នាល្ងាចថ្ងៃទី២៤ ខែឧសភា ឆ្នាំ២០២៤ ស៊ីស្ទើរ អេមមី អេ រ៉ាយ ជាទីប្រឹក្សាទីមួយក្នុងគណៈប្រធានអង្គការបឋមសិក្សាទូទៅនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បានអញ្ជើញមកដល់កោះសិង្ហបុរី ។ នេះជាលើកទីមួយហើយដែលគាត់បានបោះជំហានចូលក្នុងតំបន់ដែលត្រូវបានស្គាល់ថាមានភាពចម្រុះនៃជំនឿ វប្បធម៌ និងប្រជាជន នៅពេលដែលគាត់ និងស្វាមីរបស់គាត់លោក ជេមស៍ បានចាប់ផ្តើមដំណើរបំពេញបេសកកម្មរយៈពេលប្រាំបួនថ្ងៃនៅទូទាំងតំបន់អាស៊ីអាគ្នេយ៍ ។
ច្រើនឆ្នាំកន្លងទៅហើយ លោក ជេមស៍ បានបម្រើនៅក្នុងទីក្រុងវ៉ាស៊ីនតោន ឌី.ស៊ី កាលបម្រើជាអ្នកផ្សព្វផ្សាយសាសនាវ័យក្មេងបានធ្វើការងារបម្រើដល់សហគមន៍តំបន់អាស៊ីអាគ្នេយ៍ដែលមានប្រជាជនរស់នៅទីនោះ ។ ស៊ីស្ទើរ រ៉ាយ បានមានប្រសាសន៍អំពីការទទួលនូវការចាត់តាំងក្នុងដំណើរទស្សនកិច្ចនេះថា « ស្វាមីខ្ញុំ និងខ្ញុំមានចិត្តរំភើបណាស់ ។ ទីនេះគឺជាមួយចំហៀងទៀតនៃពិភពលោកដែលយើងមិនធ្លាប់មកពីមុនឡើយ ។ ហេតុដូច្នេះ យើងពិតជារំភើបចិត្តខ្លាំងណាស់ដែលបានមក ហើយជួបពួកបរិសុទ្ធដ៏ស្រស់ស្អាតនៅទីនេះ ហើយធ្វើការងារបម្រើដល់ពួកគេ » ។
ដោយមានបទពិសោធន៍ជីវិតចម្រុះ និងភាពរឹងមាំដ៏ពិសេសរបស់គាត់នោះ ស៊ីស្ទើរ រ៉ាយ បានត្រៀមខ្លួនចែកចាយសេចក្តីស្រឡាញ់របស់ព្រះជាមួយនឹងមនុស្សទាំងអស់ដែលគាត់បានជួប ។ ចេញពីផ្ទះដែលសង់ដោយដៃខ្លួនឯង រហូតដល់ផ្នែកខាងក្នុងនៃការិយាល័យរដ្ឋាភិបាល គាត់បាននាំមកនូវភាពកក់ក្តៅដល់កន្លែងនីមួយៗ ក្នុងនាមជាអ្នកតំណាងនៃសាសនាចក្រ និងជាសាក្សីនៃព្រះយេស៊ូវគ្រីស្ទ ។ ហើយជាលទ្ធផល មនុស្សទាំងចាស់ទាំងក្មេងបានចែកចាយដោយបើកដួងចិត្តរបស់ពួកគេ ។
អំណោយរតនសម្បត្តិ
ដំណើរទស្សនកិច្ចលើកដំបូងរបស់ស៊ីស្ទើរ រ៉ាយ នៅថ្ងៃទី២៥ ខែឧសភា ឆ្នាំ២០២៤ គឺនៅវិហារឥស្លាមដែលមានឈ្មោះថា Ba'alwie ។ គាត់ត្រូវបានណែនាំឲ្យស្គាល់លោក អ៊ីមេន ស៊ីដ ហាសាន់ ម៉ូហាម៉េដ អៃ-អាតាស ដែលជាអ្នកដឹកនាំសាសនានៅក្នុងវិហារនេះយ៉ាងកក់ក្ដៅ ដែលឪពុករបស់លោកបានសាងសង់ និងជាអ្នកគាំទ្រគោរពឲ្យតម្លៃនៃអន្តរជំនឿ ។ ពួកគាត់បានយល់ស្របគ្នាលើសារៈសំខាន់នៃការចែកចាយតម្លៃបែបនេះពីយុវវ័យ ហើយបានផ្លាស់ប្តូរដំណើររឿងអំពីសកលលោកនៃមនុស្សជាតិ ។
