត អភិបាលរងខេត្តកំពង់ចាម និងថ្នាក់ដឹកនាំមន្ទីរពេទ្យបង្អែកព្រៃឈរ និងមន្ទីរពេទ្យបង្អែកជើងព្រៃ ក៏បានអញ្ជើញចូលរួមក្នុងពិធីនេះផងដែរ ។
DSCF3361.jpg
អភិបាលខេត្តកំពង់ចាម ឯកឧត្តម អ៊ុន ចាន់ដា ប្រគល់ជូនលោក រ័ត្ន ច័ន្ទសុភា ប្រធានសមាគមនិកាយសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយនៅកម្ពុជា នូវវិញ្ញាបនបត្រថ្លែងអំណរគុណចំពោះការបរិច្ចាគរថយន្តគិលានសង្រ្គោះ ។ ក៏មានវត្តមានអភិបាលរងខេត្ត ឯកឧត្តម ស្រី សុភ័ក្រ កញ្ញា យន សូផាណែត លោក គង់ ចាន់ណាក់ និងថ្នាក់ដឹកនាំមន្ទីរពេទ្យមកពីមន្ទីរពេទ្យបង្អែកព្រៃឈរ និងជើងព្រៃ ។ © 2024 by Intellectual Reserve, Inc. All rights reserved.រថយន្តគិលានសង្គ្រោះថ្មីៗនឹងជួយដល់ទំនាក់ទំនងដឹកជញ្ជូនដ៏សំខាន់ៗរវាងសហគមន៍ និងបណ្តាញសេវាសុខាភិបាលដែលបម្រើដល់ខេត្តកំពង់ចាម ។ មន្ទីរពេទ្យបង្អែកព្រៃឈរ មានទីតាំងនៅក្នុងក្រុងកំពង់ចាម ដឹកជញ្ជូនអ្នកជំងឺជាង ១២,០០០ នាក់ក្នុងមួយឆ្នាំៗ ពីភូមិទៅកាន់មណ្ឌលសុខភាពក្នុងស្រុក មណ្ឌលសុខភាពខេត្ត ហើយម្តងម្កាលដឹកជូនមកមន្ទីរពេទ្យភ្នំពេញចម្ងាយប្រមាណជា ១០០ គីឡូម៉ែត្រ ។ មន្ទីរពេទ្យបង្អែកជើងព្រៃ ដែលមានទីតាំងនៅជនបទស្រុកព្រៃឈរ ដឹកជញ្ជូនអ្នកជំងឺជាង ៥០០ នាក់ក្នុងមួយឆ្នាំៗ ទៅកាន់កន្លែងផ្សេងទៀត ហើយរថយន្តគិលានសង្គ្រោះចាស់របស់មន្ទីរពេទ្យបានប្រើប្រាស់លើសចម្ងាយផ្លូវជាង ១,០០០,០០០ គីឡូម៉ែត្ររួចហើយ ។
DSCF3386.jpg
មន្ត្រីខេត្តកំពង់ចាម និងអ្នកតំណាងខាងសាសនាចក្រពិភាក្សាអំពីរថយន្តគិលានសង្គ្រោះដែលទើបបរិច្ចាគថ្មីៗ ។ © 2024 by Intellectual Reserve, Inc. All rights reserved.ការបរិច្ចាគរថយន្តគិលានសង្គ្រោះដល់ខេត្តកំពង់ចាម គឺជាផ្នែកមួយរបស់ កិច្ចខិតខំលើកកម្ពស់សុខភាពកម្ពុជា (CHIE) ដែលផ្តល់ជំនួយមនុស្សធម៌សម្រាប់ប្រជាជនកម្ពុជាដែលខ្វះខាត ។ ដោយមានកិច្ចសហការជាមួយរដ្ឋាភិបាល និងអ្នកដឹកនាំសេវាសុខាភិបាល កម្មវិធី CHIE ផ្តល់គម្រោងជាការបណ្តុះបណ្តាល ឧបករណ៍ និងសំណង់ជាច្រើន ។ កម្មវិធីនេះបានចាប់ផ្ដើមនៅឆ្នាំ ២០១៨ ដោយគណៈប្រធានតំបន់អាស៊ីនៃសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ ។
DSCF3402.jpg
មន្ត្រីខេត្តកំពង់ចាម និងអ្នកតំណាងខាងសាសនាចក្រពិភាក្សាអំពីរថយន្តគិលានសង្គ្រោះដែលទើបបរិច្ចាគថ្មីៗ ។ © 2024 by Intellectual Reserve, Inc. All rights reserved.មន្ត្រីខេត្ត និងអ្នកគ្រប់គ្រងមន្ទីរពេទ្យទាំងពីររូបបានសម្តែងការដឹងគុណចំពោះរថយន្តគិលានសង្គ្រោះថ្មីដែលសាសនាចក្របានបរិច្ចាគ ។ ពួកលោកបានអរគុណដល់សាសនាចក្រសម្រាប់ជំនួយដ៏សប្បុរសដែលបានផ្តល់ក្នុងគម្រោងមនុស្សធម៌ពីមុននៅក្នុងខេត្តនេះ ។ លោក សារ៉ាក់ មុន្នី អនុប្រធានមន្ទីរសុខាភិបាលខេត្តកំពង់ចាម មានប្រសាសន៍ថា « រថយន្តគិលានសង្គ្រោះរបស់យើងចាស់ៗណាស់ ហើយខូចជាញឹកញាប់ ហើយយើងមិនអាចផ្ដល់សេវាកម្មដល់អ្នកជំងឺបានល្អនោះទេ » ។ « រថយន្តគិលានសង្គ្រោះថ្មីទាំងនេះនឹងក្លាយជាការពង្រឹងបន្ថែមដ៏អស្ចារ្យ » ។
