សាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ ជំរុញគាំទ្រសេវា

Vital-Hospital-Equipment-Contributions-in-Phnom-Penh
Key figures gather for a landmark healthcare initiative in Phnom Penh: Deputy Governor at center stage, flanked by Dr. Heng, Elder Muhlstein, and Chansopea Reath, symbolizing a collaboration for progress2024 by Intellectual Reserve, Inc. All rights reserved.

នៅថ្ងៃទី ១១ ខែ មករា ឆ្នាំ ២០២៤ មន្ទីរសុខាភិបាលរាជធានីភ្នំពេញបានរៀបចំពិធីប្រកាសទទួលគ្រឿងបរិក្ខារពេទ្យយ៉ាងច្រើនសន្ធឹកសន្ធាប់ និងការជួសជុលកែលម្អអគារដោយសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ នៅទូទាំងមន្ទីរពេទ្យបង្អែកចំនួនប្រាំបីក្នុងតំបន់រាជធានីភ្នំពេញក្នុងរយៈពេលដប់ពីរខែកន្លងមកនេះ ។

លោកវេជ្ជបណ្ឌិត ផល្លី សុផានី គ្រូពេទ្យមន្ទីរពេទ្យបង្អែកសែនសុខ បានចាប់ផ្តើមពិធីដោយទទួលស្វាគមន៍ ឯកឧត្តម អ៊ីមរ៉ន ហាស្សាន់ អភិបាលរងរាជធានីភ្នំពេញ និងភ្ញៀវកិត្តិយសជាច្រើនរូបទៀត ។ ឯកឧត្តមវេជ្ជបណ្ឌិត ងី មានហេង ប្រធានមន្ទីរសុខាភិបាលរាជធានីភ្នំពេញ បានចាប់ផ្តើមពិធីដោយថ្លែងអំណរគុណចំពោះសាសនាចក្រសម្រាប់ការតាំងចិត្តយ៉ាងមុតមាំក្នុងការលើកកម្ពស់សេវាសុខាភិបាលនៅកម្ពុជា ។

អែលឌើរ ប្រីនធ៍ ម្ញ៉ូលស្ទីន ជាគ្រូពេទ្យឯកទេសជំងឺបេះដូង និងជាអ្នកផ្សព្វផ្សាយសាសនាផ្នែកមនុស្សធម៌របស់សាសនាចក្រ ដែលជួយមើលការខុសត្រូវលើគម្រោងនេះ បានរំឭកអំពីជំនួបលើកដំបូងរបស់លោកជាមួយឯកឧត្តមវេជ្ជបណ្ឌិត ហេង ដែលជាមនុស្សដំបូងដែលគាត់បានជួបនៅពេលគាត់មកប្រទេសកម្ពុជាជាលើកដំបូងកាលពី ១៧ ខែមុន ។ ឯកឧត្តមវេជ្ជបណ្ឌិត ហេង បានចែកចាយជាមួយ អែលឌើរ ម្ញ៉ូលស្ទីន នូវចក្ខុវិស័យរបស់ឯកឧត្តម ក្នុងការកែលម្អសេវាសុខាភិបាលសម្រាប់ជំងឺមិនឆ្លង ដូចជាជំងឺទឹកនោមផ្អែម ដែលកំពុងតែកើនឡើងនៅក្នុងប្រទេសកម្ពុជា ។ ឯកឧត្តមវេជ្ជបណ្ឌិត ហេង បានប្រាប់អែលឌើរ ម្ញ៉ូលស្ទីន ថា លោកអាចផ្តល់ការអប់រំដល់បុគ្គលិកពេទ្យ ប៉ុន្តែត្រូវការឧបករណ៍វេជ្ជសាស្ត្រឯកទេសចាំបាច់ដើម្បីផ្តល់ការថែទាំជំងឺទាំងនេះ ។ លោកបានស្នើសុំជាពិសេសនូវម៉ាស៊ីន អេម៉ូក្លូប៊ីន A1C ដែលមានសារៈសំខាន់សម្រាប់ការធ្វើរោគវិនិច្ឆ័យ និងការព្យាបាលជំងឺទឹកនោមផ្អែម ។ លោកក៏បានស្នើសុំឧបករណ៍ថតកាំរស្មីអ៊ិច ដើម្បីជួយដល់ផ្នែកដែលមានការបាក់ឆ្អឹង និង ម៉ាស៊ីនវាស់ចង្វាក់បេះដូង (EKG) ដែលមានសារៈសំខាន់ក្នុងការព្យាបាលជំងឺបេះដូង ។

អ្នកជំងឺរាប់ពាន់នាក់បានទទួលអត្ថប្រយោជន៍រួចហើយពីការប្រើប្រាស់ម៉ាស៊ីនទាំងនេះ ។ អែលឌើរ ម្ញ៉ូលស្ទីន បានមានប្រសាសន៍ថា « ខ្ញុំមានការចាប់អារម្មណ៍យ៉ាងខ្លាំងចំពោះគុណភាពបុគ្គលិកសុខាភិបាលនៅមន្ទីរពេទ្យទាំងនេះ ។ ពួកគេមានការអប់រំល្អ និងជំនាញល្អ ។ ពួកគេត្រូវការតែឧបករណ៍ប៉ុណ្ណោះ » ។