![1.-Handover-of-the-BOM.jpg](https://news-sg.churchofjesuschrist.org/media/285x285/1.-Handover-of-the-BOM.jpg)
1.-Handover-of-the-BOM.jpg
ស៊ីស្ទើរ អេមមី អេ រ៉ាយ សម្លឹងមើលលោក អ៊ីមេន ស៊ីដ ហាសាន់ ម៉ូហាម៉េដ អៃ-អាតាស នៃព្រះវិហារឥស្លាម Ba'alwie ក្នុងប្រទេសសិង្ហបុរី អានព្រះគម្ពីរមរមនដែលជាអំណោយទើបជូនលោកជាភាសាអារ៉ាប់របស់លោក អំឡុងពេលទស្សនកិច្ចវិហារអ៊ីស្លាមរបស់លោក នៅថ្ងៃទី២៥ ខែឧសភា ឆ្នាំ២០២៤ ដែលជាផ្នែកនៃដំណើរផ្ដល់ការងារបម្រើនៅតំបន់អាស៊ីអាគ្នេយ៍របស់គាត់ ។2024 by Intellectual Reserve, Inc. All rights reserved.ពេលវេលាដ៏ពិសេសមួយបានកើតឡើងនៅពេលដែលអែលឌើរ មីហ្គែល ថេ ក្នុងគណៈប្រធានតំបន់អាស៊ីនៃសាសនាចក្រដែលកំពុងអមដំណើរគ្រួសារ រ៉ាយ បានបង្ហាញព្រះគម្ពីរមរមនរបស់ខ្លួនទៅកាន់លោក អ៊ីមេន ។ ស៊ីស្ទើរ រ៉ាយ បានធ្វើជាសាក្សីនូវភាពរីករាយ និងការមិនជឿរបស់លោក អ៊ីមេន ហើយបានរៀបរាប់ថា « នៅពេលលោកបានទទួលព្រះគម្ពីរមរមន … ដែលមានឈ្មោះរបស់លោកនៅលើក្រប ហើយឈ្មោះលោកសរសេរជាភាសាអារ៉ាប់ទៀត នោះទឹកមុខរបស់លោករីករាយជាខ្លាំង ។ ហើយលោកចាប់ផ្ដើមបើកព្រះគម្ពីរមរមនដោយក្ដីស្រឡាញ់ និងដោយភាពទន់ភ្លន់ដូចជារតនសម្បត្តិដែលទើបរកឃើញ » ។
លោក អ៊ីមេន ហាសាន់ បានបញ្ជាក់ថា « នេះជារតនសម្បត្តិដ៏ធំសម្រាប់យើង » ហើយយកព្រះគម្ពីរមរមនទៅដាក់តាំងក្នុងសារមន្ទីរនៃព្រះគម្ពីរបុរាណ និងដ៏កម្រនៃវិហារអ៊ីស្លាមរបស់លោក ។ កាលលោកជូនបងប្រុស និងស៊ីស្ទើរ រ៉ាយ នៅក្នុងដំណើរទស្សនកិច្ចទស្សនាការសន្សំទុកវត្ថុផ្សេងៗ ដែលបានរៀបចំដោយក្ដីស្រឡាញ់របស់លោក ដែលវត្ថុខ្លះមានអាយុកាលជាង ៦០០ ឆ្នាំ ស៊ីស្ទើរ រ៉ាយ បានសង្កេតឃើញថា លោកបានទុកកន្លែងមួយសម្រាប់ព្រះគម្ពីរមរមនជាភាសាអារ៉ាប់របស់លោក « នៅកន្លែងកិត្តិយស … នៅជាប់នឹងសំណេរដ៏បរិសុទ្ធផ្សេងទៀត » ។
![2.-Museum-Tour.jpg](https://news-sg.churchofjesuschrist.org/media/960x540/2.-Museum-Tour.jpg)
2.-Museum-Tour.jpg