លោក រ័ត្ន ច័ន្ទសុភា ប្រធានសមាគមនិកាយសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយនៅកម្ពុជា បានរំឭកដល់អ្នកចូលរួមពិធីថា អំណោយសម្រាប់មន្ទីរពេទ្យបង្អែកទាំងនេះបានមកពីសមាជិកសាសនាចក្រមកពី ១៨៨ ប្រទេសជុំវិញពិភពលោក ។ គាត់បានមានប្រសាសន៍ថា « យើងពេញចិត្តចំពោះទំនាក់ទំនងដែលយើងមានជាមួយសហគមន៍វេជ្ជសាស្ត្រ ហើយចង់បន្តមានទំនាក់ទំនងដ៏អស្ចារ្យនេះ » ។

នៅក្នុងសុន្ទរកថា ឯកឧត្តម ហាស្សាន់ បានថ្លែងអំណរគុណដល់សាសនាចក្រ និងថ្នាក់ដឹកនាំមន្ទីរពេទ្យ ដែលបានអនុវត្តគម្រោងដ៏អស្ចារ្យនេះ ។ « សមាគមនិកាយ ( នៃសាសនាចក្រ ) ចង់ជួយកែលម្អសេវាសុខាភិបាលនៅទីនេះក្នុងប្រទេសកម្ពុជា ។ យើងសូមអរគុណយ៉ាងខ្លាំងចំពោះការជួសជុលកែលម្អ និងឧបករណ៍ និងការបណ្តុះបណ្តាល » ។ បន្ទាប់មក ឯកឧត្តមបានប្រគល់វិញ្ញាបនបត្រនៃការថ្លែងអំណរគុណដល់តំណាងសាសនាចក្រដែលទាក់ទងនឹងគម្រោងនេះ ។

ពិធីប្រគល់នេះបានធ្វើឡើងក្រោមតង់ពណ៌ក្រហម និងខៀវ នៅខាងក្រៅមន្ទីរពេទ្យបង្អែកសែនសុខ ជាមន្ទីរពេទ្យមួយក្នុងចំណោមមន្ទីរពេទ្យទាំង ៨ ដែលទទួលបានអត្ថប្រយោជន៍ពីគម្រោងនេះ ។ មន្ទីរពេទ្យផ្សេងទៀតមាន មន្ទីរពេទ្យបង្អែកដង្កោ មន្ទីរពេទ្យបង្អែកច្បារអំពៅ មន្ទីរពេទ្យបង្អែកពោធិ៍ចិនតុង មន្ទីរពេទ្យបង្អែករាជធានីភ្នំពេញ មន្ទីរពេទ្យបង្អែកសម្តេចឪសម្ដេចម៉ែ មន្ទីរពេទ្យបង្អែកចតុមុខ និងមន្ទីរពេទ្យបង្អែកព្រែកព្នៅ ដែលមានទីតាំងនៅក្នុងរាជធានីភ្នំពេញ ។ ជាភ័ព្វសំណាង ឧបករណ៍ទាំងនេះមាននៅនឹងកន្លែង និងរួចរាល់សម្រាប់ប្រើប្រាស់ នៅពេលដែលមានការផ្ទុះឧស្ម័នពុលនៅរោងចក្រទឹកកកក្បែរនោះ តម្រូវឲ្យសម្រាកព្យាបាលនៅមន្ទីរពេទ្យបង្អែក សម្តេចឪ សម្តេចម៉ែ កាលពីខែកញ្ញា ឆ្នាំ ២០២៣ ។

1 / 2

Download Photos

ការបរិច្ចាគឧបករណ៍ និងការជួសជុលកែលម្អអគារនៅមន្ទីរពេទ្យក្នុងរាជធានីភ្នំពេញទាំងប្រាំបី ដែលបានរៀបរាប់ខាងលើគឺជាផ្នែកមួយនៃកិច្ចខិតខំលើកកម្ពស់សុខភាពកម្ពុជា (CHIE) ដែលរៀបចំឡើងដោយគណៈប្រធានតំបន់អាស៊ីនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ CHIE គឺជាវិធីសាស្រ្តថ្មីមួយដើម្បីកែលម្អសេវាសុខាភិបាល និងផ្តល់ជំនួយមនុស្សធម៌សម្រាប់ប្រជាជនកម្ពុជាដែលខ្វះខាត ។ ដោយធ្វើការសហការជាមួយរដ្ឋាភិបាល និងអ្នកដឹកនាំផ្នែកសេវាសុខាភិបាល CHIE ផ្តល់ការបណ្តុះបណ្តាលលើផ្នែកឧបករណ៍ និងការសាងសង់អគារ និងជំនួយជួសជុលកែលម្អថ្មី ។ កម្មវិធីនេះត្រូវបានចាប់ផ្ដើមនៅឆ្នាំ ២០១៨ ។

Vital-Hospital-Equipment-Contributions-in-Phnom-Penh

Vital-Hospital-Equipment-Contributions-in-Phnom-Penh

Vital-Hospital-Equipment-Contributions-in-Phnom-Penh

Vital-Hospital-Equipment-Contributions-in-Phnom-Penh

Vital-Hospital-Equipment-Contributions-in-Phnom-Penh

Vital-Hospital-Equipment-Contributions-in-Phnom-Penh