ស៊ីស្ទើរ អេមមី រ៉ាយ និងស្វាមីរបស់គាត់លោក ជេមស៍ មើលព្រះគម្ពីរប៊ីបពីបុរាណដែលលោក អ៊ីមេន ហាសាន់ បង្ហាញដល់ពួកគាត់នៅវិហារឥស្លាម Ba'alwie ក្នុងប្រទេសសិង្ហបុរី ។ លោកបាននាំពួកគាត់ទៅទស្សនាសារមន្ទីរផ្ទាល់ខ្លួនរបស់លោកដែលមានព្រះគម្ពីរអន្តរជំនឿក្នុងអំឡុងពេលទស្សនកិច្ចរបស់ស៊ីស្ទើរ រ៉ាយ ទៅវិហារឥស្លាមនាថ្ងៃទី២៥ ខែឧសភា ឆ្នាំ២០២៤ ដែលជាផ្នែកមួយនៃដំណើរទស្សនកិច្ចនៅតំបន់អាស៊ីអាគ្នេយ៍របស់គាត់ ។2024 by Intellectual Reserve, Inc. All rights reserved.ការចូលរួមក្នុងការងារមនុស្សធម៌
នៅទីក្រុងគូឈីង ប្រទេសម៉ាឡេស៊ី ស៊ីស្ទើរ រ៉ាយ បានជួបជាមួយអង្គការមនុស្សធម៌ចំនួនពីរដែលសាសនាចក្របានឧបត្ថម្ភ និងចូលរួមក្នុងគម្រោងបម្រើមួយជាមួយយុវវ័យ ព្រមទាំងពួកអ្នកផ្សព្វផ្សាយសាសនា ដើម្បីបរិច្ចាគសម្ភារអនាម័យដល់សាលារៀន និងសិស្សានុសិស្សដែលកំពុងខ្វះខាត ក្នុងអំឡុងពិធីបុណ្យប្រមូលផលក្នុងមូលដ្ឋាននៅ ហ្គាវ៉ៃ នោះផងដែរ ។ ក្រោយមកទៀតគឺជាកិច្ចសហការជាមួយសមាគមអឌ្ឍចន្ទក្រហមម៉ាឡេស៊ីក្នុងមូលដ្ឋាន ។
គេហដ្ឋាន សារ៉ាវ៉ាក់ ឆេសៀ ផ្តល់ការស្នាក់នៅ និងសេវាកម្មផ្សេងទៀតសម្រាប់ជនពិការ និងអ្នកមានជំងឺរ៉ាំរ៉ៃ ។ សាសនាចក្របានជួយកែលម្អអគារផ្សេងៗ ។ ជេន សេបាសៀន ជាអ្នកគ្រប់គ្រងផ្ទះស្នាក់នៅបានឆ្លុះបញ្ចាំងថា « អ្វីដែលខ្ញុំចូលចិត្តគឺថា វាមិនចំណាយពេលយូរពេកមុនពេលទទួលបានការអនុម័តឡើយ ។ នោះគឺជារឿងដ៏ល្អបំផុតមួយ ។ ខ្ញុំពិតជាពេញចិត្តចំពោះកិច្ចការនេះណាស់ ដូច្នេះខ្ញុំសង្ឃឹមថាអ្នកនឹងបន្តទំនាក់ទំនងដ៏ល្អរបស់អ្នកទៀត ។ យើងត្រូវការមនុស្សដូចជាអ្នក » ។
នៅឯអង្គការ វិសលែន គូឈីង លោកស្រី អាហ្គនីស ស៊ីបាត អ្នកគ្រប់គ្រងមជ្ឈមណ្ឌលបានជូនស៊ីស្ទើរ រ៉ាយ ធ្វើទស្សនកិច្ចជុំវិញបរិវេណនោះដែលជាកន្លែងបម្រើដល់កុមារ និងមជ្ឈិមវ័យដែលមានបញ្ហាខួរក្បាលតាមរយៈសេវាកម្មជាច្រើន ។ លោកស្រី អាហ្គនីស បានរៀបរាប់ថាដំបូងឡើយគាត់គិតថាការទាក់ទងរបស់សាសនាចក្រគឺជាការឆបោក « ដោយសារតែពីមុន យើងមិនដែលមានអង្គការណាមកពីក្រៅប្រទេសម៉ាឡេស៊ីដែលចង់ជួយ វិសលែន ឡើយ » ។ គាត់បានថ្លែងថា « ខ្ញុំមានអំណរគុណយ៉ាងខ្លាំងចំពោះក្រុមមកពីសាសនាចក្រសម្រាប់ឆន្ទៈរបស់ពួកគេក្នុងការជួយ និងរួមចំណែកដល់អង្គការរបស់យើង » ។
- 17.-MY-Cheshire-Home-visit.jpg
- 18.-MY-Wishesland-Kuching-visit.jpg
- 24.-MY-sch-distribution-muslim-girl.jpg
- 25.-MY-mass-group-photo.jpg
- 26.-MY-pose-with-children.jpg
- 27.-MY-impromptu-missionary-dance-at-sch.jpg
Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
នៅថ្ងៃចុងក្រោយនៅក្នុងទីក្រុងគូឈីង នាថ្ងៃទី២៩ ខែឧសភា ឆ្នាំ២០២៤ ស៊ីស្ទើរ រ៉ាយ បានអញ្ជើញចូលរួមក្នុងពិធីចែកអំណោយដល់សាលាបឋមសិក្សា សេកូឡា កេបាំងសាន ស៊ីម៉េងហ្គក ដែលគាត់បានថ្លែងសុន្ទរកថាទៅកាន់កុមារដែលបានមកជួបជុំគ្នា និងគ្រួសារដែលមានប្រាក់ចំណូលទាបរបស់ពួកគេ ។ គាត់បានថ្លែងថា ៖ « ខ្ញុំនៅទីនេះក្នុងនាមជាអ្នកតំណាងរបស់ព្រះយេស៊ូវគ្រីស្ទ ។ ខ្ញុំបានធ្វើដំណើរតាំងពីសហរដ្ឋអាមេរិកមក ពីព្រោះខ្ញុំចង់ឲ្យបងប្អូនដឹងថា បងប្អូនក៏មានគេស្រឡាញ់ បងប្អូនមានតម្លៃ » ។
គាត់បានចូលរួមចែកកាបូបចំនួន ៨០ និងសម្ភារអនាម័យ ដែលយុវវ័យរបស់សាសនាចក្របានរៀបដាក់បញ្ចូលគ្នារួចស្រេច ។ នៅចន្លោះពេលសម្រាក ប្រធានបេសកកម្មសិង្ហបុរីគឺប្រធាន ថាយ ថុលម៉ាន់ ដែលជាជនជាតិម័រី ព្រមជាមួយក្រុមពួកអ្នកផ្សព្វផ្សាយសាសនារបស់លោកធ្វើការសម្តែងដែលមិនបានគ្រោងទុកដ៏ល្បីមួយហៅថា ហាកា និងរបាំស្វាគមន៍របស់ជនជាតិម័រីរៀងៗខ្លួន ។ បុគ្គលិកសាលា រួមទាំងគ្រូបង្រៀន ហើយនិងនាយកសាលាចូលរួមសម្តែងដោយមិនបានគ្រោងទុក ដែលបានញុំាងឲ្យទស្សនិកជនរីករាយជាមួយនឹងការរាំតាមចង្វាក់ Gawai ដ៏ពេញនិយម ស្របពេលពួកអ្នកផ្សព្វផ្សាយសាសនា និងយុវវ័យក៏រត់ឡើងលើវេទិកាចូលរួមសម្តែងជាមួយពួកគេផងដែរ ។
ការស្ថាបនាទំនាក់ទំនងជាមួយរដ្ឋាភិបាល
នៅពេលមកដល់ខេត្តសៀមរាប នៃព្រះរាជាណាចក្រកម្ពុជា នៅថ្ងៃទី៣១ ខែឧសភា ឆ្នាំ២០២៤ ស៊ីស្ទើរ រ៉ាយ បានជួបជាមួយអភិបាលរងខេត្តដែលទើបចូលកាន់តំណែងថ្មីៗ ឯកឧត្តម ង៉ូវ សេងកាក់ ដើម្បីពិភាក្សាអំពីកិច្ចសហការមនុស្សធម៌បន្ថែមទៀត ។ ឯកឧត្តមបានថ្លែងអំណរគុណដល់សាសនាចក្រសម្រាប់កិច្ចការសប្បុរសធម៌តាំងពីដើមរហូតមកដល់ពេលនេះ ។ លោកបានប្រាប់ស៊ីស្ទើរ រ៉ាយ ឲ្យជ្រាបថា « អ្នកបានរួមចំណែកយ៉ាងច្រើនដល់ខេត្តសៀមរាប ។ យើងទន្ទឹងរង់ចាំបង្កើតទំនាក់ទំនងដ៏ស្អិតល្មួតបន្ថែមទៀតនាពេលអនាគត » ។
![31.-CM-govt-visit.jpg](https://news-sg.churchofjesuschrist.org/media/960x540/31.-CM-govt-visit.jpg)
31.-CM-govt-visit.jpg
ស៊ីស្ទើរ អេមមី រ៉ាយ ជួបជាមួយអភិបាលរងខេត្តសៀមរាប ឯកឧត្តម ង៉ូវ សេងកាក់ នៅការិយាល័យរបស់ឯកឧត្តមក្នុងព្រះរាជាណាចក្រកម្ពុជា ដើម្បីពិភាក្សាអំពីសក្តានុពលកិច្ចសហប្រតិបត្តិការរបស់សាសនាចក្រនៅថ្ងៃទី៣០ ខែឧសភា ឆ្នាំ២០២៤ ដែលជាផ្នែកមួយនៃដំណើរទស្សនកិច្ចក្នុងការធ្វើការងារបម្រើរបស់ស៊ីស្ទើរ រ៉ាយ នៅតំបន់អាស៊ីអាគ្នេយ៍ ។2024 by Intellectual Reserve, Inc. All rights reserved.![32.-CM-govt-outside-pose.jpg](https://news-sg.churchofjesuschrist.org/media/285x285/32.-CM-govt-outside-pose.jpg)
32.-CM-govt-outside-pose.jpg
ស៊ីស្ទើរ អេមមី អេ រ៉ាយ អមដំណើរដោយស្វាមីរបស់គាត់លោក ជេមស៍ ធ្វើការងារបម្រើដល់ក្រុមគ្រួសាររបស់ប្រធានសាខានៃសហគមន៍រុនតាឯក ក្នុងខេត្តសៀមរាបនៃព្រះរាជាណាចក្រកម្ពុជា ។ ដំណើរទស្សនកិច្ចរបស់ពួកលោកទៅកាន់ផ្ទះរបស់គាត់បានធ្វើឡើងនៅថ្ងៃទី៣០ ខែឧសភា ឆ្នាំ២០២៤ ដែលជាផ្នែកមួយនៃដំណើរទស្សនកិច្ចក្នុងការធ្វើការងារបម្រើរបស់ស៊ីស្ទើរ រ៉ាយ នៅតំបន់អាស៊ី អាគ្នេយ៍ ។2024 by Intellectual Reserve, Inc. All rights reserved.ស៊ីស្ទើរ រ៉ាយ បានមានប្រសាសន៍អំពីគំនិតផ្តួចផ្តើមផ្សេងៗដែលសាសនាចក្របានចូលរួមជាពិសេសដើម្បីផ្តល់អត្ថប្រយោជន៍ដល់កុមារ ដោយបញ្ជាក់ថា « ធនធានដ៏មហិមាបំផុតនៅគ្រប់ប្រទេសទាំងអស់គឺកុមារ ។ ស៊ីស្ទើរ រ៉ាយ ក៏បានមានប្រសាសន៍ដែរថា ៖ « ជំនួបនេះពិតជាជំនួបដ៏រីករាយណាស់ ។ គោលបំណងដ៏សំខាន់បំផុតនោះគឺចាប់ផ្តើមបង្កើត … មិត្តភាពមួយដែលយើងអាចធ្វើការជាមួយគ្នា … ពិតជាអ្វីដែលយើងអាចធ្វើដើម្បីជួយលើកស្ទួយ ស្ថាបនា និងពង្រឹងប្រជាជននៅក្នុងសហគមន៍នេះ » ។
នៅក្នុងបេះដូង និងគេហដ្ឋាន
ស៊ីស្ទើរ រ៉ាយ ក៏បានបន្តធ្វើដំណើរទៅកាន់សហគមន៍រុនតាឯក ជាកន្លែងដែលសាសនាចក្របានជួយសមាជិកដែលតម្រូវឲ្យប្តូរលំនៅដ្ឋានពីតំបន់ជុំវិញប្រាសាទអង្គរវត្ត ដោយមានសម្ភារសម្រាប់សាងសង់លំនៅដ្ឋានអចិន្ត្រៃយ៍ថ្មីរបស់ពួកគេ ។ សាខារុនតាឯក ដែលបានបង្កើតឡើងនាពេលថ្មីៗនេះ គឺជាលទ្ធផលនៃសេចក្តីជំនឿ ព្រមទាំងកិច្ចការផ្សព្វផ្សាយសាសនាដែលកំពុងរីកចម្រើនឡើងក្នុងចំណោមសមាជិកទាំងនេះ ។
ផ្ទះដំបូងដែលគាត់ទៅផ្ដល់ការងារបម្រើនៅក្នុងសហគមន៍នោះ គឺផ្ទះរបស់ប្រធានសាខា ដែលគាត់បានសាងសង់ផ្ទះនោះដោយដៃរបស់គាត់ផ្ទាល់ ។ ក្រុមគ្រួសាររបស់គាត់ដែលមានសមាជិកបួននាក់ទើបតែបានផ្សារភ្ជាប់សម្រាប់ភាពអស់កល្បជានិច្ចនៅព្រះវិហារបរិសុទ្ធបាងកក នៅមួយខែមុននេះប៉ុណ្ណោះ ។
ភរិយារបស់គាត់គឺបងស្រី ហេង ប៊ុនធា អាយុ៤៨ឆ្នាំ បានមានប្រសាសន៍ថា ៖ « ខ្ញុំរំភើបណាស់ដែលស៊ីស្ទើរ រ៉ាយ បានមកលេងផ្ទះរបស់យើង ។ ខ្ញុំមានអារម្មណ៍ថា ព្រះវិញ្ញាណគឺអស្ចារ្យណាស់ ដោយសារព្រះវិញ្ញាណបានដឹកនាំស៊ីស្ទើរ រ៉ាយ មកសួរសុខទុក្ខយើងនៅតំបន់រុនតាឯកនេះ ដើម្បីឲ្យគាត់អាចដឹងពីអ្វីដែលយើងបានឆ្លងកាត់ » ។
- 33.-RTE-branch-pres-fam1.jpg
- 34.-RTE-branch-pres-fam2.jpg
- 35.-RTE-branch-pres-fam3.jpg
- 36.-RTE-branch-pres-fam4.jpg
- 37.-RTE-kneeling-picture-card.jpg
- 40.-RTE-grandma-family-card.jpg
- 39.-RTE-with-young-woman.jpg
- 41.-RTE-mass-card-pose.jpg
- 42.-RTE-evening-hug.jpg
- 61.-CM-farewell-grandma.jpg
Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
នៅផ្ទះរបស់បងស្រី អឿម សៀង ដែលមានអាយុ៦៨ឆ្នាំ ដែលបានទទួលបុណ្យជ្រមុជទឹកក្នុងខែកុម្ភៈ ឆ្នាំ២០២៤ នេះ មានកូនស្រីពីរនាក់ កូនប្រសា និងចៅប្រាំមួយនាក់របស់គាត់បានចូលរួមជាមួយស៊ីស្ទើរ រ៉ាយ និងអ្នកអមដំណើរជាមួយគាត់យ៉ាងណែននៅរានហាលដ៏តូចរបស់ពួកគេ ។ ប៉ុន្តែអ្នកជិតខាង និងកូនៗរបស់ពួកគេក៏មិនចង់ខកខានវត្តមានពិសេសរបស់ស៊ីស្ទើរ រ៉ាយ ផងដែរ ។ នៅពេលពួកគេជួបជុំគ្នានៅជិតផ្ទះ និងអង្គុយក្បែរគាត់នោះ ស៊ីស្ទើរ រ៉ាយ បានលាន់មាត់ថា « នេះជាអង្គការបឋមសិក្សាទាំងមូលហើយ !
ស៊ីស្ទើរ រ៉ាយ បានដឹកនាំក្រុមដ៏ធំមួយច្រៀងបទ « ខ្ញុំជាកូនរបស់ព្រះ » ទោះបីជាបទនេះមានតែក្មេងស្រីតូចម្នាក់ដែលចេះក៏ដោយ បន្ទាប់មកគាត់បានថ្លែងទីបន្ទាល់ទៅកាន់នាងថា « ក្មួយមានតម្លៃចំពោះទ្រង់ ។ មីងសង្ឃឹមថា ក្មួយនឹងដឹង ហើយទទួលអារម្មណ៍នោះជានិច្ច » ។ នៅក្នុងភាពស្ញប់ស្ញែងដ៏ស្ងប់ស្ងាត់ និងគាវរភាពដែលបានបន្តនោះ ស៊ីស្ទើរ រ៉ាយ បានលូកយកប័ណ្ណមួយដុំដែលគាត់បានយកមកជាមួយ ដែលបង្ហាញអំពីក្មេងស្រីតូចម្នាក់នាំអ្នកដទៃទៅរកព្រះយេស៊ូវគ្រីស្ទ ហើយចែកប័ណ្ណទាំងនោះទៅឲ្យកុមារគ្រប់គ្នាទុកជាអនុស្សាវរីយ៍ ។
ផ្ដល់ការងារបម្រើដោយក្ដីស្រឡាញ់ចំពោះមនុស្សទាំងអស់គ្នា
![12.-Special-Embrace.jpg](https://news-sg.churchofjesuschrist.org/media/960x540/12.-Special-Embrace.jpg)
12.-Special-Embrace.jpg
ស៊ីស្ទើរ អេមមី អេ រ៉ាយ ធ្វើការងារបម្រើ និងឱបម្តាយម្នាក់បន្ទាប់ពីការប្រជុំធម្មនិដ្ឋានសមាជិក ដែលបានប្រារព្ធឡើងនៅថ្ងៃទី២៦ ខែឧសភា ឆ្នាំ២០២៤ នៅស្តេកសិង្ហបុរី ក្នុងប្រទេសសិង្ហបុរី ដែលជាផ្នែកមួយនៃដំណើរទស្សនកិច្ចក្នុងការធ្វើការងារបម្រើរបស់គាត់នៅតំបន់អាស៊ីអាគ្នេយ៍ ។2024 by Intellectual Reserve, Inc. All rights reserved.ស៊ីស្ទើរ រ៉ាយ បានបង្ហាញចំណាប់អារម្មណ៍ពីគោលបំណងនៃការងារបម្រើរបស់គាត់ថា « ខ្ញុំចងចាំពីរាត្រីមួយដែលខ្ញុំបានអធិស្ឋានជាពិសេសសម្រាប់ប្រជាជនដ៏ស្រស់ស្អាតនៃតំបន់នេះ …ហើយខ្ញុំក៏ទទួលបានអារម្មណ៍ដ៏បំផុសគំនិតនេះថា ៖ គ្រាន់តែប្រាប់ពួកគេថា យើង [ ជាព្រះវរបិតាសួគ៌របស់ពួកគេ ] ស្រឡាញ់ពួកគេខ្លាំងណាស់ ថាពួកគេមានតម្លៃចំពោះយើង ហើយអរគុណពួកគេចំពោះអ្វីៗទាំងអស់ដែលពួកគេកំពុងធ្វើ ។ ពួកគេកំពុងធ្វើកិច្ចការដ៏ល្អ ហើយថាយើងដឹងអំពីពួកគេ ។ យើងស្គាល់ពួកគេម្នាក់ៗ ។ ហើយខ្ញុំគិតថា ឱនោះធ្វើឲ្យការងាររបស់ខ្ញុំងាយស្រួលណាស់ ព្រោះអ្នកនៅទីនេះងាយឲ្យស្រឡាញ់ណាស់ » ។
នៅទូទាំងប្រទេសសិង្ហបុរី ទីក្រុងគូឈីង ខេត្តសៀមរាប និងទីក្រុងហូជីមិញនៅក្នុងប្រទេសវៀតណាម សមាជិក និងពួកអ្នកផ្សព្វផ្សាយសាសនាពិតជាបានទទួលគាត់ដោយភាពកក់ក្ដៅ ។
ស៊ីស្ទើរ រ៉ាយ បានពាំនាំមកនូវសេចក្តីស្រឡាញ់ ការទុកចិត្ត និងតម្រូវការរបស់ប្រធានសាសនាចក្រគឺប្រធាន រ័សុល អិម ណិលសុន សម្រាប់កុមារគ្រប់រូប ហើយផ្តល់អំណាចឲ្យពួកគេចូលរួមយ៉ាងពេញលេញ និងទទួលយកការទទួលខុសត្រូវនៃសេចក្តីសញ្ញារបស់ពួកគេក្នុងនាមជាសមាជិកវ័យក្មេងបំផុតនៅក្នុងសាសនាចក្រនៃព្រះយេស៊ូវគ្រីស្ទ ។
- 53.-CM-kids-signing.jpg
- 54.-CM-teaching-signing.jpg
- 55.-CM-informal-pews.jpg
- 59.-CM-kids-devo-farewell2.jpg
- 60.-CM-kids-devo-farewell-baby.jpg
Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ចំពោះយុវវ័យនៅប្រទេសសិង្ហបុរី ស៊ីស្ទើរ រ៉ាយ បានផ្ដល់សំណូមពរថា « ក្មួយៗមិនមែនជាអនាគតនោះទេ ក្មួយៗគឺជាបច្ចុប្បន្ននេះ ... គុណធម៌នៃជីវិតរបស់ក្មួយៗកំពុងតែមានឥទ្ធិពលដល់មនុស្សគ្រប់ជំនាន់រាប់មិនអស់ » ។
ចំពោះយុវមជ្ឈិមវ័យនៅលីវក្នុងប្រទេសវៀតណាម ស៊ីស្ទើរ រ៉ាយ ក៏បានរំឭកថា ពួកគេអាចទទួលអារម្មណ៍ពីព្រះវរបិតាដែលគង់នៅស្ថានសួគ៌របស់ពួកគេ និងព្រះរាជបុត្រាទ្រង់ គឺព្រះយេស៊ូវគ្រីស្ទ មិនថាពួកគេនៅទីណានោះទេ ។
ចំពោះសមាជិកគ-ថ្លង់នៅទីក្រុងគូឈីង ស៊ីស្ទើរ រ៉ាយ បានបញ្ជាក់ថា « នៅពេលខ្ញុំបានឮដំណើររឿងរបស់អ្នក យើងដឹង និងទទួលអារម្មណ៍ថា អ្នកមានទឹកចិត្តដ៏ស្រស់ស្អាត និងទន់ភ្លន់ » ។
ចំពោះថ្នាក់ដឹកនាំអង្គការបឋមសិក្សា ស៊ីស្ទើរ រ៉ាយ បានលាតត្រដាងថា « អង្គការបឋមសិក្សាគឺជាកន្លែងដែលអ្នកនឹងទទួលបានការព្យាបាល » ។
ចំពោះពួកអ្នកផ្សព្វផ្សាយសាសនា ស៊ីស្ទើរ រ៉ាយ បានបង្រៀនថា « បេសកកម្មរបស់អ្នកត្រូវបានធ្វើឡើងជាក់លាក់ដោយការរចនាដ៏ទេវភាព ដើម្បីជាការលត់ដំជាពិសេសសម្រាប់អ្នក … ដើម្បីឲ្យអ្នកអាចត្រឡប់ទៅផ្ទះវិញរស់នៅតាមរបៀបកាន់តែខ្ពស់ និងកាន់តែបរិសុទ្ធ » ។
- 49.-CM-missionary-greeting-male.jpg
- 50.-CM-missionary-greeting-female.jpg
- 51.-CM-local-elders.jpg
- 52.-CM-provincial-missionaries.jpg
Temple Square is always beautiful in the springtime. Gardeners work to prepare the ground for General Conference. © 2012 Intellectual Reserve, Inc. All rights reserved. | 1 / 2 |
ហើយពេលដែលការងារបម្រើនៅតំបន់អាស៊ីអាគ្នេយ៍របស់គាត់បានឈានចូលមកដល់ទីបញ្ចប់នោះ ស៊ីស្ទើរ រ៉ាយ បានសម្តែងអារម្មណ៍ថា « ក្តីសង្ឃឹមដ៏ធំបំផុតរបស់ខ្ញុំ ជាពិសេសសម្រាប់សមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ គឺថាចក្ខុវិស័យនឹងត្រូវបានពង្រីកទៅដល់សិស្សវ័យក្មេងបំផុតរបស់ព្រះវរបិតាសួគ៌របស់យើង ដែលជាបុត្រាបុត្រីរបស់ទ្រង់…ថាកូនក្មេងតូចៗទាំងនេះ យើងនឹងចាប់ផ្តើមឃើញពួកគេតាមរយៈកញ្ចក់នៃសមត្ថភាពរបស់ពួកគេដើម្បីធ្វើកិច្ចការដ៏អស្ចារ្យ » ។
![3.-Excited-Over-the-Kid.jpg](https://news-sg.churchofjesuschrist.org/media/285x285/3.-Excited-Over-the-Kid.jpg)